TCS బిగ్ మూవ్: కొత్త AI హబ్ ప్రారంభం.. 5,000 ఉద్యోగాలు రాబోతున్న లొకేషన్ ఎక్కడంటే?

భారతీయ ఐటీ దిగ్గజం టాటా కన్సల్టెన్సీ సర్వీసెస్ (TCS), యునైటెడ్ కింగ్డమ్‌లో తొలి మూడు సంవత్సరాల్లో 5,000 కొత్త ఉద్యోగాలు సృష్టించనున్నట్లు అధికారికంగా ప్రకటించింది. ఇది యూకే ఆర్థిక వ్యవస్థలో TCS కట్టుబాటును ప్రతిబింబించడమే కాక, భారతీయ టెక్ నైపుణ్యానికి అంతర్జాతీయ స్థాయిలో గౌరవం చూపించే another proof అవుతోంది.అంతేకాక, లండన్‌లో కొత్తగా ప్రారంభించిన AI ఎక్స్‌పీరియెన్స్ జోన్ మరియు డిజైన్ స్టూడియో ద్వారా, టాటా సంస్థ AI ఆధారిత సేవలు, ప్రాజెక్టులు, కస్టమర్ కోలాబరేషన్స్‌కు కేంద్రంగా ఇది పని చేయనుంది.TCS కు యూకేలో సుదీర్ఘ చరిత్ర ఉంది – సుమారు 50 సంవత్సరాలుగా అక్కడ కార్యకలాపాలు కొనసాగిస్తున్నది. ప్రస్తుతం కంపెనీ 42,000 మందికిపైగా నేరుగా, పరోక్షంగా ఉపాధి కల్పిస్తోంది. తాజాగా ప్రారంభించిన లండన్ AI కేంద్రం, TCS ఫ్లాగ్‌షిప్ పేస్‌పోర్ట్ సెంటర్లను అనుసరిస్తూ అభివృద్ధి చెందింది.ఈ కొత్త AI జోన్‌లో మెషీన్ లెర్నింగ్, జనరేటివ్ AI, రోబోటిక్స్, క్లౌడ్ టెక్నాలజీస్, డేటా అనలిటిక్స్ వంటి cutting-edge టెక్నాలజీలు లభ్యం. ఇది చిన్నతరహా సంస్థలు, స్టార్టప్స్, పెద్ద కంపెనీలు – అందరికీ AI టూల్స్‌ను సులభంగా అర్థం చేసుకునేలా, ఉపయోగించుకునేలా చేస్తుంది. అంతేకాక, ప్రాక్టికల్ ట్రైనింగ్, కొత్త ఆవిష్కరణలపై సహకారం వంటి అవకాశాలు కూడా అందుబాటులో ఉంటాయి.ఈ ప్రాజెక్ట్ భారతదేశానికి కూడా లాభకరమే. ఎందుకంటే TCS భారత కంపెనీ కావడం వల్ల, కొన్ని ఉద్యోగాలు భారతీయ నిపుణులకు దక్కే అవకాశం ఉంది. అలాగే, రిమోట్ వర్క్ ద్వారా భారతీయ AI, డేటా అనలిటిక్స్ టాలెంట్‌కి అంతర్జాతీయ ప్రాజెక్టుల్లో భాగమయ్యే అవకాశాలు పెరుగుతాయి.యూకే ఇన్వెస్ట్‌మెంట్ మంత్రి జేసన్ స్టాక్‌వుడ్ మాట్లాడుతూ – “TCS యూకే ఆర్థిక వ్యవస్థలో కీలక భాగస్వామిగా నిలుస్తోంది. టాటా గ్రూప్ 150 ఏళ్లుగా తమ వ్యాపార నైతికత, సేవా ధోరణితో ఆదర్శంగా నిలుస్తోంది. ఇటీవల మేము కుదుర్చుకున్న ట్రేడ్ డీల్ ద్వారా ఈ భాగస్వామ్యం మరింత బలపడింది” అన్నారు.ముంబైలోని TCS బన్యన్ పార్క్ క్యాంపస్ లో UK ప్రైమ్ మినిస్టర్ కియర్ స్టార్మర్ బిజినెస్ డెలిగేషన్‌తో కలిసి, TCS నాయకత్వం ఆక్స్‌ఫర్డ్ ఎకనామిక్స్ నివేదికను విడుదల చేసింది. ఆ నివేదిక ప్రకారం, FY2024లో TCS యూకే ఆర్థిక వ్యవస్థకు £3.3 బిలియన్ల మేరకు విలువ అందించగా, £780 మిలియన్ల పన్నులు చెల్లించింది. ఇది సుమారుగా 20,400 ఉపాధ్యాయుల వార్షిక జీతాలకు సమానం కావడం విశేషం.ఇప్పటివరకు యూకేలోని 19 ప్రదేశాల్లో, ప్రత్యక్షంగా లేదా సప్లై చైన్ ద్వారా 42,700 మందికి ఉపాధి కల్పించిందని నివేదిక పేర్కొంది. ఇందులో 15,300 టెక్నాలజీ, ఇంజినీరింగ్, డేటా అనలిటిక్స్ ఉద్యోగాలు ఉన్నాయి. ఈ ప్రాజెక్ట్, యూకే ఆర్థిక నష్టాన్ని £1.5 బిలియన్ తగ్గించడంలో సైతం కీలక పాత్ర పోషించిందని తెలిపారు.PAC ప్రిన్సిపల్ అనలిస్ట్ నిక్ మేయెస్ మాట్లాడుతూ – “TCS కొత్త పెట్టుబడి, యూకేలో డిజిటల్ సేవల రంగంలో తన స్థానాన్ని మరింత పటిష్టం చేస్తుంది. క్లయింట్లకు AI ఆధారిత మార్గదర్శనం, డిజిటల్ ట్రాన్స్‌ఫర్మేషన్‌ ప్రోగ్రామ్స్‌కు ఇది కీలక మద్దతు” అని విశ్లేషించారు.