UIDAI సరికొత్త సౌకర్యం: వాట్సాప్‌లో ఆధార్ కార్డ్ డౌన్లోడ్ చేసుకోండి

WhatsApp ద్వారా ఆధార్ డౌన్‌లోడ్ చేసుకోవడం.. ఇలా చేయండి ఆధార్ కార్డ్ మన దేశంలో అత్యంత కీలకమైన డాక్యుమెంట్లలో ఒకటి. ఈ రోజుల్లో చిన్న పని చేయాలన్నా – హోటల్లో గదిని బుక్ చేసుకోవాలన్నా, బ్యాంక్ ఖాతా ఓపెన్ చేయాలన్నా, గవర్నమెంట్ సేవలు పొందాలన్నా – ఆధార్ తప్పనిసరి. అయితే కొన్ని సందర్భాల్లో మన దగ్గర ఆధార్ కార్డ్ ఉండకపోవచ్చు. లేదా డిజిటల్ కాపీ ఫోన్‌లో లేకపోవచ్చు. ఇలాంటి సమయాల్లో తక్షణమే ఆధార్ అవసరం అయితే ఏం చేయాలి అనేది చాలామందికి సందేహంగా ఉంటుంది. అలాంటి వారికి ఇది మంచి పరిష్కారం.మీరు తెలుసా? ఇప్పుడు మీరు WhatsAppలోనే ఆధార్ కార్డ్‌ను డౌన్‌లోడ్ చేసుకోవచ్చు – అదీ చాలా ఈజీగా. ఇందులో కష్టం ఏమీలేదు, కొద్దిగ వాచ్‌చాట్ చేసి, అవసరమైన దశలను ఫాలో అవ్వడమే.
*ముందుగా తెలుసుకోవలసిన విషయాలు:
-మీ మొబైల్ నంబర్ ఆధార్‌తో లింక్ అయి ఉండాలి.
-మీ దగ్గర యాక్టివ్ డిజిలాకర్ ఖాతా ఉండాలి. (ఇది DigiLocker వెబ్‌సైట్ లేదా యాప్ ద్వారా సులభంగా సృష్టించొచ్చు)
-MyGov Helpdesk అధికారిక WhatsApp నంబర్: +91-9013151515 – దీన్ని మీ ఫోన్‌లో సేవ్ చేసుకోండి.
*WhatsApp ద్వారా ఆధార్ కార్డ్ డౌన్‌లోడ్ చేయడం ఎలా? (Step-by-Step)
+91-9013151515 నంబర్‌ను "MyGov Helpdesk" అని సేవ్ చేయండి.
-వాట్సాప్ ఓపెన్ చేసి, ఆ కాంటాక్ట్‌కి “Hi” లేదా “Namaste” అని మెసేజ్ పంపండి.
-కనిపించే ఆప్షన్స్‌లో DigiLocker Services ఎంపిక చేసుకోండి.
-మీ వద్ద డిజిలాకర్ ఖాతా ఉందా అని అడుగుతుంది – ఉంటే "Yes", లేకపోతే "No" అని స‌మాధానం ఇవ్వండి. ఖాతా లేకపోతే ముందుగా ఓపెన్ చేసుకోవాలి.
-12 అంకెల ఆధార్ నంబర్‌ను ఎంటర్ చేయండి.
-మీ ఆధార్‌కు లింకైన ఫోన్‌ నంబర్‌కు OTP వస్తుంది – దాన్ని చాట్‌లో ఎంటర్ చేయండి.
-ధృవీకరణ పూర్తయిన తర్వాత, మీ డిజిలాకర్‌లో ఉన్న డాక్యుమెంట్స్‌ జాబితా చూపిస్తుంది.
-అందులో నుంచి ఆధార్ కార్డ్ ఎంపిక చేయండి.
-మీ ఆధార్ కార్డ్ PDF రూపంలో అదే చాట్‌లో డెలివర్ అవుతుంది.
*ఈ సౌకర్యం వల్ల మీకు లాభాలు ఏమిటి?
-ఆధార్ కోసం ప్రత్యేకంగా వెబ్‌సైట్‌లు, యాప్‌లకు వెళ్లాల్సిన అవసరం లేదు.
-మీరు ప్రయాణంలో ఉన్నా, ఇమర్జెన్సీలో ఉన్నా.. ఆధార్‌ని సులభంగా పొందవచ్చు.
-పూర్తిగా ప్రభుత్వ అధికారిక సేవ, కాబట్టి సురక్షితంగా ఉంటుంది.
-భౌతిక ఆధార్ లేకపోయినా, డిజిటల్ ఆధార్‌ను మినిట్స్‌లో పొందొచ్చు.