నేచురల్‌గానే రింగుల జుట్టు కావాలా

నిన్నమొన్నటివరకూ రింగుల జుట్టు ఉంటే ఇబ్బందిగా ఫీల్ అయ్యేవారు. కానీ, ప్రజెంట్ ఇదో ఫ్యాషన్‌గా మారింది. ఒకరిని చూసి ఒకరు తమకి కర్లీ హెయిర్ కావాలని కోరుకుంటున్నారు. అయితే, దీనికోసం కర్లర్స్ వాడితే జుట్టు పాడవుతుంది. అలా కాకుండా నేచురల్‌గానే కర్లీ హెయిర్ కోసం ఏం చేయాలో తెలుసుకోండి.

ప్రజెంట్ యూత్ కర్లీ హెయిర్‌ని ఎక్కువగా ఇష్టపడుతున్నారు. ఇదో ఫ్యాషన్‌గా మారిపోయింది కూడా. దీనికోసం కర్లర్స్‌ని కొని ఇంట్లోనే క్షణాల్లో కర్లీ హెయిర్‌ని స్టైల్ చేస్తున్నారు. అయితే , ఇలా చేయడం వల్ల జుట్టుని వేడి చేసి కర్లీగా మార్చాల్సి ఉంటుంది. దీంతో జుట్టు మొత్తం పాడవుతుంది. డ్రైగా మారిపోతుంది. కాబట్టి, అలా కాకుండా నేచురల్‌గానే జుట్టుని రింగులురింగులుగా మార్చాలనుకుంటే ఏం చేయాలో తెలుసుకోండి.

మంచి షాంపూ, కండీషనర్

నేచురల్‌గా జుట్టుని కర్లీగా మార్చడానికి ఫస్ట్ జుట్టుని చక్కని మాయిశ్చరైజింగ్ ఉన్న షాంపూ, కండీషనర్ వాడండి. అది కూడా తడిజుట్టుపై మాత్రమే వాడాలి. ఎందుకంటే,

కర్లీగా మారినప్పుడు ఈ మాయిశ్చరైజర్ మరింత షైనీనెస్‌ని యాడ్ చేస్తాయి. కాబట్టి, మంచి షాంపూ, కండీషనర్‌ వాడండి.

దువ్వడం

ఇప్పుడు జుట్టుని కాస్తా నేచురల్‌గానే ఆరనివ్వండి. దీనికోసం మైక్రోఫైబర్ టవల్ వాడండి. అంతేకానీ, డ్రయర్ వాడొద్దు. దీని వల్ల జుట్టు పాడవుతుంది. అలా కాకుండా మైక్రోఫైబర్ టవల్‌తో ఎక్కువగా ఉండే తడినంతా పోగొట్టండి. కాస్తా తడిగా ఉండేలా చూసుకోండి. ఇప్పుడు వెడల్పాటి పళ్ళు ఉన్న దువ్వెనతో చక్కగా దువ్వండి. మరీ ఎక్కువగా లాగొద్దు.

కర్ల్ క్రీమ్

ఇది మనకి బయట, ఆన్‌లైన్‌లో ఈజీగా దొరుకుతుంది. కర్ల్ క్రీమ్‌ని జుట్టుకి అప్లై చేయండి. ఇప్పుడు జుట్టుని నేచురల్‌గానే ఆరబెట్టండి. ఇలా చేస్తేనే జుట్టు వాల్యూమ్‌గా ఉంటుంది.

పాయలుగా విడదీసి

ఇప్పుడు జుట్టుని పాయలుగా విడదీసి ప్రతిభాగాన్ని చివరివరకూ ట్విస్ట్ చేయండి. దీనిని స్క్రంచెస్ లేదా క్లిప్‌తో తలపై భాగంలో సెక్యూర్ చేయండి.

ఒక్కోవైపుకి ఇలానే చేయండి.

వీలైతే రాత్రంతా అలానే వదిలేయండి.

సిల్క్ హెయిర్ కర్లింగ్ హెడ్ బ్యాండ్స్

ఇవి మార్కెట్లోకి వచ్చేశాయి. వీటిని కూడా ఉపయోగించి జుట్టుని రింగులుగా మార్చుకోవచ్చు. తడి తలని రెండు భాగాలుగా విభజించి హెడ్ బ్యాండ్ పెట్టాలి. ఆపై దాన్ని బ్యాండ్ పెట్టి స్క్రంచీ పెట్టండి.

కనీసం నాలుగైదు గంటలైనా ఇలానే ఉంచండి. దీనిని విడదీసినిప్పుడు చక్కగా రింగులురిగులుగా ఉంటుంది. ఎలాంటి హీట్, కర్లర్స్ లేకుండా జుట్టుని ఇలా నేచురల్‌గానే రింగులుగా మార్చుకోవచ్చు.