50 ఏళ్ల వయసులోనూ వన్నె తగ్గని అందం, ,,ప్రీతి జింటా ఫిట్నెస్ సీక్రెట్
Life style | Suryaa Desk | Published : Thu, Jun 05, 2025, 12:25 AM
ఐపీఎల్ 2025 సీజన్ ముగిసింది. ఐపీఎల్ 2025 ఫైనల్లో పంజాబ్ కింగ్స్పై రాయల్ ఛాలెంజర్స్ బెంగళూరు విక్టరీ కొట్టింది. ఫైనల్ తర్వాత ప్రీతి జింటా ఫోటోలు, వీడియోలు వైరల్గా మారాయి. తెల్ల కుర్తా, ఎరుపు దుపట్టా, సల్వార్ ధరించి ప్రీతి చాలా అందంగా కనిపించారు. ప్రీతి జింటా ఎప్పుడూ ఆటగాళ్లకు సపోర్ట్గా ఉంటారు. ఆటగాళ్లపై ఎటువంటి ఒత్తిడి పెట్టరు. అయితే, ఈ సీజన్ మొత్తం ప్రీతి జింటా స్పెషల్ ఎట్రాక్షన్గా నిలిచారు. 50 ఏళ్ల వయసులోనూ ఆమె అందానికి చాలా మంది ఫిదా అయ్యారు.
ఆమె ఫిట్నెస్, అందం గురించి ప్రతి ఒక్కరూ ప్రశంసిస్తున్నారు. 50 ఏళ్ల వయసులో కూడా ప్రీతి జింటా అద్భుతమైన ఫిట్నెస్ లక్ష్యాలను నిర్దేశించుకుంటుంది. ఈ వయసులో కూడా ఆమె చాలా మంది హీరోయిన్లకు పోటీనిస్తుంది. ఈ వయసులో కూడా ఆమె ఫిట్నెస్ చూసి చాలా మంది ఆశ్చర్యపోతున్నారు. ఫిట్గా ఉండటం కోసం ప్రీతి జింటా చాలా కష్టపడతారు. ఆమె ఫిట్నెస్, వ్యాయామ దినచర్య సీక్రెట్స్ సోషల్ మీడియాలో ఇప్పుడు వైరలయ్యాయి. ఇప్పుడు ప్రీతి జింటా ఫిట్నెస్ రహస్యాన్ని మనం తెలుసుకుందాం.
ప్రీతి జింటా తన ఫిట్నెస్ కోసం రోజూ వ్యాయామం చేస్తుంది. ఆమె తరచుగా తన వ్యాయామ వీడియోలను అభిమానులతో పంచుకుంటుంది. ఆమె అభిమానులు ఫిట్గా ఉండటానికి స్ఫూర్తినిస్తుంది. ఇది మాత్రమే కాదు, ఆమె అనేక వీడియోల ద్వారా రోజువారీ సమస్యల నుంచి ఎలా బయటపడాలో ఫ్యాన్స్కు సలహాలు ఇస్తుంది. ఆమె ఫిట్గా ఉండటానికి క్రంచెస్ చేస్తుంది. ఇది బెల్లీ ఫ్యాట్ను తగ్గించడంలో సాయపడుతుంది. అంతేకాకుండా క్రంచెస్ రెగ్యులర్గా చేయడం వల్ల కోర్ను కూడా బలపరుస్తుంది.
పుష్ - అప్స్, సిట్ - అప్స్
ప్రీతి జింటా తనను తాను ఫిట్గా, టోన్గా ఉంచుకోవడానికి జిమ్లో చెమటలు చిందిస్తుంది. ఇటీవల, ఆమె ఇన్స్టాగ్రామ్లో తన వీడియోను షేర్ చేశారు. దీనిలో ఆమె డంబెల్స్తో భారీ వర్కౌట్లు చేస్తున్నట్లు కనిపిస్తుంది. అంతేకాకుండా ప్రీతి పుష్ అప్లు, సిట్ అప్లు కూడా చేస్తోంది. ఇవి కండరాలను బలోపేతం చేయడానికి, బలాన్ని పెంచడానికి సాయపడతాయి. కేలరీలను బర్న్ చేయడానికి ఈ వ్యాయామాలు ప్రభావవంతంగా పనిచేస్తాయి.
ప్రీతి జింటా ఫిట్నెస్ సీక్రెట్
ప్రీతి జింటా డైట్ ప్లాన్
ప్రీతి జింటా వర్కౌట్స్తో పాటు, తన ఆహారం పట్ల కూడా ప్రత్యేక శ్రద్ధ తీసుకుంటుంది. ఇటీవల, నటి ఒక ఇంటర్వ్యూలో మాట్లాడుతూ, ఫిట్గా ఉండటం కోసం పోర్షన్ కంట్రోల్పై చాలా శ్రద్ధ చూపుతానని చెప్పింది. ఆకలితో ఉండటం ఫిట్ నెస్ కాదని, ఆహారంలో పోర్షన్ని కంట్రోల్ చేసుకోవడం ముఖ్యమని ఆమె చెప్పింది. అలాగే, ఫిట్గా ఉండటం కోసం వ్యాయామం చాలా ముఖ్యమైనది తెలిపారు. నిద్ర చాలా ముఖ్యమని ఆమె తెలిపారు.
ప్రీతి జింటా చెప్పిన చిట్కాలు
* తిండి విషయంలో కంట్రోల్ ఉండేవారు కచ్చితంగా అందంగా ఉంటారని ఆమె తెలిపారు. హడావిడిగా తినవద్దని, తినాల్సినంత మేర తింటే మంచిదని తెలిపారు. అంటే మైండ్ ఫుల్గా తినాలి.
* నెమ్మదిగా తింటే చాలా మంచిదని ప్రీతి జింటా తెలిపారు. ఆహారాన్ని బాగా నమిలి తినడం వల్ల జీర్ణక్రియ బాగా మెరుగ్గా ఉంటుందని ఆమె పేర్కొన్నారు.
* తగినంత నిద్ర చాలా ముఖ్యమని ఆమె పేర్కొన్నారు. పనికంటే తగినంత నిద్ర ఉంటే రోజంతా యాక్టివ్గా ఉంటారని ఆమె సూచించారు.
|
|