సీతాఫలాల్ని అస్సలు మిస్ చేసుకోవద్దు, తింటే గుండె, జీర్ణ సమస్యలే కాదు మరెన్నో దూరం

సీతాఫలాల్లో పోషకాలు పుష్కలంగా ఉంటాయి. ఇందులో విటమిన్ సి, ఫైబర్, నేచురల్ ఎనర్జీ బూస్టర్, యాంటీ ఆక్సిడెంట్స్ వంటి గుణాలు ఉంటాయి. ఇవన్నీ కూడా ఇమ్యూనిటీని బలంగా చేసి సీజనల్ ప్రాబ్లమ్స్‌ని దూరం చేయడమే కాకుండా సీతాఫలాలు చాలా హెల్త్ ప్రాబ్లమ్స్‌కి చెక్ పెడతాయి. ముఖ్యంగా, ఇవి తినడానికి ఎంత రుచిగా ఉంటాయో అంతకు మించిన ఆరోగ్యం కూడా. సంవత్సరం మొత్తం మామిడిపండ్ల కోసం ఎంత మంది ఎదురుచూస్తారో.. సీతాఫలాలకోసం కూడా అలానే ఎదురుచూస్తారు. అసలు వీటిని మన డైట్‌లో యాడ్ చేస్తే దూరమయ్యే సమస్యలు అన్ని ఇన్నీ కావు. అవి ఏవంటే

గుండె ఆరోగ్యం

సీతాఫలాల్లో ఎక్కువగా మెగ్నీషియం, పొటాషియం కంటెంట్ ఉంటుంది. ఇవి రెండు బీపిని తగ్గించి గుండె పనితీరుని మెరుగ్గా చేస్తాయి. దీంతో గుండె సమస్యల ప్రమాదం తగ్గుతుంది. ఇందులోని విటమిన్ సి కారణంగా ఇమ్యూనిటీ బలంగా మారడమే కాకుండా చర్మ ఆరోగ్యం కూడా మెరగవుతుంది. అంతేకాదు, ఇందులోని గుణాలు కొన్ని రకాల క్యాన్సర్స్‌ని దూరం చేస్తాయని చెబుతారు.

జీర్ణ సమస్యలు తగ్గడం

సీతాఫలాల్లో పుష్కలంగా ఫైబర్ ఉంటుంది. దీని వల్ల జీర్ణ సమస్యలు చాలా వరకూ తగ్గుతాయి. మలద్ధకం, అసిడిటీ, గ్యాస్ తగ్గుతాయి. అంతేకాదు. ఇందులోని ఫైబర్ కడుపు నిండుగా ఉండేలా చేస్తుంది. ఎక్కువ కేలరీలు తీసుకోకుండా ఉంటారు. దీంతో బరువు పెరుగతామన్న భయం కడా ఉండదు.

బరువు తగ్గడం

చాలా మందికి తిన్న వెంటనే లేదా, నార్మల్‌గానే స్వీట్స్ తినాలనే కోరిక ఉంటుంది. అలాంటి వారు సీతాఫలాల్ని తింటే చాలా వరకూ క్రేవింగ్స్ తగ్గుతాయి. ఇందులోని తీపి గుణం మనకి ఆ క్రేవింగ్స్ లేకుండా చేస్తాయి. దీంతో పాటు కేలరీలు తక్కువగా తీసుకుని బరువు తగ్గాలనుకునేవారు ఈ పండుని తినొచ్చు. దీంతో పాటు పీసీఓఎస్ వంటి సమస్యల్ని కడా సీతాఫలాలు దూరం చేస్తాయి.

సీతాఫలాల్లో ఎక్కువగా విటమిన్ సి, యాంటీ ఆక్సిడెంట్స్ ఉంటాయి. ఇవి శరీరాన్ని ఫ్రీ రాడికల్స్ నుండి కాపాడడమే కాకుండా ఆక్సీకరణ ఒత్తిడిని తగ్గిస్తుంది. అంతేకాకుండా, ఇమ్యూనిటీ బలంగా మారుతుంది. సీజన్‌లో వచ్చే సీజనల్ ఫలాలతో సీజనల్ ప్రాబ్లమ్స్ అయిన డెంగ్యూ, మలేరియా వంటి సమస్యలు తగ్గుతాయి. అంతేకాదు. ఇందులో బి6 విటమిన్ ఉంటుంది. ఇది సెరటోనిన్, డోపమైన్స్‌ని రిలీజ్ చేసి డిప్రెషన్, ఆందోళనల్ని తగ్గిస్తుంది. ఈ కారణంగా మానసిక సమస్యల్ని తగ్గించుకోవచ్చు.

సీతాఫలాలు తింటే లాభాలు

​ఎముకలకి బలం

సీతాఫలాల్లో కాల్షియం, మెగ్నీషియంలు ఉంటాయి. ఇవన్నీ కూడా ఎముకల్ని బలంగా చేస్తాయి. వయసు తాలుకూ వచ్చే బలహీనమైన ఎముకలు, ఎముకల సమస్యలు, బోన్స్ విరిగిపోవడం ఇతర సమస్యలు సీతాఫలాలు తినడం వల్ల తగ్గుతాయి. ముఖ్యంగా వీటిని తినడం వల్ల అప్పటికప్పుడు ఎనర్జీగా ఫీల్ అవుతారు.