బీహార్ ఎన్నికలు: పార్టీలకు ఈసీ వార్నింగ్.. AI వీడియోలపై నిషేధం!
national | Suryaa Desk | Published : Thu, Oct 09, 2025, 10:25 PM
బీహార్ అసెంబ్లీ ఎన్నికల వేళ, కేంద్ర ఎన్నికల సంఘం (EC) రాజకీయ పార్టీలకు కీలక సూచనలు జారీ చేసింది. ఎలాంటి ఆర్టిఫిషియల్ ఇంటెలిజెన్స్ (AI) ఆధారిత వీడియోలు, డీప్ఫేక్లు లేదా వక్రీకృత సమాచారం ద్వారా ప్రజలను తప్పుదోవ పట్టించకూడదని ఈసీ స్పష్టం చేసింది.ఎన్నికల వాతావరణం స్వచ్ఛంగా కొనసాగేందుకు, సోషల్ మీడియా పోస్టులపై కఠిన నిఘా పెట్టామని ఈసీ పేర్కొంది. AI టూల్స్ ద్వారా డీప్ఫేక్లను రూపొందించడం లేదా తప్పుడు ప్రచారం చేయడం ఎన్నికల నిబంధనలకు విరుద్ధమని హెచ్చరించింది.మోడల్ కోడ్ ఆఫ్ కాండక్ట్ (MCC) అమల్లోకి వచ్చిన నేపథ్యంలో, AI-జనరేటెడ్ కంటెంట్ను స్పష్టంగా లేబుల్ చేయాల్సిన బాధ్యత రాజకీయ పార్టీలపై ఉందని ఎన్నికల సంఘం గుర్తు చేసింది. ప్రకటనల రూపంలో గానీ, సోషల్ మీడియా ద్వారా గానీ ప్రచారం చేసే ఏ విధమైన సింథటిక్ కంటెంట్ అయినా స్పష్టంగా గుర్తించదగినట్లు ఉండాలని స్పష్టం చేసింది.ఇక బీహార్లో ఎన్నికల షెడ్యూల్ ఇలా ఉంది బీహార్ అసెంబ్లీలో మొత్తం 243 స్థానాలున్నాయి. ఈసారి ఎన్నికలు రెండు దశల్లో జరగనున్నాయి. నవంబర్ 6, 11 తేదీల్లో ఓటింగ్ జరగనుండగా, ఓట్ల లెక్కింపు నవంబర్ 14న నిర్వహించనున్నారు.ఇప్పటికే ఎన్డీఏ – ఇండియా కూటములు ఒకదానిపై మరొకటి హవా చూపించేలా తీవ్ర పోటీలో ఉన్నాయి. మరోవైపు, ఎన్నికల వ్యూహకర్త ప్రశాంత్ కిషోర్ తన జన్ సురాజ్ పార్టీ ద్వారా రాజకీయ అరంగేట్రం చేస్తూ పోరుబీడిన పెట్టారు. అయితే ప్రజలు ఎవరికి తిరుగులేని మద్దతు ఇస్తారన్నది నవంబర్ 14న వెలుగులోకి రానుంది.
|
|