ఎన్నూర్ థర్మల్ పవర్ ప్లాంట్లో ఘోర ప్రమాదం: పలు ఎమర్జెన్సీ చర్యలు
national | Suryaa Desk | Published : Tue, Sep 30, 2025, 10:11 PM
చెన్నై ఎన్నూరులోని థర్మల్ పవర్ ప్రాజెక్ట్ విస్తరణ పనుల్లో మంగళవారం భయానక ప్రమాదం చోటుచేసుకుంది. ఈ ఘటనలో తొమ్మిది మంది కార్మికులు అక్కడికక్కడే ప్రాణాలు కోల్పోగా, మరో 15 మంది తీవ్రంగా గాయపడ్డారు.ఉత్తర భారత రాష్ట్రాల నుంచి వచ్చిన వందలాది మంది కార్మికులు ఈ ప్రాజెక్టులో పని చేస్తున్నారు. నిర్మాణ పనుల్లో భాగంగా ఏర్పాటు చేసిన శ్లాబు అకస్మాత్తుగా కూలిపోవడంతో ఈ విషాదకర ఘటన జరిగింది.ప్రమాదంలో గాయపడిన బాధితులను చెన్నై రాయపురంలోని స్టాన్లీ ప్రభుత్వ ఆసుపత్రికి తరలించారు. చికిత్స పొందుతున్న కొంతమంది పరిస్థితి విషమంగా ఉందని సమాచారం. ఈ సంఘటన స్థానికంగా తీవ్ర విషాదాన్ని మిగిల్చింది.ప్రమాదంపై తమిళనాడు విద్యుత్ ఉత్పత్తి సంస్థ (TNEB) చైర్మన్ జె. రాధాకృష్ణన్ స్పందిస్తూ."ఈ ప్లాంట్లో సుమారు 3,700 మంది కార్మికులు పనిచేస్తున్నారు. భద్రతా బృందాలు, అధికారులు మూడు ఇతర ప్లాంట్ల సిబ్బందితో కలిసి స్థితిని సమీక్షిస్తున్నారు. ఎలాంటి తదుపరి ప్రమాదాలు జరగకుండా చర్యలు తీసుకుంటున్నారు" అని పేర్కొన్నారు.
|
|