కొత్తబట్టలు కొనే ముందు కచ్చితంగా వీటిని ఫాలోకండి

ఇదివరకటి రోజుల్లో పండుగలు, సంవత్సరానికోసారి మాత్రమే బట్టలు కొనేవారు. కానీ, బట్టలకి చాలా ప్రాముఖ్యతనిస్తున్నారు. ఓ ఫంక్షన్‌కి వేసుకెళ్లిన బట్టల్ని మరో ఫంక్షన్‌కి వెళ్లడానికే నామూషిగా ఫీల్ అవుతున్నారు. దీంతోఎప్పుడు పడితే అప్పుడే బట్టలు కొంటున్నారు. అయితే, కొనడం మంచిదే అయినప్పటికీ, కొనే ముందు కొన్ని జాగ్రత్తలు తప్పనిసరిగా ఫాలో అవ్వాలని చెబుతున్నారు ఎక్స్‌పర్ట్స్.

తక్కువ ధరలో ఎక్కువగా

తక్కువ ధరలో ఎక్కువగా

ఇప్పుడు మనం కొనే బట్టలు బ్రాండెడ్‌గా రిచ్‌గా కనిపించాలని ప్రతీసారి ఎక్కువ డబ్బు పెట్టి కొనాల్సిన అవసరం లేదు. ఒకట్రెండు జతలు కాస్తా ఎక్కువ ధరలో కొని తక్కువ ధరలో ఎక్కువగా కొనేయండి. ఎందుకంటే, ఎక్కువ ధర పెట్టినవి మనం ఎక్కువసార్లు వేయలేం. తక్కువ ధరతో కొన్న బట్టల్నే తిప్పితిప్పి చాలా సార్లు వేస్తాం. ఈ విషయాన్ని మనం కచ్చితంగా గుర్తుపెట్టుకోవాలి.

కొనే బట్టల్ని మనం ఎన్ని రకాలుగా వాడొచ్చు

మనం ఓ షర్ట్ కొనాలనుకున్నప్పుడు దాన్ని ఒక్క విధంగానే వాడాలనుకోవద్దు. దానిని ఎన్ని విధాలుగా స్టైల్ చేయాలో ముందుగానే ఆలోచించి అలా కొనుక్కోవడం మంచిది. దాంతో మన దగ్గర మ్యాచింగ్స్ ఉన్నాయా. ఎక్కువ సార్లు వేసుకోవచ్చా లేదా. కేవలం ప్యాంట్ మీదకే కాకుండా దానిని రకరకాలుగా ఎలా వాడాలి. ఇలా అన్నీ ఆలోచించి కొనండి.

సిమిలర్‌గా డ్రెస్సెస్ ఉన్నాయా అని

దీంతోపాటు మనం షాపింగ్ చేసినప్పుడు ఆ బట్టలు మోడల్, కలర్‌లోనే ఏమైనా ఉన్నాయా అని ఆలోచించాలి. అలానే ఉంటే వాటిని అవాయిడ్ చేయాలి. అంతేకానీ, సేమ్ ప్యాటర్న్ అండ్ డిజైన్ కలర్‌లో కొంటే వేసుకోవడానికి ఇబ్బంది పడతారు. కాబట్టి, ముందుగానే ఈ విషయాన్ని ఆలోచించండి.

ట్రెండ్స్ గురించి ఆలోచించడం

ఇప్పుడు ప్రతీ విషయంలోనూ అప్ డేట్ వచ్చినట్లుగానే ట్రెండ్స్ కొనసాగుతాయి. ఇప్పుడు ట్రెండీగా ఉందంటూ కొనే బట్టలు కొన్నిరోజులకి ఓల్డ్ ఫ్యాషన్‌గా మారిపోతుంది. అందుకే, అలాంటి ట్రెండ్స్ ఫాలో అవ్వకుండా ఎవర్ గ్రీన్ కలెక్షన్‌ని చూస్ చేసుకోండి. దీంతో మీరు వాటిని ఎప్పుడు వేసుకున్నా కూడా ఓల్డ్ ఫ్యాషన్‌లా ఫీల్ అవ్వరు.

మన లైఫ్‌స్టైల్‌కి సూట్ అవుతుందా లేదా

మనం ఎంత ట్రెండీగా ఉండాలనుకున్నా కొన్నిసార్లు మన చుట్టూ ఉండే జనాలు, సొసైటీని బట్టి కొన్ని బట్టల్ని వేసుకోవడానికి ఇబ్బంది పడతాం. కాబట్టి, అలాంటి బట్టలు కొనకపోవడమే మంచిది. రెగ్యులర్‌గా మీరు ఏవి వేసుకుంటే హ్యాపీగా బయటికి వెళ్లగలుగుతారో ఆ బట్టల్నే వేసుకోండి. దీంతో మీరు వాటిని ఎక్కువసార్లు వేసుకోగలుగుతారు.

కాస్తా లూజ్‌గా ఉండే బట్టలు

అదే విధంగా, మనం తీసుకునే బట్టలు ఫిట్‌గానే ఉండాలి. అలా అని టైట్‌గా ఉండొద్దు. కాస్తా లూజ్‌గా ఉండేలా చూసుకోండి. అవి వేసుకుని మీరు ట్రయల్ చేయండి. కూర్చోవడం, లేవడం వంటివి చేస్తే ఎలాంటి ఇబ్బంది లేకపోతే వాటిని చక్కగా కొనుక్కోవచ్చు. లేదంటే తర్వాత ఇబ్బంది పడతారు. అదే విధంగా, కొన్నిక్లాత్స్ ఉతికిన తర్వాత ష్రింక్ అవుతాయి. అందుకే, కాస్తా లూజ్‌గా ఉండేవే తీసుకోవడం మంచిది.