ట్రావిస్ హెడ్ విఫలం.. టిమ్ డేవిడ్ పోరాటం వృథా – సౌతాఫ్రికా చేతిలో ఆసీస్ చిత్తుగా ఓటమి

సౌతాఫ్రికాతో రెండో టీ20లో ఆస్ట్రేలియా చిత్తుగా ఓటమి – 53 పరుగుల తేడా డార్విన్ వేదికగా మంగళవారం జరిగిన రెండో టీ20లో ఆస్ట్రేలియా 53 పరుగుల తేడాతో సౌతాఫ్రికా చేతిలో ఘోర పరాజయం చవిచూసింది. పరుగుల పరంగా ఇది ఆసీస్‌కి సొంతగడ్డపై టీ20ల్లో రెండో అతిపెద్ద ఓటమి కావడం గమనార్హం.డెవాల్డ్ బ్రెవిస్ విజృంభణ, సఫారీ బౌలర్ల చురుకుదనం మ్యాచ్‌ను పూర్తిగా ఆసీస్ చేతుల నుంచి తాకట్టు తీసేశాయి.
*మ్యాచ్‌ విశేషాలు:
▪️ టాస్‌ ఓడి బౌలింగ్ ఎంచుకున్న ఆస్ట్రేలియా, ప్రత్యర్థిని తొలి నుంచే ఒత్తిడిలో ఉంచలేకపోయింది. 20 ఓవర్లలో సౌతాఫ్రికా 7 వికెట్లకు 218 పరుగులు చేసింది.
▪️ డెవాల్డ్ బ్రెవిస్ (125 నాటౌట్, 56 బంతుల్లో – 12 ఫోర్లు, 8 సిక్సర్లు) ఓవర్‌లతో మాంచి వీరబాటం వేసాడు. 41 బంతుల్లోనే శతకం నమోదు చేసి ప్రత్యర్థి బౌలర్లపై విరుచుకుపడ్డాడు. ట్రిస్టన్ స్టబ్స్ (31) మినహా మిగిలిన వారు పెద్దగా రాణించలేదు.
*ఆసీస్ ఛేజ్ విఫలమైంది:లక్ష్య ఛేదనలో ఆస్ట్రేలియాకు ఆరంభం నుంచే ఎదురుదెబ్బ తగిలింది.
▪️ ట్రావిస్ హెడ్ (5), కామెరాన్ గ్రీన్ (9) తక్కువ స్కోర్లకే అవుట్ కాగా,
▪️ కెప్టెన్ మిచెల్ మార్ష్ (22) కూడా భారీగా ప్రభావం చూపలేకపోయాడు.తర్వాత, టిమ్ డేవిడ్ 50 (24 బంతుల్లో – 4 ఫోర్లు, 4 సిక్సర్లు) మెరుపు ఇన్నింగ్స్‌తో ఆకట్టుకున్నాడు. కానీ అతను అవుట్ అయిన తరువాత అసలు బ్యాటింగ్ పతనం మొదలైంది.
▪️ గ్లెన్ మాక్స్‌వెల్ (16), మిచెల్ ఓవెన్ (8), అలెక్స్ క్యారీ (26) సహా మిగిలిన వారంతా చేతులెత్తేశారు. ఆసీస్ చివరికి 17.4 ఓవర్లలో 165 పరుగులకే ఆలౌట్ అయ్యింది.
*సౌతాఫ్రికా బౌలర్ల విజృంభణ:
▪️ క్యూనా మఫాకా, కార్బిన్ బాష్ తలా మూడు వికెట్లు తీసి కంగారూల బ్యాటింగ్‌ను దెబ్బతీశారు.
▪️ కగిసో రబాడ, మార్క్రమ్, ఎంగిడి, పీటర్ ఒక్కొక్క వికెట్‌ తీసి బాగానే సహకరించారు.
*సిరీస్ స్థితి:ఈ విజయంతో సౌతాఫ్రికా సిరీస్‌ను 1-1తో సమం చేసింది.తుది నిర్ణాయకమైన మూడో టీ20 ఆగస్టు 16న కైర్న్స్ వేదికగా జరగనుంది.