కేరళ లీగ్‌లో సంజు శాంసన్ సిక్సర్ల వర్షం

ఆసియా కప్ ఓపెనర్ కోటాలో టఫ్ ఫైట్ నడుస్తున్న నేపథ్యంలో డాషింగ్ బ్యాటర్ సంజు శాంసన్ మరోసారి తన సత్తా చాటాడు. కేరళ క్రికెట్ లీగ్‌లో ఓపెనర్‌గా బరిలోకి దిగి టీమిండియా హెడ్ కోచ్ గౌతమ్ గంభీర్‌కి సవాళ్లు విసురుతున్నాడు. వరుసగా హాఫ్ సెంచరీలు బాదుతున్న సంజు ఇవాళ అలెప్పీ మీద జరిగిన మ్యాచ్‌లోనూ 80 పరుగులు చేసి ప్లేస్ ఫిక్స్ అంటూ మెసెజ్ పంపాడు.

కోకలో కత్తిలా నైనిక.. టాటూ చూపిస్తూ జగతి కవ్వింపు.. బిందాస్‌గా బింధు బాంధవి

కేరళ క్రికెట్ లీగ్‌లో సంజు శాంసన్ తనను తాను నిరూపించుకున్నాడు. టీమిండియా చివరగా ఇంగ్లండ్‌పై ఆడిన టీ20 సిరీస్‌లో సంజూ విఫలమయ్యాడు. జోఫ్రా ఆర్చర్ వేసిన షార్ట్ బంతులు ఎదుర్కోలేక తక్కువ పరుగులకే పెవిలియన్ బాట పట్టాడు. అదే సిరీస్‌లో చేతి వేలికి గాయం కావడంతో ఐపీఎల్ కూడా సరిగ్గా ఆడలేకపోయాడు. దాంతో ఆసియా కప్ స్క్వాడ్‌లో ఎంపికైనా ఫిట్‌నెస్ కారణంగా ప్లేయింగ్ 11లో చోటు దక్కించుకోలేడేమో అన్న అనుమానాలు తలెత్తాయి. దానికి తోడు శుభమన్ గిల్‌ని ఎంపిక చేయడంతో పాటు వైస్ కెప్టెన్‌గా నియమించడంతో సంజూకి ప్లేస్ కష్టమే అని అందరూ అనుకున్నారు.

సరిగ్గా అదే సమయంలో కేరళ క్రికెట్ లీగ్‌లో వరుసగా భారీ స్కోర్స్ చేస్తూ అందరి దృష్టిని ఆకర్షించాడు. మిడిలార్డర్‌లో విఫలమైన శాంసన్ ఓపెనర్‌గా వరుసగా సెంచరీతో పాటు మూడు హాఫ్ సెంచరీలు చేశాడు. ఆదివారం జరిగిన మ్యాచ్‌లోనూ 83 పరుగులు నమోదు చేశాడు. అలెప్పీ, కొచ్చి జట్ల మధ్య జరిగిన ఈ మ్యాచ్‌లో సిక్సర్ల వర్షం కురిపించాడు.

ఓపెనర్‌గా బరిలోకి దిగిన సంజు శాంసన్ 41 బంతుల్లో రెండు ఫోర్లు, తొమ్మిది సిక్సర్లలో 83 పరుగులు నమోదు చేశాడు. గతంలో జరిగిన మ్యాచ్‌లలో వరుసగా 51 బంతుల్లో 121, 46 బంతుల్లో 89, 37 బంతుల్లో 62 పరుగులతో రాణించడం విశేషం. ఇక మ్యాచ్ విషయానికి వస్తే తొలుత బ్యాటింగ్ చేసిన అలెప్పీ జట్టు 20 ఓవర్లలో 6 వికెట్ల నష్టానికి 176 పరుగులు చేసింది. ఓపెనర్లు అజారుద్దీన్ 64, జలజ్ సక్సేనా 71 పరుగులతో రాణించారు. అలెప్పీ ఇచ్చిన 177 పరుగుల లక్ష్యంతో బరిలోకి దిగిన కొచ్చీ జట్టు 18.2 ఓవర్లలో 7 వికెట్ల నష్టానికి 178 పరుగులు చేసింది. సంజు ఒక్కడే 83 పరుగులతో రాణించగా.. ఆఖర్లో జరిన్ పీఎస్ 13 బంతుల్లో 25 పరుగులు బాది మ్యాచ్‌ని గెలిపించాడు.