అక్రమ అరెస్టులపై ఉన్న శ్రద్ద ప్రజాసమస్యలపై చంద్రబాబుకి లేదు
Andhra Pradesh Telugu | Suryaa Desk | Published : Tue, Jul 22, 2025, 02:48 PM
కూటమి పార్టీలకు వైయస్ఆర్ కాంగ్రెస్ పార్టీ నాయకుల మీద కక్షసాధింపు, కేసులు, అరెస్టులు మీద ఉన్న శ్రద్ధ... ప్రజలకిచ్చిన హామీలు అమలు చేయడంపై లేదని అనకాపల్లి వైయస్ఆర్సీపీజిల్లా అధ్యక్షుడు, మాజీ మంత్రి గుడివాడ అమర్నాథ్ స్పష్టం చేశారు. విశాఖపట్నం వైయస్ఆర్ కాంగ్రెస్ పార్టీ కార్యాలయంలో మీడియాతో మాట్లాడుతూ... గడిచిన 14 నెలల్లోవైయస్ఆర్సీపీ కార్యకర్తలు, గ్రామాల్లో ఉన్న నాయకులు, సోషల్ మీడియా యాక్టివిస్టుల సహా రాష్ట్ర స్ధాయిలో ఉన్న నాయకుల మీద కూటమి ప్రభుత్వం దాదాపు 2700 కేసులు నమోదు చేయడంపై ఆగ్రహం వ్యక్తం చేశారు. ఇందులో భాగంగానే వైయస్ఆర్సీపీ సీనియర్ పార్లమెంటేరియన్ మూడోసారి ఎంపీగా ఎన్నికైన మిధున్ రెడ్డిని లిక్కర్ స్కామ్ పేరుతో విచారణకు పిలిచి అరెస్టు చేయడంపై అమర్నాధ్ మండపడ్డారు. కేసులు, అరెస్టులతో వైయస్ఆర్ కాంగ్రెస్ పార్టీని భూస్థాపితం చేయాలన్న చంద్రబాబు కోరిక ఈ జన్మకు నెరవేరదని తేల్చిచెప్పారు.
|
|