వర్షాకాలంలో షుగర్ ఉన్నవారు ఏ ఫుడ్స్ తింటే డయాబెటిస్ కంట్రోల్ అవుతుంది

రక్తంలో చక్కెరని బాడీ ప్రాసెస్ చేయనప్పుడు షుగర్ వస్తుంది. దీంతో గుండెపోటు, పక్షవాతం, దృష్టి తగ్గడం, కిడ్నీ ఫెయిల్యూర్ వంటి సమస్యలు వస్తాయి. ఎంత అవగాహ వచ్చినా ఈ సమస్య రోజురోజుకి పెరిగిపోతుంది. గతంతో పోలిస్తే ప్రస్తుతం ఈ సమస్య వచ్చిన వారి సంఖ్య పెరిగింది. శరీరం ఇన్సులిన్ ఉత్పత్తి ఆగిపోయినప్పుడు సమస్య వస్తుంది. ఇన్సులిన్ ఉత్పత్తి తగ్గిపోవడంతో చక్కెర పేరుకుపోయి షుగర్ వస్తుంది. ఇందులో టైప్ 1 డయాబెటిస్, టైప్ 2 డయాబెటిస్ రకాలు ఉంటాయి. ఈ సమస్యతో ప్రమాదకర సమస్యలొస్తాయి. అలా కాకుండా ఉండాలంటే ముందునుంచే సమస్యని తగ్గించుకోవాలి. దీనికోసం సరైన జాగ్రత్తలు తీసుకోవాలి. ముఖ్యంగా సరైన డైట్ ఫాలో అవ్వాలి. అయితే, షుగర్ ఉన్నవారు ప్రతీసారి ఒకే ఫుడ్‌తో సమస్య తగ్గదు. సీజన్‌‌ని బట్టి డైట్‌ని అడ్జస్ట్ చేసుకోవాలి. ఇందులో భాగంగా వర్షాకాలంలో ఏ ఫుడ్ తినాలో తెలుసుకోండి.

జొన్నరొట్టెతో

​జొన్న రొట్టె షుగర్ ఉన్నవారికి చాలా మంచిది. ఎందుకంటే జొన్నల్లో గ్లైసెమిక్ ఇండెక్స్ తక్కువగా ఉంటుంది. ఫైబర్ ఎక్కువగా ఉంటుంది. దీని వల్ల షుగర్ లెవల్స్ పెరగకుండా ఉంటాయి. వీటితో పాటు పెసరపప్పు కూడా తినాలి. పెసరపప్పులో ప్రోటీన్ ఎక్కువగా ఉంటుంది. ఇది ఎముకలకి మంచిది. దీంతో పాటు ఈ పప్పు త్వరగా జీర్ణమవుతుంది. బ్లడ్ షుగర్ లెవల్స్ కంట్రోల్ అవ్వడానికి మంచిది.

సోరకాయ కూర : సోరకాయ కూరలో హైడ్రేటింగ్ గుణాలు ఉన్నాయి. దీంతో పాటు ఈ సోరకాయని తీసుకోవడం వల్ల బరువు తగ్గుతారు. షుగర్ కంట్రోల్ అవుతుంది. పుదీనా చట్నీ : పుదీనాలో యాంటీ ఇన్‌ఫ్లమేటరీ గుణాలు ఉన్నాయి. ఇవన్ని జీర్ణ సమస్యలు దూరం చేసి ఇన్సులిన్ పనితీరు మెరుగ్గా చేస్తుంది.

బార్లీ రోటీ

బార్లీలో షుగర్ లెవల్స్‌ని కంట్రోల్ చేసే గుణాలు ఉన్నాయి. వీటిని మనం డైట్‌లో యాడ్ చేయడం వల్ల షుగర్ కంట్రోల్ అవుతుంది. ​

ఎర్రకందిపప్పు : ఎర్ర కందిప్పులో లో గ్లైసెమిక్ ఇండెక్స్, ఎక్కువగా ఫైబర్ ఉంటుంది. దీనిని తినడం వల్ల షుగర్ కంట్రోల్ అవుతుంది. అంతేకాకుండా గట్ హెల్త్ మెరుగ్గా మారుతుంది. ఇన్సులిన్ సెన్సిటివిటీ సరిగా ఉంటుంది. బీరకాయ కూర : బీరకాయలో కూడా నీటి శాతం ఎక్కువగా ఉంటుంది. దీని వల్ల కూడా షుగర్ ఉన్నవారికి మేలు జరుగుతుంది. మజ్జిగ : మజ్జిగ తీసుకోవడం వల్ల జీర్ణ సమస్యలు దూరమవుతాయి. ముఖ్యంగా హ్యుమిడిటీ ఉన్న సీజన్‌లో.

రాగి రొట్టె 

రాగి రొట్టెలో ఎక్కువగా ఫైబర్ ఉండడమే కాకుండా గ్లైసెమిక్ ఇండెక్స్ తక్కువగా ఉంటుంది. దీని వల్ల బ్లడ్ షుగర్ లెవల్స్ కంట్రోల్‌లో ఉంటాయి. ​ దొండకాయ కూర : దొండకాయ కూర చాలా లైట్‌గా ఉంటుంది. ఇందులో డీటాక్సీఫై గుణాలు ఉంటాయి. వీటిని తిన్నప్పుడు త్వరగా జీర్ణమవుతాయి. ​

ములక్కాడ కూర : ములక్కాయల్లో యాంటీ ఇన్‌ఫ్లమేటరీ గుణాలు ఉంటాయి. వీటి వల్ల ఇన్సులిన్ సెన్సిటివిటీ కంట్రోల్ అవుతుంది. ​

పెసరపప్పు కిచిడి : పెసరపప్పు జీర్ణమవ్వడానికి హెల్ప్ చేస్తుంది. ఇందులో ప్రోటీన్ ఎక్కువగా ఉంటుంది. ఈ పప్పు తయారుచేసిన కిచిడీ షుగర్ ఉన్నవారికి చాలా మంచిది.

బేసన్ రోటీ

శనగపిండితో రొట్టె చేసుకుని తినడం వల్ల బ్లడ్ షుగర్ లెవల్స్ పెరగకుండా ఉంటాయి. ఇందులోని ప్రోటీన్ కంటెంట్ గ్లైసెమిక్ ఇండెక్స్‌ని కంట్రోల్ చేస్తుంది. ​

కాకరకాయ కూర : షుగర్ ఉన్నవారికి కూడా ఈ వెజిటేబుల్ కూర చాలా మంచిది. దీని వల్ల బ్లడ్ షుగర్ కంట్రోల్ అవుతుంది. మేథి లేదా మింట్ చట్నీ : ఆకుకూరలతో చేసే ఈ చట్నీ మీ బాడీలోని హీట్‌ని తగ్గిస్తుంది. ఆరోగ్యానికి కూడా మంచిది. గుమ్మడిసూప్ : గుమ్మడికాయ సూప్‌ మొత్తం యాంటీ ఆక్సిడెంట్స్‌తో నిండి ఉంటుంది. ఇది షుగర్ ఉన్నవారికి చాలా మంచిది.

రాజ్‌గిరా రోటీ

అమర్‌నాథ్ గింజలతో తయారుచేసే ఈ రోటీ గ్లూటెన్ ఫ్రీ. ఇందులో ఫైబర్, అమైనో యాసిడ్స్ ఎక్కువగా ఉంటాయి. వీటి వల్ల బ్లడ్ షుగర్ కంట్రోల్ అవుతుంది. ​

బెండకాయ :బెండకాయలో సోల్యూబుల్ ఫైబర్ ఉంటుంది. వీటిని తీసుకోవడం వల్ల ఇన్సులిన్ సెన్సిటివిటీ పెరుగుతుంది. శనగపప్పు : శనగపప్పులో గ్లైసెమిక్ ఇండెక్స్ తక్కువగా ఉంటుంది. ప్రోటీన్ ఎక్కువగా ఉంటుంది. దీని వల్ల గ్లూకోజ్ మెల్లిగా అబ్జార్బ్ అవుతుంది.మెంతి కూర సూప్ : మెంతి ఆకులతో తయారుచేసిన సూప్ తీసుకోవడం వల్ల ఇన్సులిన్ ఫంక్షన్ మెరుగ్గా మారుతుంది. డైజెషన్ మెరుగ్గా మారుతుంది. షుగర్ లెవల్స్ పెరగకుండా ఉంటాయి.