యూత్‌కు అద్భుతమైన అవకాశం.. రూ.25వేలు

శ్రీకాకుళం జిల్లా యువతకు అద్భుత అవకాశం.. జిల్లా ఏర్పాటై 75 ఏళ్లు అయిన సందర్భంగా ప్రత్యేకంగా కార్యక్రమాలు నిర్వహించాలని ప్లాన్ చేస్తు్న్నారు. ఈ క్రమంలో శ్రీకాకుళం జిల్లా అభివృద్ధి, ప్రత్యేకతలకు సంబంధించి సమగ్ర అవగాహన కలిగించేలా వీడియోలు రూపొందించాలని కలెక్టర్‌ స్వప్నిల్‌ దినకర్‌ పుండ్కర్‌ నిర్ణయం తీసుకున్నారు. ఈ మేరకు సోషల్ మీడియాలో ఫేమస్‌ అయిన ఇన్‌ప్లుయెన్సర్లతో పోటీ నిర్వహించనున్నట్లు కలెక్టర్ తెలిపారు. ఈ మేరకు ఆ వివరాలను కలెక్టరేట్‌లో వివరించారు.

 శ్రీకాకుళం జిల్లా అభివృద్ధి, చారిత్రక ప్రాధాన్యం, ప్రకృతి సౌందర్యం, సంస్కృతి ఇతర అంశాలతో వీడియో రూపొందించాలన్నారు కలెక్టర్ స్వప్నిల్‌ దినకర్‌ పుండ్కర్‌. ఈ వీడియో మూడు నిమిషాల పాటు రూపొందించాలి అన్నారు. ఈ మేరకు ఆసక్తి ఉన్నవారు ఓ వీడియోను రూపొందించి.. ఈ నెల 9వ తేదీ 11 గంటల లోపు శ్రీకాకుళం జిల్లా నైపుణ్యాభివృద్ధి అధికారి మెయిల్‌ ఐడీ అయిన కు పంపాలని కలెక్టర్ సూచించారు. ఈ వీడియోలు రూపొందించే పోటీలో విజేతలుగా నిలిచిన వారికి వరుసగా రూ.25 వేలు, రూ.15 వేలు, రూ.10 వేలు అందజేస్తామని కలెక్టర్ తెలిపారు. యువత ఈ అవకాశాన్ని ఉపయోగించుకోవాలని సూచించారు.

శ్రీకాకుళంలో జడ్పీ మీటింగ్ హాల్‌లో మీకోసం కార్యక్రమాన్ని నిర్వహించారు. కలెక్టర్‌ స్వప్నిల్‌ దినకర్‌ పుండ్కర్, జేసీ ఫర్మాన్‌ అహ్మద్‌ ఖాన్, ఇతర అధికారులు వినతులు స్వీకరించగా.. మొత్తం 140 అర్జీలు వచ్చాయి. ఈ సమస్యల్ని పరిష్కరించేలా చర్యలు తీసుకోవాలని అధికారుల్ని ఆదేశించారు. జిల్లా పోలీసు కార్యాలయంలో 48 అర్జీలు వచ్చాయి. కొత్తూరు మండలం కర్లెమ్మకు చెందిన వృద్ధురాలు భూ సమస్య పరిష్కారం కావడం లేదని సంచిలో పురుగు మందు డబ్బా పెట్టుకుని వచ్చారు. మరోవైపు రైతులకు ఎరువులు అందుబాటులో ఉంచాలని.. యూరియా కొరత నివారించాలని వైఎస్సార్‌సీపీ నేతలు కలెక్టర్‌ను కోరారు. పోలీసులు తనిఖీలు చేసి డబ్బాను లాక్కొని ఆమెను కలెక్టర్ దగ్గరకు పంపించారు.. ఆమె తన సమస్యను వివరించారు.. ఆ సమస్యను పరిష్కరించాలని కలెక్టర్ అధికారుల్ని ఆదేశించారు.