ఉత్సవ కాలంలో భారీ అవకాశాలు: అమెజాన్ 1.5 లక్షల ఉద్యోగాలు ప్రకటించింది

2025 ఉత్సవాల సీజన్‌ను దృష్టిలో పెట్టుకొని, అమెజాన్ ఇండియా 1.5 లక్షల seasonal (తాత్కాలిక) ఉద్యోగాల భర్తీకి సిద్ధమైంది. ప్రతి సంవత్సరం లాగే, ఈ సారి కూడా అమెజాన్ తమ ఆన్‌లైన్ ఆర్డర్లకు పెరుగుతున్న డిమాండ్‌ను ఎదుర్కొనేందుకు భారీగా మానవ వనరులను నియమించుకునే దిశగా అడుగులు వేసింది. వీటి మౌలికంగా ఫుల్‌ఫిల్మెంట్ సెంటర్లు, సార్ట్ హబ్‌లు, డెలివరీ స్టేషన్లు వంటి కార్యకలాపాల్లో తాత్కాలిక ఉద్యోగాలు కల్పించబడతాయి.ఈ నియామకాల్లో భాగంగా, మహిళలు, వికలాంగులు (PWDs) వంటి వర్గాలకు ప్రత్యేక ప్రాధాన్యం ఇవ్వబడింది. అంతేకాకుండా, ఉద్యోగులకు ఆరోగ్య పరీక్షలు, “Early Access to Pay” వంటి ఆర్థిక సౌకర్యాలు కూడా అందిస్తున్నట్టు అమెజాన్ ప్రకటించింది. అమెజాన్ ఇండియా ప్రకటించిన ఈ ఉద్యోగాలు ముంబై, ఢిల్లీ, పుణె, బెంగళూరు, హైదరాబాద్, లక్నో, కొచ్చి, కోయంబత్తూర్, ఇండోర్, రాయ్‌పూర్ వంటి 400కి పైగా నగరాల్లో అందుబాటులో ఉన్నాయి. ఇందులో కొన్ని ఉద్యోగాలు ప్రత్యక్షంగా, మరికొన్ని ఉద్యోగాలు పరోక్షంగా కల్పించనున్నారు. ఈ నియామకాల్లో వేలాది మంది మహిళలకు, 2,000 మందికి పైగా దివ్యాంగులకు అవకాశం ఇచ్చినట్లు కంపెనీ తెలిపింది.
పండుగ సీజన్ తర్వాత కూడా అమెజాన్‌తోనే ఈ ఉద్యోగులు : కొత్త సిబ్బందిని ఇప్పటికే విధుల్లోకి తీసుకుంటున్నారని, వారందరికీ ట్రైనింగ్ కొనసాగుతుందని కూడా వెల్లడించింది. పండుగల సీజన్‌కు సంబంధించిన ఈ ఉద్యోగాలు ఎక్కువగా ఫుల్‌ఫిల్‌మెంట్ సెంటర్‌లు (FCలు), సార్ట్ సెంటర్‌లు, లాస్ట్ మైల్ డెలివరీ స్టేషన్‌లలో ఉన్నాయని సంస్థ పేర్కొంది. అమెజాన్ ఇండియా కార్యకలాపాల వైస్ ప్రెసిడెంట్ అభినవ్ సింగ్ మాట్లాడుతూ, ఈసారి నియమించుకున్న చాలా మంది ఉద్యోగులు పండుగ సీజన్ తర్వాత కూడా అమెజాన్‌తోనే కొనసాగే అవకాశం ఉందని వెల్లడించారు.ఉద్యోగుల భద్రతకు అమెజాన్ అత్యధిక ప్రాధాన్యతప్రతి సంవత్సరం మా కంపెనీలో చేరే వారి సంఖ్య పెరుగుతోంది అని ఆయన పేర్కొన్నారు. ఇక ఉద్యోగుల భద్రతకు అమెజాన్ అత్యధిక ప్రాధాన్యత ఇస్తుంది అని వైస్ ప్రెసిడెంట్ అభినవ్ సింగ్ వివరించారు. వారికి సురక్షితమైన, సమానమైన పని వాతావరణాన్ని అందిస్తామని, సామాజిక భద్రతా ప్రయోజనాలు, ఇతర సహకారాన్ని అందిస్తామని తెలిపారు. ఈ-కామర్స్ నెట్‌వర్క్‌లో తమ సిబ్బంది భద్రత కోసం దేశవ్యాప్తంగా 100 విశ్రాంతి కేంద్రాలను ఏర్పాటు చేసినట్లు ఆయన పేర్కొన్నారు.ఉద్యోగులకు ఆర్థికంగా మరిన్ని సౌకర్యాలు కల్పించడానికి, తమ జీతంలో 80 శాతాన్ని నెలకు 20 రోజులు పూర్తవకముందే (నెల మొదటి 20 రోజుల్లోనే) విత్‌డ్రా చేసుకునే అవకాశాన్ని కూడా అమెజాన్ కల్పిస్తోందని వైస్ ప్రెసిడెంట్ అభినవ్ సింగ్ తెలిపారు. ఇది ఉద్యోగులకు చాలా వరకు ఆర్థిక ఉపశమనాన్ని ఇస్తుందని ఆయన అన్నారు.