బీహార్ మహాకూటమి సీఎం అభ్యర్థిగా తేజస్వి యాదవ్
national | Suryaa Desk | Published : Thu, Oct 23, 2025, 02:30 PM
బీహార్ అసెంబ్లీ ఎన్నికల్లో మహాకూటమి ముఖ్యమంత్రి అభ్యర్థిగా తేజస్వి యాదవ్ను ప్రకటించేందుకు కూటమిలోని అన్ని పార్టీలు అంగీకరించినట్లు ఆర్జేడీ వర్గాలు తెలిపాయి. మధ్యాహ్నం దీనిపై అధికారిక ప్రకటన వెలువడనుంది. "చలో బీహార్, బద్లేం బీహార్" (పదండి బీహార్, మారుద్దాం బీహార్) అనే నినాదంతో ప్రచారాన్ని ప్రారంభించనున్నట్లు సమాచారం.కేంద్రం, బీహార్ ప్రభుత్వాలు మహిళలకు రూ. 10,000 నగదు బదిలీ పథకాలను ప్రకటించడంతో, వాటి ప్రభావాన్ని ఎదుర్కొనేందుకు కాంగ్రెస్ ‘కులం కార్డు’ను ప్రయోగించక తప్పలేదని రాజకీయ వర్గాలు విశ్లేషిస్తున్నాయి. ఎన్నికలకు ముందు తేజస్విని సీఎం అభ్యర్థిగా బలంగా ప్రొజెక్ట్ చేయడం ద్వారా యాదవ (14 శాతం), ముస్లిం (18 శాతం) ఓట్లను పూర్తిగా ఏకం చేయవచ్చని కాంగ్రెస్ భావిస్తోంది. ఈ 32 శాతం ఓటు బ్యాంకుతో ఎన్నికల బరిలో కూటమికి గట్టి పునాది పడుతుందని అంచనా వేస్తున్నారు.
|
|