ఏపీ ప్రభుత్వ ఉద్యోగాల కోసం మళ్లీ మూడు కొత్త నోటిఫికేషన్లు విడుదల!
Andhra Pradesh Telugu | Suryaa Desk | Published : Tue, Aug 12, 2025, 10:23 PM
ఆంధ్రప్రదేశ్ పబ్లిక్ సర్వీస్ కమిషన్ (APPSC) నిరుద్యోగుల కోసం మళ్లీ మంచి అవకాశం తీసుకువచ్చింది. రాష్ట్రంలోని మూడు ప్రభుత్వ విభాగాల్లో ఖాళీలను భర్తీ చేయడానికి కమిషన్ మూడు విడతల నోటిఫికేషన్లు విడుదల చేసింది. ఈ ప్రకటనల ద్వారా అభ్యర్థులకు ప్రభుత్వ ఉద్యోగం సాధించేందుకు మరో సువర్ణావకాశం లభించింది.ఆంధ్రప్రదేశ్ ప్రభుత్వ నియామకాల్లో కొత్త ఉత్సాహాన్ని కలిగించేలా ఆంధ్రప్రదేశ్ పబ్లిక్ సర్వీస్ కమిషన్ (APPSC) మూడు కీలక నోటిఫికేషన్లు విడుదల చేసింది. వివిధ శాఖల్లో ఖాళీగా ఉన్న పోస్టుల భర్తీ కోసం ఈ ప్రకటనలు వెలువడగా, నిరుద్యోగ అభ్యర్థులకు ఇది మంచి అవకాశంగా నిలవనుంది.మొదటిగా, వివసాయ శాఖలో అగ్రికల్చర్ ఆఫీసర్గా 10 పోస్టులు అందుబాటులో ఉన్నాయి. ఈ పోస్టులకు దరఖాస్తు ప్రక్రియ ఆగస్టు 19న ప్రారంభమై, సెప్టెంబర్ 8తో ముగియనుంది.ఇక దేవాదాయ శాఖలో ఎగ్జిక్యూటివ్ ఆఫీసర్ (Executive Officer) పోస్టుల సంఖ్య 7 కాగా, ఈ పోస్టులకు ఆగస్టు 13 నుంచి సెప్టెంబర్ 2 వరకు దరఖాస్తు చేసుకోవచ్చు.మూడవ శాఖగా భూగర్భ జలాల శాఖలో జియో ఫిజిక్స్ టెక్నికల్ అసిస్టెంట్ పోస్టులు 4 ఉన్నాయి. ఇవికూడా ఆగస్టు 13 నుంచి సెప్టెంబర్ 2 వరకు దరఖాస్తులకు అందుబాటులో ఉంటాయి.
|
|