మలబద్ధకం నేచురల్‌గానే తగ్గాలంటే ఏం చేయాలి

చాలా ఇబ్బంది పెట్టే సమస్యల్లో మలబద్ధకం కూడా ఒకటి. అది మరీ కంగారు పడిపోయే సమస్య కాదు కానీ ఆ ఏం కాదులే అని వదిలేసేంత చిన్న సమస్య కూడా కాదు. మరీ ముఖ్యంగా రోజువారీ విషయాలు ఒక క్రమపద్ధతిలో జరగకుండా ఈ సమస్య అడ్డం పడుతూ ఉంటుంది. ఈ సమస్యకి మందులు ఉన్నాయి. కానీ అవి లైఫ్‌లాంగ్ వేసుకుంటూనే ఉండాలి. వాటి కంటే కూడా కొన్ని చిట్కాలు పాటిస్తే చాలా మందికి చాలా వరకు ఈ సమస్య నేచురల్‌గా నయమవుతుంది. దీంతో మెడిసిన్ కూడా వాడాల్సిన అవసరం లేదు. దీనికోసం కొన్ని ఇంటి చిట్కాలతో పాటు రోజువారీ ఫాలో అయ్యే కొన్ని జాగ్రత్తల గురించి కూడా తెలుసుకోవడం చాలా ముఖ్యం.

అసలు సమస్య ఎందుకొస్తుంది

కాన్స్టిపేషన్ ఎందుకు వస్తుందంటే నీరు సరిగ్గా తాగకపోవడం, ప్రాసెస్డ్ ఫుడ్స్ ఎక్కువగా తీసుకోవడం, ఫైబర్ ఉన్న ఫుడ్స్ అసలు తీసుకోకుండా ఉండడం, సమయానికి ఆహారం తీసుకోకపోవడం లాంటివి. మీకు ఇదే సమస్య ఉండి ఈ కారణాలు మీకు కూడా వర్తించేట్లైతే ముందు వాటిని సరి చేసుకుని చూడండి. అలాగే ఇక్కడ ఇచ్చిన టిప్స్ కూడా చాలా వరకు హెల్ప్ చేస్తాయి. ముఖ్యంగా కొన్ని ఫుడ్స్‌ని మీ డైట్‌లో యాడ్ చేయాలి.

ఏం తీసుకోవాలి

ప్రూన్స్ప్రూన్స్ అంటే ఎండిన ప్లమ్ పండ్లు. వీటిని రెండు మూడు పండ్లు తీసుకుని గోరు వెచ్చని నీటిలో రాత్రంతా నానబెట్టి పొద్దున్న ఆ నీటిని తాగేసి నానిన ఆ పండ్లు తినండి. ఆలివ్ ఆయిల్పరగడుపునే ఒక స్పూన్ ఆలివ్ ఆయిల్ తీసుకోవచ్చు. ఫ్లేవర్ కాస్త ఘాటుగా ఉందంటే కాసింత నిమ్మరసం కూడా కలుపుకోవచ్చు. అవిసె గింజలుఈ గింజల్ని నానబెట్టి, పొడి చేసి, ఉడకబెట్టి.. ఎలా తీసుకున్నా మంచిదే. ఫ్లాక్స్ సీడ్ ఆయిల్ కూడా హెల్ప్ చేస్తుంది.

ఏం చేయాలి

మజ్జిగ, ప్రోబయాటిక్ కర్డ్ మాత్రం ఈ సమస్య రాకుండా నివారిస్తాయి.

ఎగ్స్‌లో ప్రొటీన్ ఎక్కువే ఉంటుంది కానీ ఫైబర్ చాలా తక్కువ. ఎగ్స్ పూర్తిగా మానేయక్కర్లేదు కానీ పాలకూర వంటి ఆకుకూరలతో ఆమ్లెట్స్ వేసుకుని ఎంజాయ్ చేయొచ్చు.

ఒత్తిడిని తగ్గించుకోవాలి.

నీరు ఎక్కువగా తాగాలి.

హాయిగా నిద్రపోవాలి.

ఏం చేయకూడదు

ఈ సమస్య రాకుండా ఉండాలంటే ఏం చేయాలో కూడా ఒక్కసారి చూసేద్దాం.

పాలు, పాల పదార్ధాలు తక్కువగా తీసుకోండి. పన్నీర్, చీజ్ వంటి వాటిని కాస్త అప్పుడప్పుడూ సరదాగా మాత్రమే తీసుకునే ఆహార పదార్ధాల లిస్ట్‌లో చేర్చండి.

హడావిడిగా పరిగెడుతూ ఏదో ఒకటి తినేసే అలవాటు మీకూ ఉంటే మాత్రం అది తప్పనిసరిగా మార్చుకోవాలి. ఈ ఫుడ్స్ లో ఫైబర్ తక్కువగా ఉంటుంది. ఫైబర్ తక్కువగా ఉంటే బవెల్ మూమెంట్ ఫాస్ట్ గా ఉండదు.

వేపుళ్ళు తగ్గించాలి. వేపుళ్ళు అరిగేటప్పుడు చాలా ఎక్కువ నీరు వాడుకుంటాయి. ఫలితం మలబద్ధకం.

పేస్ట్రీలు, కప్‌కేక్‌లు నోటికి రుచిగా అద్భుతంగా ఉంటాయి కానీ బాత్రూమ్ లో మాత్రం ఇబ్బంది పెట్టేస్తాయి. వీటిని చాలా లిమిటెడ్ గా తీసుకోండి. వైట్ బ్రెడ్ కూడా ఈ కోవలోకే వస్తుంది.

కాఫీలానే ఆల్కహాల్ కూడా ఈ సమస్యకి కారణమవుతుంది. నెక్స్ట్ టైం ఆల్కహాల్ తాగుదాం అనుకున్నప్పుడు ముందు రెండు గ్లాసుల మంచి నీరు తాగండి.

డ్రింక్స్

నిమ్మ రసంతాజా నిమ్మరసం కూడా ఈ సమస్య నివారించడంలో హెల్ప్ చేస్తుంది. అర చెక్క నిమ్మరసాన్ని ఒక కప్పు గోరు వెచ్చని నీటిలో కలిపి తాగవచ్చు.కాఫీఒక కప్పు కాఫీ మలబద్ధకానికి మంచి మందే. కానీ కాఫీ ఎక్కువ తాగితే మాత్రం కాన్స్టిపేషన్ సమస్య వస్తుంది. కాబట్టి కాఫీ ఎక్కువగా తాగేవారు నీరు కూడా ఎక్కువగా తీసుకోవాలి.బేకింగ్ సోడాఒక టీస్పూన్ బేకింగ్ సోడాని పావు కప్పు గోరువెచ్చని నీటిలో కలిపి తాగినా మంచి ఫలితాలు వస్తాయి.

అలాగే అలోవెరా, డాండిలియన్ టీ వంటివి కూడా ఈ సమస్యని నివారించడంలో హెల్ప్ చేస్తాయి.