టీ20 క్రికెట్‌లో చరిత్ర సృష్టించిన బట్లర్‌

ఇంగ్లాండ్ మాజీ కెప్టెన్ జోస్ బట్లర్ .. టీ20 క్రికెట్‌లో అరుదైన ఫీట్ సాధించాడు. టీ20 ప్రపంచకప్ 2024లో తమ జట్టు టైటిల్ సాధించకపోవడానికి బాధ్యత తీసుకుంటూ.. కెప్టెన్సీకి గుడ్‌బై చెప్పిన అతడు.. ప్రస్తుతం టీ20 క్రికెట్‌లో పరుగుల వరద పారిస్తున్నాడు. ఐపీఎల్‌ 2025లో అదరగొట్టిన ఈ ఇంగ్లీష్ ప్లేయర్.. ప్రస్తుతం ఇంగ్లాండ్ వేదికగా జరుగుతున్న విటాలిటీ టీ20 బ్లాస్ట్ లీగ్‌లోనూ సత్తాచాటుతున్నాడు. ఈ టోర్నీలో లాంక్‌షైర్ తరఫున ఆడుతున్న బట్లర్.. యార్క్‌షైర్‌తో జరిగిన మ్యాచ్‌లో 44 బంతుల్లో 77 రన్స్ చేసి టీ20 క్రికెట్‌లో 13,000 పరుగుల మైలురాయిని అధిగమించాడు.

ప్రపంచ వ్యాప్తంగా బట్లర్ కంటే ముందు ఆరుగురు బ్యాటర్లు.. ఈ ఫీట్ సాధించాడు. ఏడో ప్లేయర్‌గా జోస్ ఆ జాబితాలో చేరిపోయాడు. అంతేకాకుండా ఈ ఫీట్ సాధించిన రెండో ఇంగ్లాండ్ ప్లేయర్‌గానూ అతడు నిలిచాడు. అతడి కంటే ముందు ఇంగ్లాండ్‌కు చెందిన అలెక్స్ హేల్స్‌.. ఈ మైలురాయిని అధిగమించాడు.

టీ20ల్లో 13,000 రన్స్ చేసి ప్లేయర్లు..

క్రిస్ గేల్ - 14,562 పరుగులు

కీరన్ పొలార్డ్ - 13,854 రన్స్‌

అలెక్స్ హేల్స్‌ - 13,814 పరుగులు

షోయబ్ మాలిక్ - 13,571 రన్స్

విరాట్ కోహ్లీ - 13,543 పరుగులు

డేవిడ్ వార్నర్ - 13,395 రన్స్‌

తాజాగా జోస్ బట్లర్ ఈ జాబితాలో చేరిపోయాడు.

అంతర్జాతీయ టీ20 క్రికెట్‌లో 34 ఏళ్ల బట్లర్‌ 137 మ్యాచ్‌లలో సుమారు 150 స్ట్రైక్‌రేట్‌తో 3700 రన్స్చేశాడు. 2022లో టీ20 ప్రపంచకప్ గెలిచిన ఇంగ్లాండ్ జట్టుకు సారథిగా ఉన్నాడు. ఇక ఐపీఎల్‌లో 121 మ్యాచ్‌లలో 4120 పరుగులు చేశాడు. ఇందులో ఏడు సెంచరీలు, 24 హాఫ్ సెంచరీలు ఉన్నాయి. ఇక విటాలిటీ బ్లాస్ట్‌లో బట్లర్.. 113 మ్యాచ్‌లలో 2669 పరుగులు స్కోరు చేశాడు. బట్లర్ అంతర్జాతీయ క్రికెట్‌తో పాటు.. ఐపీఎల్, దక్షిణాఫ్రికా టీ20 లీగ్, ది హండ్రెడ్, బిగ్ బాష్ లీగ్, విటాలిటీ బ్లాస్ట్ వంటి లీగ్‌లలో ఆడుతున్నాడు