Cambridge Dictionary : కేంబ్రిడ్జి డిక్షనరీలో కొత్త పదాలు
international | Suryaa Desk | Published : Mon, Aug 18, 2025, 09:48 PM
ప్రపంచ ప్రఖ్యాత కేంబ్రిడ్జ్ డిక్షనరీ ఇప్పుడు ఒక ముఖ్యమైన అడుగు వేసింది – ఇంటర్నెట్, సోషల్ మీడియా ద్వారా పుట్టిన కొత్త పదాలను చేర్చింది.ఇవి సాధారణంగా పాఠ్యపుస్తకాల్లో కనిపించని మాటలు. యువతలో, ముఖ్యంగా జనరేషన్ జడ్ మధ్య ఎక్కువగా వాడే పదాలే ఇవి. ఉదాహరణకు, యూట్యూబ్లో సంచలనం సృష్టించిన 'స్కిబిడి' అనే పదం ఇప్పుడు డిక్షనరీలో చోటు దక్కించుకుంది. ఈ మాటకు స్పష్టమైన అర్థం లేకపోయినా, యువతలో మాత్రం చాలా ప్రాచుర్యం పొందింది.ఇంకొక ప్రాచుర్యంలో ఉన్న పదం 'డెలులు' (Delulu) – ఇది డెలూషనల్ అనే పదానికి చిన్న రూపం. అంటే, వాస్తవానికి దూరంగా ఊహల్లో మగ్గిపోవడాన్ని సూచిస్తుంది.అలానే, సాంప్రదాయ కుటుంబ విలువలను అనుసరించే మహిళలను వర్ణించేందుకు 'ట్రాడ్వైఫ్' అనే పదం కూడా చేర్చారు. ఇది నేటి ఆన్లైన్ సంభాషణల్లో తరచూ వినిపించే మాట.
*ఫ్యాషన్ నుంచి పని శైలుల దాకా – కొత్త పదాల జాబితా:
'లూక్' (Look): ప్రత్యేకమైన ఫ్యాషన్ స్టైల్కు సూచనగా వాడతారు.
'ఇన్స్పో' (Inspo): ప్రేరణ అనే అర్థంలో చిన్న రూపం.
'మౌస్ జిగ్లర్' (Mouse Jiggler): వర్క్ ఫ్రమ్ హోమ్ సమయంలో పని చేస్తున్నట్లు కనిపించేందుకు మౌస్ కదిలిస్తూ ఉండేవారిని ఈ పదంతో సూచిస్తున్నారు.
'ఫరెవర్ కెమికల్స్' (Forever Chemicals): పర్యావరణంలో శాశ్వతంగా ఉండిపోయే హానికర రసాయన పదార్థాలు.
|
|