రోజూ మూడంటే మూడు ఫాలో అయి అధికబరువు తగ్గించుకోండి

​బరువు తగ్గడమనేది కష్టమనుకుంటారు. దీనికి కష్టమైన డైట్స్, మరింత కష్టమైన వర్కౌట్స్ చేయాలనుకుంటారు. దీనిని రెగ్యులర్‌గా ఫాలో అవ్వడం ఎవరికైనా ఇబ్బందిగానే అనిపిస్తుంది. షుగర్, గుండె సమస్యలు, కొన్ని రకాల క్యాన్సర్స్, లివర్ ప్రాబ్లమ్స్ ఇలా ఎన్నో ప్రమాదకర సమస్యలకి ముఖ్య కారణం అధికబరువు. అందుకే, ఎలా అయినా సరే ఈ బరువుని తగ్గించుకోవాలని డైట్స్, ఎక్సర్‌సైజెస్ చేస్తారు. ఇవి కొన్నిరోజులు మాత్రమే స్ట్రిక్ట్‌గా ఫాలో అవుతారు. మరికొన్నిరోజులకి వీటిని ఫాలో అవ్వడం కష్టంగా ఫీల్ అవుతారు. అలా కాకుండా ఎక్సర్‌సైజ్, డైట్‌ లేకుండానే రోజూ కొన్ని మార్పులు చేస్తూ బరువుని ఎలా తగ్గించుకోవాలో ఫిట్‌నెస్ కోచ్ ఎరిక్ రాబర్ట్స్ చెబుతున్నారు. అవి

తిన్న తర్వాత నడవడం

జిమ్, వర్కౌట్స్ చేయడం కాస్తా కష్టంగానే ఉంటుంది. అలా కాకుండా రోజూ కూడా ఆహారం తీసుకున్న తర్వాత కాస్తా నడవండి. 10 నుంచి 15 నిమిషాల పాటు కొద్దిగా నడవడం మంచిది. అది ఇంట్లో అయినా, ఇంటి చుట్టూ అయినా నడవండి. ఇలా నడవడం వల్ల తిన్న ఆహారం త్వరగా జీర్ణమవుతుంది. బరువు తగ్గడానికి హెల్ప్ అవుతుంది. ఎక్కువ దూరం నడవకపోయినా కొద్ది దూరమైనా నడవడం అలవాటు చేసుకోండి. కనీసం 3వేల అడుగుల నుంచి 5 వేల అడుగుల వరకూ నడవండి. దీంతో కేలరీలు బర్న్ అవుతాయి. జీర్ణక్రియ మెరుగవుతుంది. శక్తి పెరుగుతుంది. ఉబ్బరం కూడా తగ్గుతుంది.

ప్రోటీన్, హైడ్రేషన్

ఉదయాన్నే ప్రోటీన్, హైడ్రేషన్ ఉండేలా చూసుకోండి. బరువు తగ్గించడంలో ప్రోటీన్ కీ రోల్ పోషిస్తుంది. ఉదయం లేచిన 2 గంటల్లోపు 20 నుంచి 30 గ్రాముల ప్రోటీన్ తీసుకోవాలని రాబర్ట్ చెబుతున్నాడు. దీని వల్ల కడుపు నిండుతుంది. మెటబాలిజం ఇంప్రూవ్ అవుతుంది. ప్రోటీన్‌తో పాటు హైడ్రేషన్ మొత్తం బాడీ ఫంక్షనింగ్‌కి హెల్ప్ చేస్తుంది. దీంతోపాటు నీటిని తాగడం మరవొద్దు. కచ్చితంగా నీరు తాగండి. దీని వల్ల బాడీ హైడ్రేట్‌గా మారడమే కాకుండా బాడీలోని ట్యాక్సిన్స్‌ అన్నీ బయటికి వెళ్లిపోతాయి.

కేలరీలని తగ్గించడం

మన బాడీలో వెయిట్ పెరగడానికి ముఖ్య కారణం కేలరీలు ఎక్కువగా తీసుకోవడం. అందుకే, కేలరీలు ఎక్కువగా తీసుకోవద్దు. వీటి బదులు ప్రోటీన్ తీసుకోండి. దీంతో కొలెస్ట్రాల్ తగ్గుతుంది. తీసుకున్న కేలరీల కంటే మనం బర్న్ చేసే కేలరీలు ఎక్కువగా ఉంటే బరువు తగ్గడానికి హెల్ప్ అవుతుందని గుర్తుంచుకోండి.

ఇవి వద్దు

లిక్విడ్ కేలరీలు తీసుకోవద్దు. ఎనర్జీ డ్రింక్స్, ఎక్కువగా కేలరీలు ఉండే పాలు, డ్రింక్స్‌ని తగ్గించాలి. డైట్ సోడాలో కూడా ఎక్కువ కేలరీలు ఉంటాయి. ప్రోటీన్ షేక్స్ కూడా ఉన్నాయి. లో కేలరీ ప్రోటీన్ షేక్స్ తీసుకోండి. ఇందులో పోషకాలు ఎక్కువగా ఉండేలా చూసుకోండి.

వీటన్నింటితో పాటు

బరువు తగ్గడం అనేది ముఖ్యమైనది. ఇది ఒకేసారి అవ్వదు. మీరు మీ డైట్‌లో చేంజెస్ చేసి కనీసం 2 నుంచి 3 నెలలు రెగ్యులర్‌గా ఫాలో అయితేనే రిజల్ట్ రావడం ప్రారంభమవుతుంది. ఏది కానీ త్వరగా మనకి రిజల్ట్ చూపించాలని ఎక్స్‌పెక్ట్ చేయొద్దు. ఒత్తిడిని తగ్గించుకోవాలి. సరైన హ్యాబిట్స్‌ని రెగ్యులర్‌గా ఫాలో అవ్వాలి.