తినగానే గుండెల్లో మంటగా అనిపిస్తుందా,,,,ఇలా చేస్తే రిలాక్స్‌గా ఫీల్ అవుతారు

వజ్రాసనం.. యోగాలో అతి ముఖ్య ఆసనాల్లో వజ్రాసనం ఒకటి. దీనిని చేయడం వల్ల వెన్నెముక స్ట్రెయిట్‌గా ఉంటుంది. కడుపులో యాసిడ్ పెరగదు. కడుపు, అన్నవాహికకి మధ్య గ్యాప్ ఉంటుంది. దీనిని భోజనం చేయగానే 5 నిమిషాల పాటు చేయండి. మొదట్లో 5 నిమిషాలు చేసి దానిని పెంచుకుంటూ అరగంట వరకూ ఉండండి. దీని వల్ల మన పోశ్చర్ బాగుంటుంది. బ్యాలెన్స్ బాగుంటుంది. వజ్రాసనాన్ని డైమండ్ పోజ్ అంటారు. ఇది మోకాళ్ళ మీద కూర్చుని చేసే పోజ్. దీని వల్ల వెన్నెముక నిటారుగా, ఉంటుంది. చేతులు మోకాళ్ళపై, మడమల మీద తిరిగి కూర్చుంటారు. భోజనం వెంటనే దీనిని చేస్తే జీర్ణక్రియ పెరుగుతుంది. అంతేకాదు, ధ్యానం, శ్వాస వ్యాయామాలకి కూడా ఇది చాలా ముఖ్యమైన ఆసనం. సాధారణంగా, ఈ వజ్రాసనంతో అధిక బరువు కూడా తగ్గుతారని చెబుతారు. ఇలా ఎన్నో లాభాలని అందించే ఈ ఆసనం చేయడం కూడా ఈజీ. తినగానే చేయడం వల్ల చాలా వరకూ రిలాక్స్‌ అవుతారు.

ఎలా చేయాలి

ముందుగా నేలపై కూర్చోండి. మోకాళ్ళపై కూర్చండి.

మీ బాడీని బ్యాలెన్స్ చేస్తూ పాదాల వేళ్ళు నేలను తాకేలా చూడండి.

పాదాలు మొత్తం నేలని తాకేందుకు ట్రై చేయండి.

మీ పిరుదులపై మీరు కూర్చున్నట్లుగా కూర్చోండి.

ఈ ఆసన స్థితిలో వీపు స్ట్రెయిట్‌గా ఉండాలి.

బాడీ, మెడ, తల బ్యాలెన్స్ చేయాలి. చేతుల్ని మోకాళ్ళపై ఉంచండి.

నేరుగా చూడండి. లేదా ధ్యానం చేసినట్లుగా కళ్ళు మూయండి. ​

ఉపయోగాలు

వజ్రాసనం చేయడం వల్ల వల్ల కడుపు ప్రాంతంలో రక్తప్రవాహం పెరుగుతుంది. జీర్ణక్రియ మెరుగ్గా ఉంటుంది.

వెన్నెముక సరిగ్గా ఉంటుంది.

​జీర్ణ సమస్యలు తగ్గుతాయి. ​

పైల్స్, ఫిస్టులా, గ్యాస్ వంటి సమస్యలు తగ్గుతాయి.

ఏకాగ్రత పెరుగుతుంది. బ్రీథింగ్ వర్కౌట్స్ చేయొచ్చు.

తొడలు స్ట్రెచ్ అయి ఫ్లెక్సిబిలిటీ పెరుగుతుంది. ​

మొదటిసారిగా చేసేవారు

మొదట్లో ఈ ఆసనం చేసేవారికి మోకాళ్ళలో ఇబ్బంది ఉంటుంది. అలాంటప్పుడు మోకాళ్ళ కింద దిండు ఉంచుకోవచ్చు.

పాదాలకింద కూడా కుషన్స్ పెట్టొచ్చు.

కాసేపు పోశ్చర్‌లో ఉండి ఇబ్బందిగా అనిపిస్తే తీసేయండి.

మెల్లిమెల్లిగా సమయాన్ని పెంచుకుంటూ పోండి. ​

జీర్ణ సమస్యలు రాకుండా తిన్న వెంటనే ఏం చేయాలి?

తిన్న వెంటనే చేయకూడని పనులు

తిన్న వెంటనే కొన్ని పనులు చేయడం వల్ల జీర్ణ సమస్యలు వస్తాయి. అందుకే, వాటిని అవాయిడ్ చేయండి.

తిన్న వెంటనే వాలిపోవడం, లేదా పడుకుని ఫోన్ చూడడం.

బోర్లా పడుకోవడం

ఇలాంటి పనులు చేయడం వల్ల బాడీలో ప్రసరణ సరిగా ఉండదు. దీంతో జీర్ణ సమస్యలు వస్తాయి. జీర్ణ శక్తి తగ్గుతుంది.

కార్బోనేటెడ్ డ్రింక్స్ తాగడం చేయొద్దు.

టీ, కాఫీలు తాగొద్దు.

స్మోక్ చేయొద్దు.

జీర్ణ సమస్యలు రాకుండా

దీంతో పాటు ఫైబర్ ఫుడ్ ఎక్కువగా తినండి. నీరు ఎక్కువగా తాగండి. ఆహారాన్ని చక్కగా నమిలి తినండి. ఒకేసారి ఎక్కువగా తినొద్దు. రోజూ కొద్దిపాటు వర్కౌట్ చేయండి. ఒత్తిడిని తగ్గించుకోండి. ఒత్తిడి తగ్గేందుకు ధ్యానం వంటివి చేయొచ్చు. మంచి నిద్ర ఉండేలా చూసుకోండి. ఆల్కహాల్, కెఫైన్‌ని తగ్గించండి. మీకు పడని ఫుడ్స్‌కి దూరంగా ఉండండి.