సౌతాఫ్రికా బ్యాటింగ్ ర్యాంపేజ్: పాక్ ముందు మౌంట్ ఎవరెస్ట్!
Andhra Pradesh Telugu | Suryaa Desk | Published : Tue, Oct 21, 2025, 08:56 PM
మహిళల వన్డే ప్రపంచకప్ (Women’s CWC 2025)లో భాగంగా అక్టోబర్ 21న పాకిస్తాన్తో జరుగుతున్న మ్యాచ్లో సౌతాఫ్రికా బ్యాటర్లు ఘనంగా ప్రదర్శించారు. వర్షం కారణంగా 40 ఓవర్లకు కుదించిన ఈ మ్యాచ్లో టాస్ ఓడి తొలుత బ్యాటింగ్కు దిగిన సౌతాఫ్రికా, ఆకాశమే హద్దు అన్నట్టుగా రన్స్ వర్షం కురిపించింది.కెప్టెన్ లారా వోల్వార్డ్ (90), సూన్ లస్ (68 నాటౌట్), మారిజన్ కాప్ (67 నాటౌట్), నదినే డి క్లెర్క్ (41) విధ్వంసకర ఇన్నింగ్స్తో జట్టు 9 వికెట్ల నష్టానికి 312 పరుగుల భారీ స్కోర్ చేసింది.అందులోనూ చివర్లో నదినే డి క్లెర్క్ ఊగిపోయినట్లు ఆడింది. 38వ ఓవర్లో 2 సిక్సర్లు, 39వ ఓవర్లో 3 సిక్సర్లు, ఒక ఫోర్ బాదింది. 40వ ఓవర్లో బౌండరీ కొట్టి ఔటవ్వడంతో ఆ ఓవర్లో సౌతాఫ్రికా మూడు వికెట్లు కోల్పోయినా, మొత్తం స్కోర్ను గణనీయంగా పెంచగలిగింది.మూడు బ్యాటర్లు — తజ్మిన్ బ్రిట్జ్, కరాబో మెసో, మ్లాబా — డకౌట్ అయినప్పటికీ, సౌతాఫ్రికా ఇన్నింగ్స్లో స్కోరు తడబడలేదు.పాక్ బౌలింగ్ విభాగంలో నష్రా సంధు, సదియా ఇక్బాల్ చెరో మూడు వికెట్లు తీసారు. కెప్టెన్ ఫాతిమా సనా ఒక వికెట్ పడగొట్టింది.ఇక టోర్నమెంట్ పరంగా చూస్తే, ఇప్పటికే ఆస్ట్రేలియా, ఇంగ్లండ్, సౌతాఫ్రికా జట్లు సెమీఫైనల్కు అర్హత సాధించాయి. నాలుగో స్థానం కోసం భారత్, న్యూజిలాండ్ మధ్య పోటీ సాగుతోంది. అక్టోబర్ 23న ఇరుజట్ల మధ్య జరిగే మ్యాచ్ ద్వారా ఆ బెర్త్ తేలనుంది. మరోవైపు, ఇప్పటివరకు ఐదు మ్యాచ్లు ఆడి మూడు ఓడిన పాకిస్తాన్ జట్టు పాయింట్ల పట్టికలో తుదిస్థానంలో కొనసాగుతోంది.
|
|