నెలకు రూ. 10 వేలు చాలు.. రూ. 2 కోట్లు

మీరు ఆర్థికంగా బలంగా ఉండాలని కోరుకుంటున్నారా? పెద్ద మొత్తంలో సంపద సృష్టించుకోవాలని కలలు గంటున్నారా? అయితే డబ్బు సంపాదించడమే కాదు.. దానిని పొదుపు చేసి ఇన్వెస్ట్ చేయడం తప్పనిసరి. అవును నిపుణులు కూడా ఇదే చెబుతుంటారు. కానీ చాలా మందికి దేంట్లో ఇన్వెస్ట్ చేయాలనే విషయం తెలియదు. ఇక్కడే తప్పటడుగులు వేసే వారు ఉంటారు. తెలియకు ఊరుకునే వారూ ఉంటారు. కానీ అక్కడే ఆగిపోకుండా ముందుకు సాగాలనేది నిపుణులు చెప్పే మాట. రిస్క్ ఉన్నప్పటికీ దీర్ఘకాలంలో మంచి రాబడి రావాలంటే మ్యూచువల్ ఫండ్స్ ‌లో ఇన్వెస్ట్ చేయాలని నిపుణులు అంటుంటారు. చాలా వరకు మ్యూచువల్ ఫండ్స్ సగటున వార్షిక ప్రాతిపదికన 15 శాతం రాబడి ఇచ్చేవి కూడా ఉంటాయి. ఇక్కడ మంచి ఫండ్ ఎంచుకోవాలి.

ఇక్కడ ఒకేసారి పెద్ద మొత్తంలో పెట్టుబడి పెట్టొచ్చు. లేదా నెలవారీ ప్రాతిపదికన సిస్టమేటిక్ ఇన్వెస్ట్‌మెంట్ ప్లాన్ (SIP) ద్వారా చిన్న మొత్తాల్లో కూడా ఇన్వెస్ట్ చేస్తూ వెళ్లొచ్చు. మీరు కనీసం నెలకు రూ .1000, రూ. 2 వేలు, రూ. 5 వేలు, రూ. 10 వేలు ఇలా ఎంతైనా మదుపు చేసే అవకాశం ఉంటుంది. ఇక్కడ కాంపౌండింగ్ ఎఫెక్ట్‌తో దీర్ఘకాలంలో కోటీశ్వరులు అయ్యేందుకు కూడా అవకాశం ఉంటుందని చెప్పొచ్చు. దీని కోసం కొన్నేళ్లు పడుతుంది. కానీ ద్రవ్యోల్బణాన్ని అధిగమించే రిటర్న్స్ కూడా ఇస్తాయని అంటుంటారు.

ఇప్పుడు మీరు రూ. 10 వేల సిప్ ద్వారా రూ. 2 కోట్లు సంపాదించాలని అనుకుంటే.. ఇందుకోసం ఎన్ని సంవత్సరాలు పడుతుందో ముందుగానే లెక్కలేసుకోవచ్చు. ఇది వార్షిక రిటర్న్స్ ప్రాతిపదికన ఉంటుంది. వాల్యూ రీసెర్చ్ ప్రకారం.. వార్షిక ప్రాతిపదికన సగటున 12 శాతం రిటర్న్స్ అంచనా వేసినట్లయితే.. 26 సంవత్సరాల 5 నెలల్లో మీరు లక్ష్యాన్ని చేరుకోవచ్చని నిపుణులు అంటున్నారు.

మ్యూచువల్ ఫండ్స్‌లో పెట్టుబడి పెట్టే ముందు.. మీ ఆర్థిక లక్ష్యాలను, రిస్క్ తీసుకునే సామర్థ్యాన్ని పరిగణనలోకి తీసుకోవడం చాలా ముఖ్యం. మీరు ఆర్థిక సలహాదారుని సంప్రదించి, మీ వ్యక్తిగత పరిస్థితులకు తగిన పెట్టుబడి వ్యూహాన్ని రూపొందించుకోవచ్చు. చిన్న మొత్తాలతో ప్రారంభించి, క్రమంగా మీ పెట్టుబడులను పెంచడం మంచిది. దీర్ఘకాలిక పెట్టుబడి లక్ష్యాలను కలిగి ఉండటం, మార్కెట్ హెచ్చుతగ్గులకు భయపడకుండా ఉండటం చాలా ముఖ్యం. సిప్‌లు క్రమశిక్షణతో కూడిన పెట్టుబడి విధానాన్ని ప్రోత్సహిస్తాయి. ఇంకా మీరు మీ పెట్టుబడులను క్రమం తప్పకుండా సమీక్షించుకోవడం, అవసరమైతే మార్పులు చేసుకోవడం కూడా ముఖ్యం.

మార్కెట్లో వివిధ రకాల మ్యూచువల్ ఫండ్స్ అందుబాటులో ఉన్నాయి, కాబట్టి మీ అవసరాలకు తగిన వాటిని ఎంచుకోవడం ముఖ్యం. ఇంకా పెట్టుబడి పెట్టే ముందు, ఫండ్ పనితీరును, ఖర్చుల్ని పరిశీలించడం చాలా ముఖ్యం. ఆన్‌లైన్‌లోనే మ్యూచువల్ ఫండ్స్‌లో పెట్టుబడి పెట్టొచ్చు. పెట్టుబడి పెట్టడం అనేది మీ ఆర్థిక భవిష్యత్తును మెరుగుపరచడానికి ఒక గొప్ప మార్గం.