రింగుల జుట్టుని చిక్కుపడకుండా చేయడం ఎలా

కర్లీ హెయిర్ చూడ్డానికి ఎంత బాగుంటుందో.. దాన్ని మెంటెయిన్ చేయడం అంత కష్టంగా ఉంటుంది. సరిగ్గా మెంటెయిన్ చేయకపోతే చిక్కులు పడి చూడ్డానికే చాలా ఇబ్బందిగా మారుతుంది. మరీ అలాంటి ప్రాబ్లమ్స్ రాకుండా జుట్టుని చక్కగా ఎలా కాపాడుకోవాలో తెలుసుకోండి.

ఇదివరకూ జుట్టు అనగానే సిల్కీగా పొడుగ్గా ఉంటే అందం అని చాలా మంది అనుకునేవారు. కానీ, చాలా రాన్రాను ఆ ఆలోచన బ్రేక్ అయిపోయి చక్కని రింగుల జుట్టు కావాలనుకుంటున్నారు అమ్మాయిలు. దీనికి కారణం కొంతమంది హీరోయిన్స్ కూడా తమకి ఉన్న రింగుల జుట్టుతో మ్యాజిక్ చేయడమే. దీంతో ఆ ఎఫెక్ట్ చాలా పడి రింగుల జుట్టుని తెగ ఇష్టపడుతున్నారు. అంతేనా కొంతమందికి చక్కగా సిల్కీగా పొడుగ్గా ఉన్నప్పటికీ కావాలని కర్లీగా మార్చుకుని ఆనందపడుతున్నారు. అంత క్రేజ్ ఉంది మరి కర్లీ హెయిర్‌కి. ఇదంతా బానే ఉంది. మరి ఈ హెయిర్ ఎలా మెంటెయిన్ చేయాలో తెలియట్లేదా. సరిగ్గా మెంటెయిన్ చేయకపోతే జుట్టు డ్రైగా మారి చిందరవందరగా ఓ రకంగా చెప్పాలంటే గడ్డిలా మారుతుంది. మరి అలా కాకుండా ఎలా కర్లీ హెయిర్‌ని మెంటెయిన్ చేయాలో తెలుసుకోండి.

రెగ్యులర్‌గా వాష్ వద్దు

జుట్టుని అవసరమైనప్పుడు మాత్రమే వాష్ చేయాలి. స్ట్రెయిట్‌ హెయిర్ కంటే కర్లీ హెయిర్ త్వరగా డ్రైగా మారుతుంది. దీంతో చిందరవందరగా మారుతుంది. అందుకోసమే జుట్టుని రోజూ వాష్ చేయాల్సిన అవసరమే లేదు. హెల్దీగా ఉండాలంటే రెగ్యులర్‌గా కాకుండా అవసరమైనప్పుడు మాత్రమే వాష్ చేయండి. దానికోసం కూడా మాయిశ్చరైజింగ్ షాంపూ వాడండి. జెల్స్, క్రీమ్స్ వంటి వాటితో స్టైల్స్ చేస్తే మాయిశ్చరైజింగ్ షాంపూ బదులు క్లారిఫైయింగ్ షాంపూ వాడడం మంచిది.

కండీషనర్

మీ రింగుల జుట్టుని ఎప్పుడు మాయిశ్చరైజ్డ్‌గా ఉంచాలి. దీనికోసం జుట్టు చివర్ల మాత్రమే కాకుండా మొత్తానికి మంచి కండీషనర్ వాడండి. అదే విధంగా, తలస్నానం చేసే ముందు కూడా జుట్టు చిక్కులు పడి ఉంటే వాటిని దూరం చేయడానికి కండీషనర్ వాడొచ్చు. ఆర్గాన్ ఆయిల్, గ్లిజరిన్, స్టెరిల్ ఆల్కహాల్ వంటి ఫ్యాటీ ఆల్కహాల్ పదార్థాలు ఉన్న కండిషనింగ్ ప్రోడక్ట్ తీసుకోండి.

చుండ్రు రాకుండా

ఎక్కువగా వాష్ చేయకపోయేసరికి తలపై ఆయిల్ పేరుకుపోయి జుట్టు ఆయిలీగా మారుతుంది. అలా కాకుండా ఉండాలంటే యాంటీ డాండ్రఫ్ షాంపూ వాడండి. ఆ తర్వాత మాయిశ్చరైజింగ్ షాంపూ వాడండి. చుండ్రు పెరిగితే దురద రావడం, ఇతర జుట్టు రాలిపోవడం, ఇతర సమస్యలు కూడా పెరుగుతాయి. అందుకే, చుండ్రు రాకుండా చూసుకోండి.

ఎండ తగలకుండా

సూర్యుడి నుంచి వచ్చే అతినీలలోహిత కిరణాలు జుట్టుని ఎక్కువగా డ్రైగా చేస్తాయి. అలా కాకుండా జుట్టుని క్యాప్‌తో కవర్ చేసుకోండి. ఎండలో బయటికి వెళ్ళినప్పుడు కచ్చితంగా జుట్టుని కవర్ చేసుకోవాలి. దీంతో జుట్టు డ్రైగా మారదు. ఇతర సమస్యలు కూడా రావు. ఎండలో ఎక్కువగా తిరిగితే జుట్టు సమస్యలే కాదు, చర్మ సమస్యలు కూడా వస్తాయి. కాబట్టి, జుట్టుని కవర్, ఫేస్‌ని కవర్ చేసుకోండి.

పడుకునేటప్పుడు

నిద్రపోయేటప్పుడు జుట్టుని టైట్‌గా కాకుండా లూజ్‌గా పోనీటైల్ లేదా బ్రెయిడ్ వేసుకుని పడుకోండి. జుట్టుని జడ వేసుకుంటే జుట్టుపై ఒత్తిడి పెరిగి బలహీనమవుతుంది. ఈ కారణంగా త్వరగా జుట్టు ఊడిపోతుంది. అంతేకాకుండా దిండు కేసులు కూడా సిల్క్‌వి వాడండి. దీని వల్ల జుట్టు చిక్కుపడకుండా ఉంటుంది. ఇక ఎక్కువగా నీరు తాగండి. దీని వల్ల డీహైడ్రేషన్ సమస్య ఉండదు.

చిక్కులు పోగొట్టేందుకు

రింగుల జుట్టు త్వరగా చిక్కుపడుతుంది. వీటిని దూరం చేసేందుకు జుట్టుని కాస్తా తడిగా చేసి కండీషనర్ లేదా, హెయిర్ సీరమ్ వంటివి రాసి వేళ్లతోనే చిక్కులు తీయండి. ఆ తర్వాత వెడల్పు పండ్లు ఉన్న దువ్వెనతో చిక్కులు తీయండి. దీనికోసం జుట్టుని భాగాలుగా చేసుకుని చిక్కులు తీయండి. చిక్కులు ఉంటే జుట్టు త్వరగా డ్యామేజ్ అవుతుంది.

త్వరగా పెరిగేందుకు

రింగుల జుట్టు స్ప్లిట్ ఎండ్స్ వంటివి వస్తాయి. అలా ఉంటే జుట్టు డ్రైగా మారుతుంది. అలా కాకుండా జుట్టు చివర్లని మూడు నెలలకి ఓ సారి కట్ చేయండి.

అలోవెరా జెల్ వంటి నేచురల్ హెయిర్ ప్యాక్స్ వేయండి.

కండీషనర్స్‌తో పాటు అప్పుడప్పుడు తేనె కూడా కలపండి.