12 రోజుల ఆకస్మిక దాడులు.. భారీగా అరెస్టులు – 21 వేల మందిపై కేసులు!

 ఈ ఏడాది జూన్‌లో చోటుచేసుకున్న ఇజ్రాయెల్‌–ఇరాన్ పరస్పర దాడులు పశ్చిమాసియాలో తీవ్ర ఉద్రిక్తతకు దారితీశాయి. క్షిపణులు, డ్రోన్ల దాడులతో ఇరుదేశాలు భయంతో వణికిపోయాయి. ఇటు-అటు నుండి సాగిన దాడుల వల్ల లక్షలాది పౌరులు ప్రాణభయంతో సురక్షిత ప్రాంతాలకు తరలివెళ్లారు.చివరికి జూన్ 24న ఇరుదేశాలు కాల్పుల విరమణకు అంగీకరించడంతో ఈ 12 రోజుల సుదీర్ఘ సైనిక ఘర్షణకు ముగింపు పలికింది. కాగా, ఈ కాలంలో ఇరాన్ దేశవ్యాప్తంగా 21,000 మందికి పైగా అనుమానితులను పోలీసులు అరెస్ట్ చేసినట్లు తాజాగా అక్కడి అధికారిక మీడియా వెల్లడించింది. భద్రతాపరమైన అవసరాల నిమిత్తమే ఈ అరెస్టులు చేపట్టినట్లు పోలీసులు పేర్కొన్నారు.ఇది యుద్ధ సమయంలో అరెస్టులపై ఇరాన్ ప్రభుత్వం నుంచి వచ్చిన తొలి అధికారిక ప్రకటన కావడం గమనార్హం.అనుమానితులపై వచ్చిన సమాచారం చాలా భాగం ప్రజల ఫిర్యాదుల ద్వారానే అందిందని పోలీసు ప్రతినిధి జనరల్ సయీద్ మొంతాజెరల్మహదీ తెలిపారు.ఈ అరెస్టులు ప్రజల భద్రతాపట్ల అప్రమత్తతను, ప్రభుత్వంతో వారి సహకారాన్ని చూపిస్తున్నాయని ఆయన పేర్కొన్నారు. అయితే, అనుమానితులు ఎదుర్కొంటున్న ఖచ్చితమైన అభియోగాలపై మాత్రం ఎటువంటి వివరాలు వెల్లడించలేదు.
*పోలీసుల ప్రకటన ప్రకారం:260 మందిని గూఢచర్యం ఆరోపణలపై,172 మందిని అక్రమంగా వీడియోలు తీసినందుకు అరెస్టు చేశారు.యుద్ధ కాలంలో దేశ వ్యాప్తంగా వెయ్యికి పైగా చెక్‌పోస్టులు ఏర్పాటు చేసినట్లు తెలిపారు.ఇజ్రాయెల్‌కు మద్దతుగా గూఢచర్యం చేసిన ఆరోపణలపై ఏడుగురికి ఇటీవల మరణశిక్ష అమలు చేసినట్లు వెల్లడించారు.అమెరికా తలదూర్చిన దశలో మిలిటరీ ఆపరేషన్లు జూన్ 13న, “ఆపరేషన్ రైజింగ్ లయన్” పేరిట ఇజ్రాయెల్, ఇరాన్‌లోని అణు కేంద్రాలు, క్షిపణి అభివృద్ధి ప్రాంతాలు, సైనిక స్థావరాలను లక్ష్యంగా వైమానిక దాడులు జరిపింది. టెహ్రాన్ వెంటనే ప్రతీకార దాడులతో స్పందించింది.ఈ ఘర్షణలో అమెరికా కూడా భాగస్వామిగా మారి, మూడు అణుశుద్ధి కేంద్రాలపై అత్యంత శక్తిమంతమైన బాంబర్లు, క్షిపణులతో విరుచుకుపడింది.
*ఈ దాడుల వల్ల:ఇరాన్‌లో సుమారు 1,100 మంది,ఇజ్రాయెల్‌లో 28 మంది మరణించారు.టెహ్రాన్‌లోని కోటి మంది జనాభాలో పెద్ద సంఖ్యలో ప్రజలు సురక్షిత ప్రాంతాలకు తరలివెళ్లారు.పెంటగాన్ మాజీ అధికారి వ్యాఖ్యలు ఈ సంక్షోభం నేపథ్యంలో, పెంటగాన్‌కు చెందిన ఒక మాజీ అధికారి ఇరాన్‌ సైనిక అధినేత అసీం మునీర్‌ను ఉసామా బిన్ లాడెన్‌తో పోల్చారు. ఇది ఇరాన్‌పై అమెరికా వర్గాల ఉగ్రదృష్టిని సూచించే అంశంగా విశ్లేషించబడుతోంది.