ప్రపంచంలోనే అతి పురాతన రైల్వే స్టేషన్.. 1800 సంవత్సరంలో ప్రారంభం

రైల్వేలు అంటే ప్రయాణికులను మాత్రమే ఒకచోటు నుంచి మరో చోటుకు తీసుకెళ్లడం మాత్రమే కాకుండా.. సరకు రవాణాకు కూడా ఉపయోగపడతాయి. ఏ దేశానికైనా అభివృద్ధికి, అనుసంధానతకు ఈ రైల్వేలు వెన్నెముకగా నిలుస్తాయి. ఈ రైల్వేలకు ప్రపంచవ్యాప్తంగా వందల ఏళ్ల చరిత్ర కలిగి ఉంది. ఈ క్రమంలోనే ప్రపంచంలోనే అతి పురాతన రైల్వే స్టేషన్ గురించి చర్చ జరుగుతోంది. గిన్నిస్ వరల్డ్ రికార్డ్స్ ప్రకారం.. ఇంగ్లాండ్‌ మాంచెస్టర్‌లోని లివర్‌పూల్ రోడ్ స్టేషన్ అత్యంత పాత రైల్వే స్టేషన్‌గా గుర్తించారు.

ఈ లివర్‌పూల్ రోడ్ రైల్వే స్టేషన్ మొట్టమొదటిసారిగా 1830 సెప్టెంబర్ 15వ తేదీన లివర్‌పూల్, మాంచెస్టర్ రైల్వే టెర్మినస్‌గా ఉపయోగించారు. 1944లో ప్రయాణికుల సేవలు నిలిచిపోయినప్పటికీ.. 1975 వరకు ఇది సరుకు రవాణా కేంద్రంగా పనిచేసింది. ఈ చారిత్రక స్టేషన్ భవనంలో కొంత భాగాన్ని ప్రస్తుతం మ్యూజియంగా మార్చారు. గిన్నిస్ వరల్డ్ రికార్డ్స్ అధికారిక వెబ్‌సైట్ ప్రకారం.. లివర్‌పూల్ రోడ్ స్టేషన్ ప్రపంచంలోనే అత్యంత పురాతనమైన స్టేషన్‌గా గుర్తించారు.

ఈ స్టేషన్‌ను మొట్టమొదట 1830 సెప్టెంబర్ 15వ తేదీన ఉపయోగించారు. ఇది లివర్‌పూల్, మాంచెస్టర్ రైల్వేకు అసలైన టెర్మినస్ (ముగింపు స్థానం) కావడం గమనార్హం. ఇది ప్రయాణికులను, వస్తువులను రవాణా చేయడానికి నిర్మించబడిన ప్రపంచంలోనే మొట్టమొదటి ఆవిరితో నడిచే ఇంటర్‌సిటీ రైల్వే మార్గంలో భాగం కావడం విశేషం. ఈ రైల్వే స్టేషన్‌లో ప్రయాణికుల సేవలు నిలిచిపోవడం వెనుక ఒక చరిత్ర ఉంది.

1844 మే 5వ తేదీన మాంచెస్టర్ విక్టోరియా స్టేషన్ రైల్వేతో అనుసంధానం అయిన తర్వాత లివర్‌పూల్ రోడ్ స్టేషన్‌లో ప్రయాణికుల సేవలు నిలిచిపోయాయి. ప్రయాణికుల సేవలు ఆగిపోయిన తర్వాత.. ఈ స్టేషన్ సరకు రవాణా కేంద్రంగా ఉపయోగించడం ప్రారంభించారు. చివరకు ఈ స్టేషన్ 1975 సెప్టెంబర్ 30వ తేదీన పూర్తిగా మూసివేశారు. ప్రస్తుతం.. ఈ పురాతన రైల్వే స్టేషన్‌లోని కొంత భాగం మ్యూజియంగా మార్చేశారు.

గిన్నిస్ వరల్డ్ రికార్డ్స్ ప్రకారం.. రైల్వే స్టేషన్‌ను గ్రేటర్ మాంచెస్టర్ కౌన్సిల్‌కు అమ్మేశారు. దీంతో అది ఇప్పుడు రైల్వేల చరిత్రకు నిలువెత్తు సాక్ష్యంగా నిలుస్తోంది. ఈ లివర్‌పూల్ రోడ్ రైల్వే స్టేషన్ భవనం ఇప్పటికీ చెక్కుచెదరకుండా ఉండటం మరో విశేషం. అందుకే ఇది ప్రపంచంలోనే అత్యంత పురాతనమైన ఉద్దేశపూర్వకంగా నిర్మించబడిన ప్రయాణికుల రైల్వే స్టేషన్ భవనంగా చరిత్రలో నిలిచిపోయింది.