రోజా వ్యాఖ్యలపై మంత్రి వంగలపూడి అనిత షాకింగ్ కామెంట్స్
Andhra Pradesh Telugu | Suryaa Desk | Published : Sat, Jul 26, 2025, 06:56 PM
సభ్యత సంస్కారం లేని వ్యక్తుల గురించి తాను మాట్లాడనని మాజీ మంత్రి ఆర్కే రోజాను ఉద్దేశించి ఏపీ హోం మంత్రి వంగలపూడి అనిత అన్నారు. రోజా వ్యాఖ్యలపై మాట్లాడాలంటే ఒక మహిళగా తనకు సిగ్గేస్తోందని చెప్పారు. ప్రస్తుతం అనిత తిరుపతిలో పర్యటిస్తున్నారు. శనివారం తెల్లవారుజామున తిరుమల శ్రీవేంకటేశ్వరుడిని తన ఇద్దరు పిల్లలతో కలిసి దర్శించుకున్న అనిత.. అనంతరం తిరుచానూరులోని శ్రీ పద్మావతి అమ్మవారి ఆలయానికి వెళ్లారు. ప్రోటోకాల్ ప్రకారం ఆలయ సిబ్బంది హోంమంత్రికి స్వాగతం పలికారు. అమ్మవారి దర్శనం కల్పించి.. తీర్థప్రసాదాలు, అమ్మవారి చిత్రపటం అందజేశారు. అమ్మవారిని దర్శించుకుని అనంతరం ఆలయం బయట హోం మంత్రి మీడియాతో మాట్లాడారు. లిక్కర్ స్కామ్ కేసులో మిథున్ రెడ్డి అరెస్ట్, ఇటీవల కాలంలో మాజీ మంత్రి రోజా వ్యాఖ్యలు, మాజీ మంత్రి పెద్దిరెడ్డి రామచంద్రారెడ్డి గన్మెన్ సస్పెన్షన్ అంశాలపై హోంమంత్రి స్పందించారు.
|
|