ఆసియా కప్ షెడ్యూల్ ఛేంజ్.. భారత్-పాక్ మ్యాచ్ ఎప్పుడు

ఆసియా కప్ 2025 కి పట్టుమని పది రోజులు కూడా లేవు. ఈ సమయంలో ఓ బిగ్ అప్డేట్ వచ్చింది. దుబాయ్‌లో వేడిని దృష్టిని ఉంచుకుని ఆసియా కప్ 2025 మ్యాచ్‌ల సమయాల్లో ఆసియన్ క్రికెట్ కౌన్సెల్ (ఏసీసీ) కీలక మార్పులు చేసింది. సెప్టెంబర్ 9 నుంచి 28 వరకు యూఏఈలో జరగబోయే ఈ టోర్నమెంట్‌లో మొత్తం 19 మ్యాచ్‌లలో 18 భారత కాలమానం ప్రకారం రాత్రి 8 గంటలకు ప్రారంభం కానున్నాయి. గల్ఫ్ స్టాండర్డ్ టైమ్ ప్రకారం ఇవి సాయంత్రం 6:30 గంటలకు స్టార్ట్ అవుతాయి.

మొత్తం 19 మ్యాచ్‌లు జరిగే ఈ టోర్నీలో ఒకే ఒక్క మ్యాచ్ మాత్రం ముందుగా జరగనుంది. సెప్టెంబర్ 15న అబుదాబి వేదికగా జరిగే యూఏఈ - ఒమన్ మ్యాచ్‌ భారత కాలమాన ప్రకారం సాయంత్రం 5:30 గంటలకు ప్రారంభం అవుతుంది. మిగతా మ్యాచ్‌లు మాత్రం ఫ్లడ్ లైట్స్‌లో నైట్ మ్యాచ్‌లు జరగనున్నాయి.

బ్రాడ్‌కాస్టర్లు, వేదికల నిర్వాహకులతో చర్చించిన అనంతరమే ఏసీసీ మ్యాచ్ టైమింగ్స్‌లో మార్పులు చేపట్టింది. గల్ఫ్ ప్రాంతంలో సాయంత్రం నుంచి వాతావరణం కొంత చల్లబడటం, అలాగే దక్షిణాసియా దేశాల ప్రైమ్‌టైమ్ వీక్షకులను ఆకర్షించడం ఈ నిర్ణయం వెనుక ప్రధాన ఉద్దేశమని ఏసీసీ అధికారులు వెల్లడించారు.

ఈ ఏడాది ఆసియా కప్‌లో ఎనిమిది జట్లు పాల్గొంటున్నాయి. ఈ ఎనిమిది జట్లను రెండు గ్రూపులుగా విభజించారు. గ్రూప్ ఏలో ఇండియా, పాకిస్తాన్, యూఏఈ, ఒమన్.. గ్రూప్ బీలో శ్రీలంక, బంగ్లాదేశ్, అప్ఘనిస్తాన్, హాంకాంగ్. ప్రతి జట్టు తమ గ్రూపులోని మిగిలిన మూడింటితో తలా ఒక మ్యాచ్ ఆడనుంది. ఆ తర్వాత టాప్ 2 జట్లు సూపర్ 4కి అర్హత సాధిస్తాయి. సూపర్ 4లో నాకౌట్ దశలో మ్యాచ్‌లు జరుగుతాయి. సెప్టెంబర్ 28న దుబాయ్‌లో జరిగే ఫైనల్స్‌లో తలపడతాయి. వర్షం పడితే సెప్టెంబర్ 29ను రిజర్వ్ డేగా ఉంచారు.

ఆసియా కప్ 2025 షెడ్యూల్.. గ్రూప్ మ్యాచ్‌లు (రాత్రి 8 గంటలకు)

మంగళవారం, 9 సెప్టెంబర్ – అఫ్ఘనిస్తాన్ vs హాంకాంగ్, బుధవారం, 10 సెప్టెంబర్ – ఇండియా vs యునైటెడ్ అరబ్ ఎమిరేట్స్ (యూఏఈ), గురువారం, 11 సెప్టెంబర్ – బంగ్లాదేశ్ vs హాంకాంగ్, శుక్రవారం, 12 సెప్టెంబర్ – పాకిస్తాన్ vs ఒమాన్, శనివారం, 13 సెప్టెంబర్ – బంగ్లాదేశ్ vs శ్రీలంక, ఆదివారం, 14 సెప్టెంబర్ – ఇండియా vs పాకిస్తాన్, సోమవారం, 15 సెప్టెంబర్ – యూఏఈ vs ఒమన్, సాయంత్రం 5:30 (డే మ్యాచ్), 15 సెప్టెంబర్ – శ్రీలంక vs హాంకాంగ్, మంగళవారం, 16 సెప్టెంబర్ – బంగ్లాదేశ్ vs అఫ్ఘనిస్తాన్, బుధవారం, 17 సెప్టెంబర్ – పాకిస్తాన్ vs యూఏఈ, గురువారం, 18 సెప్టెంబర్ – శ్రీలంక vs అఫ్ఘనిస్తాన్, శుక్రవారం, 19 సెప్టెంబర్ – ఇండియా vs ఒమన్.

సూపర్–4 మ్యాచ్‌లు

శనివారం, 20 సెప్టెంబర్ – B1 vs B2, దుబాయ్. ఆదివారం, 21 సెప్టెంబర్ – A1 vs A2, దుబాయ్. సోమవారం, 22 సెప్టెంబర్ ఏ మ్యాచ్‌లు లేవు. మంగళవారం, 23 సెప్టెంబర్ – A2 vs B1, అబుదాబి. బుధవారం, 24 సెప్టెంబర్ – A1 vs B2, దుబాయ్. గురువారం, 25 సెప్టెంబర్ – A2 vs B2, దుబాయ్. శుక్రవారం, 26 సెప్టెంబర్ – A1 vs B1, దుబాయ్ .శనివారం, 27 సెప్టెంబర్ – మ్యాచ్ లేదు.

ఫైనల్ మ్యాచ్

ఆదివారం, 28 సెప్టెంబర్ – ఫైనల్, దుబాయ్. ఒకవేళ ఫైనల్ మ్యాచ్‌కి వర్షం అంతరాయం కలిగిస్తే సోమవారం, 29 సెప్టెంబర్ – రిజర్వ్ డేగా ప్రకటించారు. ఫైనల్ మ్యాచ్‌కి భారత్ - పాకిస్తాన్ జట్లు వస్తే టికెట్లు భారీగా బుక్కయ్యే అవకాశం ఉంది.