ఐపీఎల్ ఫైనల్‌.. ఆర్సీబీ ఫస్టు బ్యాటింగ్‌

రాయల్ ఛాలెంజర్స్ బెంగళూరుతో జరుగుతున్న ఐపీఎల్ 2025 ఫైనల్‌ మ్యాచ్‌లో టాస్ గెలిచిన పంజాబ్ కింగ్స్.. ఫస్టు బౌలింగ్ ఎంచుకుంది. దీంతో ఆర్సీబీ తొలుత బ్యాటింగ్ చేయనుంది. ఈ మ్యాచ్‌ కోసం రెండు జట్లు తమ తుది జట్టులో ఎలాంటి మార్పులు చేయలేదు. టిమ్ డేవిడ్ ఫిట్‌నెస్ సాధించకపోవడంతో ఆర్సీబీ.. లియామ్ లివింగ్‌ స్టోన్‌ను కంటిన్యూ చేసింది. ఈ రెండు జట్లూ కూడా ఇప్పటివరకు ఒక్క టైటిల్ కూడా సాధించలేదు. అయితే ఇందులో ఒక జట్టు నేడు టైటిల్ నీరక్షణకు తెరదించనుంది.

ఐపీఎల్ 2025 ఫైనల్ మ్యాచ్‌ టాస్ పడింది. గుజరాత్‌లోని అహ్మదాబాద్ వేదికగా ఈ మ్యాచ్ జరుగుతోంది. ఈ మ్యాచ్‌లో టాస్ గెలిచిన పంజాబ్ కింగ్స్ కెప్టెన్ శ్రేయస్ అయ్యర్.. ఆర్సీబీకి బ్యాటింగ్ అప్పగించాడు. క్వాలిఫయర్‌-1లో ఆర్సీబీ టాస్ గెలిచి బౌలింగ్ ఎంచుకుంది. ఈసారి పంజాబ్ టాస్ గెలిచి బౌలింగ్ ఎంచుకుంది. ఇక రెండు జట్లూ కూడా తుది జట్టులో ఎలాంటి మార్పులు లేకుండానే బరిలోకి దిగుతున్నాయి. గాయం నుంచి కోలుకోకపోవడంతో ఆర్సీబీకి చెందిన టిమ్ డేవిడ్ ఈ మ్యాచ్‌కు కూడా దూరమయ్యాడు.

ఇక 19 ఏళ్లుగా ఐపీఎల్‌లో ఆడుతున్నప్పటికీ ఆర్సీబీ, పంజాబ్ ఒక్కసారి కూడా టైటిల్ సాధించలేదు. ఆర్సీబీ 2009, 2011, 2016లో ఫైనల్‌ మ్యాచ్‌లలో ఓడిపోయింది. అటు పంజాబ్ కింగ్స్ 2014లో ఫైనల్ మ్యాచ్‌లో పరాజయం పాలైంది. ఈసారి మాత్రం ఆ తప్పు చేయకూడదని రెండు జట్లూ భావిస్తున్నాయి. దీంతో ఈ మ్యాచ్‌ హోరాహోరీగా సాగడం ఖాయమనే అంచనాలు ఉన్నాయి. ఈ మ్యాచ్‌లో గెలిచిన జట్టు సుదీర్ఘ నిరీక్షణకు తెరదించనుంది. ఇదే సమయంలో ఓడిన జట్టుకు మాత్రం హార్ట్ బ్రేక్‌ తప్పదు! మరి ఐపీఎల్‌లో కొత్త ఛాంపియన్ ఎవరు అవుతారనేది మరికొన్ని గంటల్లో తేలిపోనుంది.

తుది జట్లు..

రాయల్ ఛాలెంజర్స్ బెంగళూరు: ఫిలిప్ సాల్ట్, విరాట్ కోహ్లీ, మయాంక్ అగర్వాల్, రజత్ పాటీదార్ (కెప్టెన్‌), లియామ్ లివింగ్‌స్టోన్, జితేష్ శర్మ (వికెట్ కీపర్‌), రొమారియో షెఫర్డ్, కృనాల్ పాండ్యా, భువనేశ్వర్ కుమార్, యశ్ దయాల్, జోష్ హేజిల్‌వుడ్

ఇంపాక్ట్ సబ్స్: రసిఖ్ సలామ్, మనోజ్ భాండాగే, టిమ్ సీఫెర్ట్, స్వప్నిల్ సింగ్, సుయాష్ శర్మ.

పంజాబ్ కింగ్స్: ప్రియాంష్ ఆర్య, జోష్ ఇంగ్లిస్ (వికెట్ కీపర్‌), శ్రేయస్ అయ్యర్ (కెప్టెన్‌), నెహాల్ వధేరా, శశాంక్ సింగ్, మార్కస్ స్టోయినిస్, అజ్మతుల్లా ఒమర్జాయ్, కైల్ జామీసన్, విజయ్‌కుమార్ వైషాక్, అర్ష్‌దీప్ సింగ్, యుజ్వేంద్ర చాహల్

ఇంపాక్ట్ సబ్స్: ప్రభ్‌సిమ్రాన్ సింగ్, ప్రవీణ్ దూబే, సూర్యాంశ్ షెడ్గే, జేవియర్ బార్ట్‌లెట్, హర్‌ప్రీత్ బ్రార్