ట్రెండింగ్
అమరావతిలో విమానాశ్రయానికి 5వేల ఎకరాలు
Andhra Pradesh Telugu | Suryaa Desk | Published : Wed, Jun 25, 2025, 01:14 PM
అమరావతిలో అంతర్జాతీయ స్థాయి విమానాశ్రయానికి 5వేల ఎకరాలు, అంతర్జాతీయస్థాయి క్రీడా నగరానికి 2,500 ఎకరాలు, స్మార్ట్ ఐటీ పరిశ్రమలకు 2,500 ఎకరాల కేటాయిస్తామని మంత్రి నారాయణ తెలిపారు. దీనిలోనే ఉద్యోగుల పిల్లలకు స్కూళ్లు, ఇతర సౌకర్యాలు కల్పిస్తామన్నారు. అమరావతిలో అధికారుల భవనాలు ఏడాదిలోపు, ట్రంక్ రోడ్లు ఏడాదిన్నర నుంచి రెండేళ్లలోపు, లేఅవుట్ రోడ్లు రెండున్నరేళ్లు, ఐకానిక్ టవర్స్ నిర్ణీత వ్యవధిలోగా సిద్ధమవుతాయని చెప్పారు. కరకట్ట నాలుగులైన్ల విస్తరణ పనుల విషయంలో కాంక్రీటు వాల్ నిర్మాణంపై ఎన్జీటీతో చర్చిస్తున్నామని చెప్పారు. సీడ్ యాక్సెస్ రోడ్డుకు సంబంధించి మిగిలిన భూ సమీకరణపై మంత్రి మండలిలో అనుమతి వచ్చిందని, త్వరలో టెండర్లు పిలుస్తామన్నారు.
|
|