డోనాల్డ్ ట్రంప్ నుంచి పెద్ద ప్రకటన.. ఏమై ఉంటుందో?
Andhra Pradesh Telugu | Suryaa Desk | Published : Mon, Sep 22, 2025, 07:47 PM
డోనాల్డ్ ట్రంప్ (Donald Trump) ప్రభుత్వం మరో కీలక నిర్ణయం తీసుకునే అవకాశముందని సమాచారం. నొప్పి నివారణకు విస్తృతంగా వాడే టైలినాల్ ట్యాబ్లెట్ల వినియోగంపై ట్రంప్ సంచలన ప్రకటన చేయనున్నారని అమెరికా మీడియాలో వార్తలు వస్తున్నాయి.ప్రత్యేకంగా గర్భిణీ మహిళల టైలినాల్ వాడకంపై ట్రంప్ మాట్లాడే అవకాశం ఉన్నట్లు తెలుస్తోంది. కేవలం తీవ్రమైన జ్వరం ఉన్నప్పుడే ఈ మందులు వాడాలని ఆయన సూచించవచ్చని అంచనా. ఇతర దేశాల్లో పారాసిటమాల్ పేరుతో ప్రసిద్ధి చెందిన టైలినాల్పై ఇప్పటికే చర్చలు జరుగుతున్నాయి.ఆదివారం జరిగిన ఛార్లీ కిర్క్ జ్ఞాపకార్థ సభలో ఆటిజం గురించి ముఖ్యమైన వ్యాఖ్యలు చేస్తానని ట్రంప్ ప్రకటించారు. దీంతో ఆయన టైలినాల్ వినియోగంపై కూడా ప్రకటన చేయనున్నారనే ఊహాగానాలు అమెరికా మీడియాలో వినిపిస్తున్నాయి. కొంతమంది అధ్యయనాలు టైలినాల్ వినియోగం–ఆటిజం మధ్య సంబంధం ఉందని సూచించినప్పటికీ, దానికి తగిన ఆధారాలు లేవని నిపుణులు స్పష్టం చేస్తున్నారు.టైలినాల్ అమెరికా, కెనడా సహా ఉత్తర అమెరికా దేశాల్లో అత్యధికంగా వాడే పెయిన్ రిలీఫ్ బ్రాండ్. దీని ప్రధాన పదార్థం అసిటమినోఫిన్ (పారాసిటమాల్). ఈ మందును కెన్వ్యూ సంస్థ ఉత్పత్తి చేస్తోంది. అయితే గర్భిణీ స్త్రీలపై టైలినాల్ ఎటువంటి ప్రతికూల ప్రభావం చూపలేదని ఆ సంస్థ స్పష్టం చేసింది. అయినప్పటికీ ట్రంప్ ఏ విధమైన నిర్ణయాన్ని ప్రకటిస్తారో చూడాల్సి ఉంది.
|
|