ఎలాంటి వర్కౌట్స్ చేయకుండానే బెల్లీఫ్యాట్ కరగాలా

ప్రజెంట్ ఫాస్ట్ బిజీ లైఫ్ కారణంగా చాలా మంది ఒత్తిడితో లైఫ్ లీడ్ చేస్తున్నారు. దీని వల్ల బరువు పెరుగుతున్నారు. అంతేకాదు, చాలా మంది కూడా ఎక్కువగా డెస్క్ జాబ్స్ చేస్తున్నారు. దీంతో గంటల తరబడి కూర్చోవడం, ఆకలైనప్పుడు ఏదో ఒకటి కడుపులో వేయడం, ఏసీల్లో ఉండడం వల్ల తక్కువగా నీరు తాగడం, బిజీ షెడ్యూల్ కారణంగా వర్కౌట్ చేయకపోవడం.. ఇన్ని కారణాల వల్ల బాడీలో టాక్సిన్స్ పేరుకుపోయి బరువు, బెల్లీ ఫ్యాట్ పెరగడమే కాకుండా అదనంగా జీర్ణ సమస్యలు, డయాబెటిస్, హైబీపి, చివరికీ క్యాన్సర్స్ వంటి సమస్యలకి కూడా కారణంగా మారుతున్నాయి. అలా కాకుండా హెల్దీ లైఫ్‌స్టైల్ ఫాలో అవ్వాలి. ఎంత ఆఫీస్ వర్కౌట్ చేసినా రోజులో కనీసం సాయంత్రాలైనా ఓ అరగంట నడవండి. సాధ్యమైనంత వరకూ జంక్ ఫుడ్ కాకుండా ఇంట్లో వండుకున్న ఆహారాన్ని తినండి. వీటితో పాటు కొన్ని ఇంటి చిట్కాలు ఫాలో అయితే పెరిగిన బరువు, బెల్లీ తగ్గుతుంది. అలాంటి ఇంటి చిట్కాల్లో భాగంగా వాము, దాల్చిన చెక్క డ్రింక్ గురించి తెలుసుకుందాం.

డ్రింక్ తయారీకి కావాల్సిన పదార్థాలు

1 టీస్పూన్ వాము

అర టీస్పూన్ అంటే ఓ అంగుళం దాల్చిన చెక్క

గ్లాసు నీరు​

ఏం చేయాలి.

ముందురోజు రాత్రి గ్లాసు నీటిలో వాము, దాల్చిన చెక్క వేసి అలానే ఉంచండి. ఉదయాన్నే ఈ నీటిని తాగండి. వేడివేడిగా టీలా తాగాలనుకుంటే కాసేపు మరిగించి వడకట్టి చల్లారక కొద్దిగా నిమ్మరసం, తేనె కలుపుకుంటే మంచి హెర్బల్ టీలా తయారవుతుంది. ఉదయాన్నే టీ, కాఫీలు తాగే బదులు ఈ హెర్బల్ టీని తాగడం అలవాటు చేసుకోండి. దీని వల్ల ఏయే లాభాలు ఉంటాయో ఇప్పుడు చూద్దాం.

ఆకలి తగ్గడం

చాలా మంది ఆకలి ఉన్నా లేకపోయినా ఏదో ఒకటి నోటిలో వేస్తూనే ఉంటారు. కొంతమంది టైంపాస్‌కి తింటారు. ఈ అలవాటు కారణంగానే రాన్రాను ఆకలి పెరిగి తినాల్సిన దానికంటే ఎక్కువగా తింటాం. కానీ, ఇప్పుడు చెప్పిన టీ తాగడం వల్ల అందులోని వాము, దాల్చిన చెక్క గుణాలు ఆకలిని కంట్రోల్ చేస్తాయి. రక్తంలో చక్కెర స్థాయిలని బ్యాలెన్స్ చేస్తాయి. రెగ్యులర్‌గా తీసుకుంటే ఆకలి తగ్గి ఎక్కువగా తినరు. దీంతో కేలరీలు ఎక్కువగా తీసుకోం. బరువు కూడా పెరగం.

మెటబాలిజం బూస్ట్

వాము, దాల్చిన చెక్కలోని గుణాలకి బాడీలోని కేలరీలని బర్న్ చేసే గుణాలు ఉన్నాయి. వీటిలోని గుణాల కారణంగా బాడీలో మెటబాలిజం పెరుగుతుంది. దీంతో కేలరీలు ఎక్కువగా ఖర్చు అవుతాయి. ఫ్యాట్ పెరగదు. బరువు ఈజీగా తగ్గుతారు. రెగ్యులర్‌గా ఈ టీని మీ డైట్‌లో భాగంగా చేసుకుంటే వచ్చే రిజల్ట్స్‌ని మీరే గమనిస్తారు.

బాడీ డీటాక్స్

రెగ్యులర్‌గా వాము, దాల్చిన చెక్క నీటిని తాగడం వల్ల బాడీలో పేరుకుపోయిన ట్యాక్సిన్స్ తగ్గుతాయి. దీంతో లివర్ ప్రాబ్లమ్స్ రాకుండా ఉంటాయి. బాడీలో ట్యాక్సిన్స్ పేరుకోకుండా ఉంటుంది. బరువు కూడా పెరగరు. మీరు తాగే కూల్ డ్రింక్స్, షుగర్ డ్రింక్స్ కంటే ఈ టీ చాలా చాలా మేలు చేస్తుంది. నేచురల్‌గానే బాడీని డీటాక్స్ చేసి లైట్‌గా మారుతుంది.

జీర్ణ సమస్యలు

కొంతమందికి ఆయిలీ, షుగర్, జంక్, ప్రాసెస్డ్ ఫుడ్స్ కాస్తా ఎక్కువగా తిన్నా జీర్ణ సమస్యలైన గ్యాస్, ఉబ్బరం, కడుపు నొప్పి వంటి సమస్యలొస్తాయి. అలాంటి వారికి వాము, దాల్చిన చెక్క నీరు మెడిసిన్‌లా పనిచేస్తుంది. ఈ నీరు లేదా టీ తాగడం వల్ల బాడీలో అసిడిటీ పెరగకుండా ఉంటుంది. దీంతో జీర్ణ సమస్యలు రావు. వచ్చినా వాటికి నేచురల్‌గానే చెక్ పెట్టినవారవుతాం.

వాము, దాల్చిన చెక్కతో టీ తయారీ చేయడం

​వర్కౌట్‌, హెల్దీ లైఫ్‌స్టైల్‌తో పాటే రిజల్ట్స్

కేవలం ఈ నీరు తాగి ఇష్టమైన ఫుడ్స్ తింటాం. వర్కౌట్స్ చేయం. హ్యాపీగా బరువు తగ్గుతామంటే కుదరదు. దీంతో పాటు హెల్దీ లైఫ్‌స్టైల్ ఫాలో అవ్వాలి. సరైన విధంగా ఫుడ్ తీసుకోవాలి. రోజుకి ఓ అరగంట ఏదో ఓ వర్కౌట్ చేయాలి. దీంతో పాటు టీని యాడ్ చేసుకుంటే మీకు సరైన రిజల్ట్స్ ఉంటాయి. కాబట్టి, వాటిని అసలే మరువొద్దు.