బార్ లైసెన్స్ దరఖాస్తుదారులకు గుడ్ న్యూస్: ఫీజు రూ.5 లక్షలకే!
national | Suryaa Desk | Published : Wed, Aug 20, 2025, 12:00 AM
నూతన బార్ పాలసీ దరఖాస్తుదారులకు వరం: లైసెన్స్ ఫీజులో భారీ తగ్గింపు, వాయిదాల సౌలభ్యం రాష్ట్ర ప్రభుత్వం తాజాగా ప్రకటించిన నూతన బార్ పాలసీ దరఖాస్తుదారులకు ఆర్థికంగా ఊరటనిచ్చే విధంగా రూపుదిద్దుకుంది. లైసెన్స్ ఫీజులో భారీగా తగ్గింపు కల్పించడంతో పాటు, బార్ యజమానులు ఆ మొత్తాన్ని ఆరు సులభ వాయిదాల్లో చెల్లించుకునే అవకాశం కల్పించిందని ప్రొహిబిషన్ & ఎక్సైజ్ కమిషనర్ నిశాంత్ కుమార్ వెల్లడించారు.గతంలో లైసెన్స్ దారులు మొత్తం ఫీజును ఒకే విడతగా చెల్లించాల్సి ఉండేది. అయితే, ఇప్పుడు వాయిదాల ద్వారా చెల్లించే అవకాశాన్ని కల్పించడం బార్ యజమానులకు ఆర్థికంగా ఉపయోగకరంగా మారనుంది.
*కొత్త పాలసీ ప్రకారం లైసెన్స్ ఫీజులో భారీ తగ్గింపులు అమలులోకి వచ్చాయి. ఉదాహరణకు:
కడపలో బార్ లైసెన్స్ ఫీజు రూ. 1.97 కోట్ల నుంచి రూ. 55 లక్షలకు తగ్గింపు
అనంతపురంలో రూ. 1.79 కోట్ల నుంచి రూ. 55 లక్షలకు
తిరుపతిలో రూ. 1.72 కోట్ల నుంచి రూ. 55 లక్షలకు
గోలులో రూ. 1.4 కోట్ల నుంచి రూ. 55 లక్షలకు
ఇక, బార్ లైసెన్స్ దరఖాస్తు రుసుము కూడా రూ. 5 లక్షలకు పరిమితం చేయడంతో, మరింత మంది దరఖాస్తుదారులు ముందుకు రావొచ్చని అంచనా వేయబడుతోంది.
|
|