తొడల్లో పేరుకుపోయిన కొవ్వుని కరిగించే 5 యోగాసనాలు

శరీరంలో కొవ్వు పెరిగినప్పుడు అది ఎక్కడ పడితే అక్కడ పేరుకుపోతుంది. దీని వల్ల బాడీ అంతా షేపౌట్ అయ్యి కాస్త ఎబ్బెట్టుగా కనిపిస్తుంది. అయితే..శరీరంలో ఎక్కువ మొత్తంలో కొవ్వు పేరుకుపోయేది పొట్ట, తొడల భాగంలోనే. ముఖ్యంగా తొడల భాగంలో అధికంగా ఫ్యాట్ చేరుకుంటుంది. ఫలితంగా చాలా లావుగా కనిపిస్తారు. దీని కోసం రకరకాల వ్యాయామాలు ఇప్పటికే ప్రయత్నించి ఉంటారు. అయితే..యోగా ద్వారా దీనికి చాలా త్వరగా పరిష్కారం దొరుకుతుందని చెబుతున్నారు నిపుణులు. కేవలం 5 ఆసనాలు రెగ్యులర్ గా వేస్తే చాలు. సులువుగా తొడల్లోనే పేరుకుపోయి కొవ్వు అంతా కరిగిపోతుంది. మరి ఆ ఆసనాలు ఏంటి. వాటిని ఎలా చేయాలి. ఏ విధంగా చేస్తే ఫ్యాట్ తగ్గుతుంది. ఈ వివరాలన్నీ ఇప్పుడు చూద్దాం.

వీరభద్రాసన II

యోగాలో అత్యంత ముఖ్యమైన ఆసనాలలో ఇది కూడా ఒకటి. వీరభద్రాసనాలలో మొత్తం మూడు రకాలుంటాయి. వాటిలో ఈ రెండో రకం ఆసనం ఫిట్ నెస్ కి చాలా బాగా ఉపయోగపడుతుంది. ముఖ్యంగా తొడల్లో ఉన్న కొవ్వుని తగ్గించడంలో తోడ్పడుతుంది. ఈ ఆసనం వేయాలంటే ముందుగా రెండు కాళ్లను ఎడంగా ఉంచాలి. ఓ మోకాలిని పూర్తిగా బెండ్ చేయాలి. అంటే 90 డిగ్రీల కోణంలో ఉండేలా నిలువుగా ఉండేలా చూసుకోవాలి. తొడలను కూడా స్ట్రెచ్ చేయాలి.

ఇలా స్ట్రెచ్ చేసిన తరవాత కాసేపు అదే భంగిమలో ఉండాలి. ఇలా చేయడం వల్ల కండరాలలో కదలికలు వస్తాయి. ముఖ్యంగా తొడల భాగంలో ఎక్కువ కదలికలు వస్తాయి. ఈ ఆసనం వేస్తూనే బ్రీథింగ్ ఎక్సర్ సైజ్ కూడా చేయాలి. ఊపిరి గట్టిగా పీల్చుకుని మళ్లీ వదలాలి. ఇలా రోజూ ఉదయం చేస్తే చాలా త్వరగా ఫ్యాట్ కరిగిపోతుంది. ముఖ్యంగా బాడీ బ్యాలెన్స్ అవుతుంది. ఇదే సమయంలో తొడ కండరాలు బలంగా మారతాయి. ఒకే ఒక వీరభద్రాసనతో ఇన్ని ఉపయోగాలున్నాయి మరి.

సేతు బంధాసన 

సేతు బంధాసన. దీన్నే ఇంగ్లీష్ లో బ్రిడ్జ్ పోజ్ అంటారు. ఈ ఆసనం వల్ల తొడ భాగంతో పాటు లోవర్ బ్యాక్ మొత్తం దృఢంగా మారుతుంది. ముఖ్యంగా తొడల్లో పేరుకున్న కొవ్వు చాలా త్వరగా కరిగిపోతుంది. హిప్ మొత్తాన్ని పైకి ఎత్తు పూర్తిగా కాళ్లతోనే బ్యాలెన్స్ చేసుకోవాలి. ఇలా చేయడం వల్ల తొడలపై ఒత్తిడి పడుతుంది. చాలా త్వరగా చెమటలు వచ్చేస్తాయి. ఇలా చెమట ద్వారానే ఎక్కువ మొత్తంలో కొవ్వు బయటకు వెళ్లిపోతుంది. ఈ ఆసనం వల్ల కేవలం కొవ్వు కరగడం మాత్రమే కాదు. తొడల ఆకారం మెరుగ్గా ఉండేలా చూస్తుంది. రక్త సరఫరా మెరుగవ్వాలన్నా, స్ట్రెస్ మొత్తం తగ్గిపోవాలన్నా, వెన్నెముక సమస్యలు తీరిపోవాలన్నా..అన్నింటికీ ఈ సేతు బంధాసనమే పరిష్కారం అని చెబుతున్నారు యోగా నిపుణులు. రోజూ ఉదయమే ఈ ఆసనం వేస్తే రోజంతా చురుగ్గా ఉంటారు. అంతే కాదు. ఎలాంటి ఆందోళన లేకుండా రిలాక్స్ గా ఉండొచ్చు.

నావాసన

నావాసన..దీన్నే బోట్ పోజ్ అంటారు. ఇది తొడల్లోని కొవ్వుని కరిగించడంలో పవర్ ఫుల్ వ్యాయామం అని చెబుతున్నారు యోగా ఎక్స్ పర్ట్స్. బాడీ మొత్తం బ్యాలెన్స్ చేయడంతో పాటు కండరాల్లో కదలికలు రావడంలో ఇది చాలా తోడ్పడుతుంది. చేతులు, భుజాలు స్ట్రెచ్ అవుతాయి. దీని వల్ల ఫుల్ బాడీ వర్కౌైట్ చేసినట్టుగా అవుతుంది. అయితే..ఎక్కువగా తొడల భాగంపై స్ట్రెస్ పడడం వల్ల ఎక్కువగా ఫ్యాట్ కరిగిపోతుంది. పొత్తి కడుపు కండరాలు కూడా స్ట్రాంగ్ గా మారతాయి. లోవర్ బాడీ సరైన విధంగా ఉండాలన్నా, పూర్తిగా కోర్ మజిల్స్ యాక్టివ్ అవ్వాలన్నా ఈ నావాసన చాలా బాగా ఉపయోగపడుతుంది. ఎక్కువ సమయంపాటు హిప్ భాగంపై ఒత్తిడి పడడం వల్ల పొట్ట చుట్టూ ఉన్న కొవ్వు కూడా కరిగిపోతుంది. బాడీ మొత్తం కొవ్వు కరిగిపోవాలంటే నావాసన చాలా బాగా తోడ్పడుతుంది. రోజూ ఈ ఆసనం ప్రాక్టీస్ చేయడం మంచిది.

బద్ధ కోణాసన

బద్ధ కోణాసన కూడా తొడల్లోని కొవ్వుని కరిగించడంలో తోడ్పడతాయి. దీన్నే బటర్ ఫ్లై పోజ్ అంటారు. కూర్చుని రెండు అరికాళ్లను ఓ చోటకు చేర్చాలి. రెండింటినీ కలిపిన తరవాత కాస్తంత పైకి లేపి ఉంచాలి. అప్పుడు రెండింటినీ సీతాకోక రెక్కలు కదిలించినట్టుగా కదిలించాలి. అందుకే దీన్నే బటర్ ఫ్లై పోజ్ అని పిలుస్తారు. ఇలా చేయడం వల్ల తొడల్లో ఉన్న కొవ్వు మొత్తం కరిగిపోతుంది. నిజానికి పైన చెప్పిన అన్ని ఆసనాలతో పోల్చి చూస్తే ఇది వేయడం చాలా సులభం. కంటిన్యుయస్ గా కాళ్లను కదిలించడం వల్ల కొవ్వు అంతా కరిగిపోతుంది. అంతే కాదు. ఫ్లెక్సిబిలిటీ కూడా పెరుగుతుంది. రెగ్యులర్ గా సాధన చేస్తే క్రమంగా ఫ్యాట్ తగ్గుతుంది. అదే సమయంలో రక్త సరఫరా కూడా మెరుగవుతుంది. స్ట్రెస్ తగ్గించుకోడానికి కూడా ఇది చాలా ఉపయోగపడుతుంది.

ఉత్కటాసనం

ఈ ఆసనం ప్రాక్టీస్ చేయడం కూడా సులువే. దీన్నే చైర్ పోజ్ అంటారు. తొడల్లో పేరుకుపోయిన ఫ్యాట్ కరిగిపోవడానికి ఇది చాలా బాగా ఉపయోగపడుతుంది. లోవర్ బాడీ అంతా దృఢంగా మారుతుంది. కుర్చీ మీద కూర్చున్నట్టుగా అదే భంగిమలో ఉండి ఈ ఆసనం వేయాల్సి ఉంటుంది. మోకాళ్లు, హిప్ పై స్ట్రెస్ పడుతుంది. ఎక్కువ సేపు ఇలాగే ఉంటే బాడీ బ్యాలెన్స్ అవడంతో పాటుగా ఫ్యాట్ తగ్గుతుంది. స్టామినా పెరగడంలోనూ ఈ ఆసనం ఎంతగానో తోడ్పడుతుంది. రోజూ సాధన చేయడం మంచిది. దీని వల్ల పోస్చర్ కూడా మెరుగవుతుంది. రక్త సరఫరా కూడా సాఫీగా జరుగుతుంది.