మహిళల వన్డే వరల్డ్‌కప్‌కి ఐసీసీ కళ్లుచెదిరే ఫ్రైజ్ మనీ

మహిళల వన్డే వరల్డ్‌కప్ 2025‌కి ఐసీసీ కళ్లు చెదిరే ప్రైజ్ మనీ ప్రకటించింది. సెప్టెంబర్ 30 నుంచి నవంబర్ 2 వరకు జరిగే ఈ మెగా ఈవెంట్‌కు పురుషుల వన్డే వరల్డ్‌కప్ కంటే అధికంగా నగదు బహుమతి ప్రకటించడం విశేషం. ఈ ఏడాది భారత్‌‌తో పాటు శ్రీలంక వేదికగా వన్డే వరల్డ్ కప్ కోసం ఐసీసీ 13.88 మిలియన్ అమెరికన్ డాలర్లు అంటే ఇండియన్ కరెన్సీలో సుమారు రూ.116 కోట్లను కేటాయించింది.

ఇడ్లీ లేదా దోసె, షుగర్ ఉన్నవారు ఏది తినాలో చెప్పిన డాక్టర్, అసలు సంగతి తెలిస్తే ఆశ్చర్యపోతారు

ఐసీసీ ప్రస్తుతం ప్రకటించిన ఈ అమౌంట్ మొత్తం 2022లో న్యూజిలాండ్‌లో జరిగిన చివరి ఎడిషన్‌లో ఇచ్చిన 5 మిలియన్ డాలర్ల కంటే దాదాపు నాలుగు రెట్లు ఎక్కువ. ముఖ్యంగా, ఇది 2023 పురుషుల వన్డే వరల్డ్‌కప్‌కి కేటాయించిన 10 మిలియన్ డాలర్లను మించిపోయింది.

మహిళలకు సమాన గౌరవం అందించేందుకు ఇంత నగదు ప్రకటించినట్లు ఐసీసీ చైర్మన్ జే షా అన్నారు. భవిష్యత్‌లో మహిళా క్రికెటర్లను ప్రోత్సహించేందుకు ఇంత నగదు ప్రైజ్‌మనీ అందిస్తున్నట్లు పేర్కొన్నారు. పురుషులతో పాటు మహిళలు కూడా సమాన గౌరవం పొందాలనేదే తమ ఉద్దేశమన్నారు.

"మహిళల క్రికెట్‌కి ఇది చారిత్రాత్మక క్షణం. నాలుగు రెట్లు పెంచిన ఈ ప్రైజ్ మనీ, భవిష్యత్తులో మహిళా క్రికెట్‌కు మా కట్టుబాటును చూపిస్తోంది. ప్రొఫెషనల్‌గా ఈ క్రీడను ఎంచుకునే మహిళలు పురుష క్రికెటర్లతో సమానంగా గౌరవం పొందుతారని ఈ సందేశం స్పష్టంగా చెబుతోంది" అని జై షా పేర్కొన్నారు.

ప్రైజ్ మనీ వివరాలు..

ఐసీసీ మహిళల వన్డే వరల్డ్ కప్ 2025లో విజేతగా నిలిచిన జట్టుకు 4.48 మిలియన్ డాలర్లు అంటే భారతీయ కరెన్సీలో సుమారు రూ.37.632 కోట్లు. ఈ మొత్తం 2022 మహిళల వన్డే వరల్డ్ కప్‌తో పోల్చితే మూడు రెట్లు అధికంగాను, 2023 పురుషుల వరల్డ్‌కప్‌ కంటే నాలుగు మిలియన్లు ఎక్కువ. రన్నరప్ జట్టుకు రూ.18.816 కోట్లు (2.24 మిలియన్ డాలర్లు), సెమీఫైనల్లో ఓడిన జట్లు – ఒక్కో జట్టుకు రూ. 9.408 కోట్లు (1.12 మిలియన్ డాలర్లు), గ్రూప్ మ్యాచ్ గెలుపు బోనస్ – ఒక్క విజయానికి సుమారు రూ. 28.82 లక్షలు (34,314 డాలర్లు), 5, 6 స్థానాలు – ఒక్కో జట్టుకు రూ.5.88 కోట్లు (7,00,000 డాలర్లు), 7, 8 స్థానాలు – ఒక్కో జట్టుకు రూ. 2.352 కోట్లు (2,80,000 డాలర్లు), ప్రతి జట్టుకి కనీస గ్యారంటీడ్ అమౌంట్ – రూ. 2.10 కోట్లు (2,50,000 డాలర్లు).