కొన్ని సులభమైన ఇంటి చిట్కాలతో హెయిర్ ఫాల్ ను అడ్డుకోవచ్చు

జుట్టు రాలడం ఇప్పుడు ప్రతి ఒక్కరినీ వేధిస్తోన్న సమస్య. ఈ సమస్య నుంచి బయటపడటానికి చాలా మంది మార్కెట్లో దొరికే వివిధ రకాల ప్రొడక్ట్స్ వాడుతున్నారు. అయితే, వీటి వల్ల అంతగా ప్రయోజనం ఉండటం లేదు. అందుకే కొన్ని నేచురల్ చిట్కాలు జుట్టు రాలడం తగ్గించడంలో ప్రభావవంతంగా పనిచేస్తాయి. 

దుమ్ము, పొల్యూషన్, జీవనశైలి, చెడు ఆహారపు అలవాట్లు కారణంగా చాలా మంది రకరకాల సమస్యలు ఎదుర్కొంటున్నారు. అందులో ఒకటి జుట్టు రాలడం. జుట్టు రాలడం వల్ల అందాన్ని ప్రభావితమే చేయడమే కాకుండా ఆత్మవిశ్వాసాన్ని కూడా బలహీనపరుస్తుంది. చాలా మంది జుట్టు రాలే సమస్యతో ఆందోళన చెందుతున్నారు. జుట్టు రాలడం పెరిగి భవిష్యత్తులో ఎక్కడా బట్టతల వస్తుందన్న ఆందోళన వారిలో ఉంది.

మారిన ఆహారపు అలవాట్లు, జీవనశైలి కారణంగా చాలా మంది బట్టతల బాధితులుగా మారుతున్నారు. జుట్టును దువ్వినప్పుడు.. వెంట్రుకలు గుత్తులు గుత్తులుగా రాలిపోతున్నాయి. మార్కెట్లో అనేక రసాయన ఆధారిత ఉత్పత్తులు అందుబాటులో ఉన్నాయి. కానీ వాటి వాడకం వల్ల మేలు జరగకపోగా.. జుట్టు సమస్యలు ఇంకా ఎక్కువవుతున్నాయి. అయితే, కొన్ని సహజ పద్ధతులతో జుట్టు రాలడాన్ని తగ్గించుకోవచ్చని ఆయుర్వేద నిపుణులు అంటున్నారు. ఆ సహజ పద్ధతులు, చిట్కాలేంటో ఇప్పుడు తెలుసుకుందాం.

రామ్‌దేవ్ బాబా చెప్పిన అదిరే చిట్కాలు, రెగ్యులర్‌గా ఫాలో అయితే కీళ్లలో పేరుకుపోయిన యూరిక్ యాసిడ్ మూత్రం ద్వారా బయటకు వచ్చేస్తుంది

* కొబ్బరి నూనె జుట్టుకు బెస్ట్ ఆప్షన్ అంటున్నారు నిపుణులు. జుట్టు రాలడం తగ్గడం కోసం 20 మి.లీ కొబ్బరి నూనెలో కొద్దిగా ఉసిరి నూనె, రెండు టీస్పూన్ల నిమ్మరసం కలిపి.. తలకు మసాజ్ చేసి, కొద్దిసేపు అలాగే ఉంచండి. ఆ తర్వాత తేలికపాటి షాంపూతో తలస్నానం చేసుకోండి. వారానికి కనీసం 4 సార్లు ఇలా చేయండి. ఈ రెమెడీతో జుట్టు రాలడం సమస్య క్రమంగా తగ్గుతుంది.

* మెంతుల్ని కొబ్బరి నూనెలో కలిపి తలకు పట్టించడం వల్ల కూడా జుట్టు రాలడం ఆగిపోతుంది. ఇందుకోసం మెంతుల్ని తీసుకుని కొబ్బరి నూనెలో వేయించాలి. చల్లబడిన తర్వాత దీన్ని ఫిల్టర్ చేసి నూనెను, తలపై జుట్టు మూలాల వరకు మసాజ్ చేయండి. ఈ పద్ధతిని వారానికి 2-3 సార్లు ఫాలో అవ్వండి.

గోరింటాకులతో ఆవ నూనె

సాధారణంగా తలకు మెరుపు, తెల్ల జుట్టు రంగు మారడానికి హెన్నా రాసుకుంటారు. కానీ చాలా తక్కువ మందికి మాత్రమే హెన్నా జుట్టు రాలడాన్ని నివారిస్తుందని తెలుసు. ఈ రెమిడీ కోసం కొన్ని గోరింటాకుల్ని ఆవ నూనెలో మరిగించాలి. ఈ నూనె చల్లబడిన తర్వాత ఫిల్టర్ చేయాలి. ఆ నూనెతో తలకు మసాజ్ చేయండి. ఈ విధంగా వారానికి 2-3 సార్లు మసాజ్ చేయండి. ఇలా చేయడం వల్ల జుట్టు రాలడం తక్కువ సమయంలోనే ఆగిపోతుంది.

పెరుగు, శనగపిండి రెమిడీ

ఈ చిట్కా కూడా జుట్టు రాలడం తగ్గించడంలో ప్రభావవంతంగా పనిచేస్తుంది. ఇందుకోసం పెరుగులో కొద్దిగా శనగపిండి కలపండి. ఇప్పుడు దానికి కొద్దిగా నిమ్మరసం కలిపి తలకు బాగా పట్టించండి. ఈ మిశ్రమాన్ని అప్లై చేసిన తర్వాత మూడు నుంచి నాలుగు గంటల పాటు అలాగే ఉంచండి. తర్వాత గోరువెచ్చని నీరు, షాంపూతో వాష్ చేసుకోండి. ఇలా చేయడం వల్ల మెరుగైన ఫలితాలు ఉంటాయని ఆయుర్వేద నిపుణులు చెబుతున్నారు.

ఉసిరి, రీతా, షికాకై

ఉసిరి, రీతా, శికాకైలను జుట్టు రాలడం చికిత్సకు దివ్యౌషధంగా భావిస్తారు. మార్కెట్‌లో వీటితో తయారు చేసిన షాంపూలు కూడా మార్కెట్లో అందుబాటులో ఉన్నాయి. కానీ వాటిలో రసాయనాలు ఉండటం వల్ల అవి జుట్టుకు హాని కలిగిస్తాయి. అందుకే ఇంట్లోనే వీటితో మంచి సొల్యూషన్ తయారుచేయవచ్చు. ఇందుకోసం 250 గ్రాముల ఉసిరికాయ, 250 గ్రాముల రీతా, షికాకైల్ని తీసుకుని.. ఒక పాత్రలో రాత్రంతా నానబెట్టండి. ఉదయాన్నే.. ఈ మిశ్రమాన్ని ఒకటిన్నర లీటర్ల నీటితో కలిపి.. నీరు సగం అయ్యే వరకు ఉడకబెట్టండి. ఆ మిశ్రమం చల్లరానిన తర్వాత ఫిల్టర్ చేసి నిల్వ చేయండి. ప్రతి రోజు ఈ మిశ్రమంతో తలకు మసాజ్ చేయండి. కొన్ని రోజుల్లోనే మంచి ఫలితాలు చూస్తారని ఎక్స్‌పర్ట్స్ చెబుతున్నారు.

జామాకుల నీరు

జామాకుల్లో కూడా జుట్టుకు మేలు చేసే ఎన్నో పోషకాలు ఉన్నాయి. ఇందుకోసం ఒక లీటర్ నీటిలో జామాకుల్ని మరిగించండి. నీరు నల్లగా మారే వరకు మరిగించాలి. ఆ తర్వాత నీటిని ఫిల్టర్ చేసి.. జుట్టు మూలాలకు అప్లై చేయండి. ఈ చిట్కా రెగ్యులర్‌గా ఫాలో అయితే జుట్టు రాలే సమస్య నుంచి తక్కువ సమయంలోనే ఉపశమనం లభిస్తుందని నిపుణులు అంటున్నారు.

మందార పువ్వులు

మందార పువ్వులు ఏ రకమైన జుట్టు సమస్యకైనా చాలా ప్రభావవంతంగా పనిచేస్తాయి. ఇందుకోసం కొబ్బరి నూనెలో మందార పువ్వుల్ని మరిగించాలి. నూనె రంగు నల్లగా మారే వరకు ఉడికించాలి. ఇప్పుడు ఈ నూనెను చల్లబరిచి జుట్టు మూలాలకు రాయండి. ఈ నూనెతో ప్రతిరోజూ తలకు మసాజ్ చేయండి. ఇలా చేయడం వల్ల జుట్టు రాలడం ఆగిపోతుంది. అన్ని రకాల జుట్టు సంబంధిత సమస్యలు తొలగిపోతాయి.

ఉల్లిపాయ రసం

జుట్టు రాలడాన్ని నియంత్రించడంలో ఉల్లిపాయ రసం చాలా ప్రయోజనకరంగా ఉంటుంది. ఇందుకోసం ఉల్లిపాయను కోసి జుట్టు మూలాలకు మసాజ్ చేయండి లేదా దాని రసాన్ని తీసి మూలాలకు రాయండి. దీనివల్ల జుట్టు రాలడం సమస్య తొలగిపోతుంది. నిజానికి ఉల్లిపాయ జుట్టులో కొల్లాజెన్ మొత్తాన్ని పెంచుతుంది. ఇది జుట్టు పెరుగుదలను ప్రోత్సహిస్తుంది.