యాక్నే, ముఖంపై మచ్చలు తగ్గేందుకు ఒక్క ఆయిల్ చాలు

యాక్నే, మొటిమలు, మచ్చలు ఇవన్నీ కూడా రెగ్యులర్ ప్రాబ్లమ్స్. వీటిని తగ్గించుకునేందుకు ఏవేవో ప్రయత్నించి విసిగిపోయినవారు ఓ సారి చక్కగా నేచురల్ ప్రోడక్ట్ అయినా టీట్రీ ఆయిల్‌ని వాడి చూడండి. దీనిని వాడడం వల్ల మీ ముఖంపై నల్ల మచ్చలు, మొటిమలు చాలా వరకూ తగ్గుతాయి. ముఖ్యంగా, టీట్రీ ఆయిల్ వాడడం వాడడం వల్ల నల్లమచ్చలు చాలా వరకూ తగ్గుతాయి. దీంతోపాటు గాయాలు కూడా త్వరగా తగ్గుతాయి. ఇందులోని యాంటీ బ్యాక్టీరియల్, యాంటీ ఇన్‌ఫ్లమేటరీ గుణాల కారణంగా అన్ని చర్మ రకాలపై ఇది అద్భుతంగా పనిచేస్తుంది. దీనిని వాడడం వల్ల చర్మ సమస్యల్ని తగ్గించుకోవచ్చు.

యాక్నే

టీట్రీ ఆయిల్ రాయడం వల్ల యాక్నే సమస్య తగ్గుతుంది. దీనిలోని గుణాలు యాక్నేకి కారణమయ్యే బ్యాక్టీరియాని చంపుతుంది. ముఖ్యంగా ఇందులోని యాంటీ ఇన్‌ఫ్లమేటరీ ప్రాపర్టీస్ చర్మం ఎర్రబడడం, వాపు వంటి యాక్నే కారణంగా వచ్చే సమస్యల్ని దూరం చేస్తుంది.

నల్లమచ్చలు తగ్గేందుకు

టీట్రీ ఆయిల్ డార్క్ స్పాట్స్‌ని తగ్గించేందుకు వాడొచ్చు. దీని ప్రభావం కారణంగా మచ్చలు, గాయాలు త్వరగా తగ్గుతాయి. ఇందులోని యాంటీ బ్యాక్టీరియల్, యాంటీ ఇన్‌ఫ్లమేటరీ గుణాలు డార్క్ స్పాట్స్‌ని తొలగించి చర్మాన్ని క్లీన్ అండ్ క్లియర్‌గా చేస్తుంది. దీని వల్ల హైపర్ పిగ్మంటేషన్ తగ్గి చర్మం టోన్ అవుతుంది. అంతేకాకుండా, స్కిన్ బ్రైట్‌గా కనిపిస్తుంది.

ఎలా వాడాలి

ముందుగా ఓ బౌల్‌లో కొద్దిగా టీట్రీ ఆయిల్‌ దానికి పదింతల జొజొబా ఆయిల్ లేదా కొకనట్ ఆయిల్ తీసుకోండి. రెండింటిని బాగా మిక్స్ చేయండి. దీనిని సమస్య ఉన్న చోట కాటన్ సాయంతో రాయండి. ఇది మీకు పడుతుందో లేదో ఓ సారి ప్యాచ్ టెస్ట్ చేయడం మంచిది.

బెనిఫిట్స్

టీట్రీ ఆయిల్ మనకి యాక్నేని తగ్గించే ఓ మందులా పనిచేస్తుంది. అయితే, ఎక్కువగా రాస్తే కచ్చితంగా స్కిన్ డ్రైగా మారి ఇరిటేట్ అవుతుంది. కాబట్టి, తక్కువ పరిమాణంలోనే రాయాలి. అదే విధంగా, మంచి స్వచ్ఛమైన టీట్రీ ఆయిల్‌ని మాత్రమే వాడండి. మార్కెట్లో చాలా వరకూ కల్తీవి అమ్ముతారు. వాటిని వాడకపోవడమే మంచిది.

ఫేస్‌వాష్, మాయిశ్చరైజర్‌లో

టీట్రీ ఆయిల్‌ని కొన్ని చుక్కలు ఫేస్ వాష్, మాయిశ్చరైజర్‌లో కలిపి రాయొచ్చు.

అయితే, తక్కువ పరిమాణంలోనే రాయాలి.

రాత్రిపూట మాయిశ్చరైజర్‌లో ఓ చుక్క పరిమాణంలో కలిపి రాసి ఉదయాన్నే క్లీన్ చేస్తే మంచిది.