వృద్ధాప్య లక్షణాలు తగ్గించి ముఖాన్ని ఇన్‌స్టంట్‌గా మెరిపించే ఫేషియల్ బ్లీచ్

​స్కిన్ కేర్‌లో బ్లీచ్ ఫేషియల్ ఫుల్ పాపులర్‌. దీని వల్ల స్కిన్ యవ్వనంగా మెరుస్తుంది. అయితే, దీనిని సరైన విధంగా వేసి వాడితేనే మంచి రిజల్ట్స్ వస్తాయి. లేదంటే బెనిఫిట్స్ కంటే నష్టాలే ఎక్కువగా ఉంటాయి. అలా కాకుండా, సరైన విధంగా బ్లీచ్ ఎలా వేయాలో తెలుసుకోవాలి. బ్లీచ్ వేయడానికి, ఆరిన తర్వాత తీయడానికి కూడా సరైన మార్గాలు ఉంటాయి. అయితే, సాధారణంగా బయట బ్లీచ్ కెమికల్స్‌తో తయారై ఉంటాయి. పైగా ఖర్చు ఎక్కువే. వీటి బదులు అలాంటి రిజల్ట్స్‌ని ఇచ్చే పదార్థాలు మన ఇంట్లోనే ఉంటాయి. వాటితో ఫేషియల్ బ్లీచ్ ఎలా వేయాలో తెలుసుకోండి.

నిమ్మరసం

​నిమ్మరసంలో సిట్రిక్ యాసిడ్ ఉంటుంది. ఇది సహజ బ్లీచింగ్ ఏజెంట్‌లా పనిచేసి స్కిన్‌ని బ్రైట్‌గా కనిపించేలా చేస్తుంది. దీంతో నల్ల మచ్చలు తగ్గుతాయి. ఎలాంటి సైడ్ ఎఫెక్ట్స్ లేకుండానే ముఖాన్ని మెరిపిస్తాయి. దీనికోసం

నిమ్మరసాన్ని ఎలా వాడాలంటే

ఓ బౌల్‌లో సగం నిమ్మకాయ రసాన్ని పిండి ఇందులో అంతే పరిమాణంలో నీటిని కలపండి. ఇందులో దూదిని ముంచి ముఖంపై రుద్దండి. మచ్చలు ఉన్న చోట ఎక్కువగా రాయండి. దీనిని 10 నుంచి 15 నిమిషాలు అలానే ఉంచండి. తర్వాత చల్లని నీటితో క్లీన్ చేసుకోండి. ఆ తర్వాత ముఖం ఆరిన తర్వాత మాయిశ్చరైజర్‌ అప్లై చేయండి. మంచి రిజల్ట్ కోసం వారానికి ఎక్కువసార్లు రాయండి. అయితే,

ఈ నిమ్మరసాన్ని రాసుకుని నేరుగా ఎండలోకి వెళ్లొద్దు. దీని వల్ల సిట్రిక్ యాసిడ్ స్కిన్‌ని ఎక్కువగా సున్నితంగా చేస్తుంది. సమస్యని మరింత పెంచుతుంది.

పెరుగు

పెరుగు, పసుపు కూడా స్కిన్‌కేర్‌లో హెల్ప్ చేస్తుంది. వీటిని రాయడం వల్ల స్కిన్ ప్రాబ్లమ్స్ దూరమవుతాయి. వీటిని రాయడం వల్ల స్కిన్ మెరుస్తుంది. కాంతివంతంగా మారుతుంది. ఏజింగ్ ప్రాబ్లమ్స్ దూరమవుతాయి.

మాస్క్ ఎలా తయారు చేయాలి

1 టీ స్పూన్ పసుపుని 2 టీ స్పూన్ల బియ్యం పిండి, 3 టేబుల్ స్పూన్ల సాదా పెరుగు కలపండి. ఈ మూడింటిని బాగా కలపాలి. దీనిని ముఖానికి అప్లై చేయండి. 10 నుంచి 15 నిమిషాల పాటు అలానే ఉంచండి. గోరువెచ్చని నీటితో దీనిని క్లీన్ చేసుకోండి.

అలోవెరాతో

కలబంద కూడా మంచి హైడ్రేషన్ ఉండే పదార్థం. దీని వల్ల చర్మంపై ఎరుపు, వాపు తగ్గుతుంది. మచ్చలు, పిగ్మం టేషన్‌ని దూరం చేస్తుంది. నల్ల మచ్చలు కూడా తగ్గుతాయి.

ఎలా వాడాలి?

దీనికోసం అలోవెరా జెల్‌ని ఆకు నుంచి తీసి ముఖానికి రాయండి. చాలాసేపటివరకూ అలానే ఉండనివ్వండి. కలబంద స్కిన్ ఫ్రెండ్లీ కాబట్టి, ఎన్నిసార్లైనా రాయొచ్చు. అయితే, స్కిన్‌కి పడకపోతే సమస్య తగ్గుతుంది.

బంగాళాదుంప

బంగాళాదంపలో కూడా బ్లీచింగ్ గుణాలు ఉన్నాయి. ఇందులో విటమిన్ సి ఎక్కువగా ఉంటుంది. చర్మాన్ని కాంతివంతంగా మారుస్తుంది. అందుకే, విటమిన్ సిని ఎన్నో బ్యూటీ కేర్ ప్రోడక్ట్స్‌లో వాడతారు.

ఎలా వాడాలి

బాగా కడిగిన బంగాళాదుంపని సగానికి కట్ చేసి ఆపై చర్మంపై రాయండి. 10 నుంచి 15 నిమిషాలు అలానే ఉంచండి. తర్వాత క్లీన్ చేయాలి. అలానే దోసకాయలు, టమాట్లోనూ ఇవే గుణాలు కలిగి ఉంటాయి. ఎందుకంటే వీటిలో కూడా విటమిన్ సి ఎక్కువగానే ఉంటుంది.