బరువు తగ్గించే జొన్నలు, రెగ్యులర్‌గా రొట్టెల్లా కాకుండా ఇలా కూడా తీసుకోండి

జొన్నలు తింటే శారీరక లాభాలతో పాటు మానసిక సమస్యలు కూడా దూరమవుతాయి. వీటిని తీసుకోవడం వల్ల ఫిట్‌గా కూడా మారతారు. వీటిని ఓట్స్‌లా కూడా తయారుచేసి తీసుకోవచ్చు. ఈ గింజలు గోధుమ బరువు ఉండవు. చాలా లైట్‌గా ఉంటాయి. వీటిని మనం పాన్ కేక్స్ వంటి ఫుడ్స్ కూడా చేసుకోవచ్చు. తినడానికి ఎంతో రుచిగా ఉంటాయి. ఇందులోని గుణాల కారణంగా ఈజీగా జీర్ణమవుతాయి. జొన్నల్ని తీసుకోవడం వల్ల వాత, కఫ దోషాలు తగ్గుతాయి. చల్లని శక్తి కలిగి ఉంటుంది. జొన్నల్లో ఐరన్, కాల్షియం, పొటాషియం, పాస్ఫరస్ వంటి పోషకాలు ఉంటాయి. వీటిని తసీుకోవడం వల్ల బరువు తగ్గడంతో పాటు గుండె ఆరోగ్యానికి ఎంతగానో మేలు చేస్తుంది. ప్రాసెస్డ్ ఫుడ్ కంటే ఈ జొన్నలు తీసుకుంటే ప్రోటీన్, కార్బోహైడ్రేట్స్, ఫైబర్‌లు ఉంటాయి. వీటిని తీసుకోవడం వల్ల శరీరానికి ఎంతగానో మేలు చేస్తాయి. వీటిని తీసుకోవడం వల్ల ఎముకలు బలంగా మారతాయి. ఇమ్యూనిటీ పెరుగుతుంది. వ్యాధులు దూరమవుతాయి. జొన్నల్లో విటమిన్స్ థయామిన్, నియాసిన్, ఫోలేట్స్, రిబోఫ్లేవిన్స్‌లు ఉంటాయి. ఇవి మొత్తం ఆరోగ్యానికి ఎంతగానో మేలు చేస్తాయి. వీటిని తీసుకోవడం వల్ల కలిగే లాభాలేంటో తెలుసుకోండి.

జీర్ణ సమస్యలు

జొన్నల్లో పుష్కలంగా ఫైబర్ ఉంటుంది. దీని వల్ల జీర్ణ సమస్యలు రావు. పేగు ఆరోగ్యానికి గ్లూటెన్ ఫ్రీ ఫుడ్ అయిన జొన్నలు ఎంతగానో మేలు చేస్తుంది. వీటిని మన డైట్‌లో యాడ్ చేస్తే ఉబ్బరం, మలబద్ధకం, అపానవాయువు, అజీర్ణం, తిమ్మిరి, విరోచనాలు, జీర్ణశయాంతర సమస్యలు తగ్గుతాయి.

బరువు తగ్గేందుకు 

మీరు బాడీలోని అదనపు కొవ్వుని తగ్గించేందుకు జొన్నలు తీసుకోండి. ఇందులో ఎక్కువగా ఫైబర్, ప్రోటీన్ ఉంటుంది. ఇవి కండరాలని పెంచుతాయి. జీర్ణక్రియని ఆలస్యం చేస్తుంది. ఆకలి బాధలని తగ్గిస్తుంది. కేలరీలని తీసుకోవడం తగ్గించడానికి బరువు తగ్గడానికి సాయపడుతుంది. జొన్నలు ఆరోగ్యకరమైన, పోషకమైన తృణధాన్యాలు. ఇవి మీ ఆహారంలో యాడ్ చేస్తే మొత్తం ఆరోగ్యానికి చాలా మంచిది. బరువు తగ్గడానికి హెల్ప్ చేస్తుంది.

షుగర్ తగ్గేందుకు

జొన్నలు షుగర్ తగ్గేందుకు హెల్ప్ చేస్తాయి. ఇందులో గ్లైసెమిక్ ఇండెక్స్ తక్కువగా ఉంటుంది. టానిన్స్ ఎక్కువగా ఉండే జొన్నల ఊక శరీరంలో చక్కెర, స్టార్చ్ శోషణని తగ్గించే సామర్థ్యాన్ని కలిగి ఉన్న ఎంజైమ్స్‌ని స్రవిస్తుంది. జొన్నలు శరీరంలో గ్లూకోజ్ స్థాయిలను, ఇన్సులిన్ సున్నితత్వాన్ని నియంత్రిస్తాయి. ఇది మెరుగైన మధుమేహ నియంత్రణకి సాయపడుతుంది. వీటితో పాటు పైబర్, థయామిన్, నియాసిన్, రిబోఫ్లేవిన్, ఫోలేట్స్ జొన్నల్లో ఎక్కువగా ఉండడం వల్ల గ్యాస్ట్రిక్ సమస్యలు తగ్గుతాయి. రక్తప్రవాహంలో గ్లూకోజ్ విడుదల, శోషణ నెమ్మదిస్తుంది. దీంతో పాటు రకత్ంలో చక్కెర పెరుగుదలని నివారిస్తుంది. జొన్నల రొట్టెలను రెగ్యులర్‌గా తీసుకుంటే హెపాటిక్ గ్లూకోనోజెనిన్ తగ్గుతుంది.

గుండె ఆరోగ్యం

జొన్నల్లో ఫైటో కెమికల్స్ ఫినాల్స్, టానిన్స్, ప్లాంట్ స్టెరాల్స్ గుణాలు హైపోకొలెస్టెరోలెమిక్స్ ప్రభావాన్ని కలిగి ఉంటాయి. కొన్ని అధ్యయనాల ప్రకారం వీటిని తీసుకుంటే ఇందులోని గుణాలు చెడు కొలెస్ట్రాల్ లెవల్స్‌ని గణనీయంగా తగ్గిస్తుంది. గణనీయమైన మొత్తంలో యాంటీ ఆక్సిడెంట్స్, విటమిన్స్ ఈ, బి, ఖనిజాలు ఐరన్, మెగ్నీషియం కొలెస్ట్రాల్ లెవల్స్‌ని తగ్గించడంలో విలువలైనవి. రక్తప్రవాహం, ప్రసరణని మెరుగ్గా చేస్తాయి. ఇంకా ప్లేట్‌లెట్స్ అడ్డుపడకుండా నిరోధించి, గుండెపోటు, స్ట్రోక్, అథెరోస్క్లెరోసిస్ ప్రమాదాన్ని తగ్గిస్తుంది.

కాన్సర్ సమస్యలు

జొన్నల్లో పవర్‌ఫుల్ యాంటీ ఆక్సిడెంట్స్ ఉంటాయి. ఇవి అనేక రకాల క్యాన్సర్ ప్రమాదాన్ని తగ్గిస్తాయి. జొన్న ఊకలో మన శరీరానికి అవసరమైన యాంటీ ఆక్సిడెంట్ ఉంటుంది. ఈ యాంటీ ఆక్సిడెంట్స్ అన్నవాహిక క్యాన్సర్, కడుపు క్యాన్సర్ వంటి కొన్ని క్యాన్సర్స్‌ని దూరం చేస్తాయి. గోధుమ, మొక్కజొన్నలు తీసుకునేవారితో పోలిస్తే జొన్నలు తినేవారికి క్యాన్సర్స్ వచ్చే అవకాశం చాలా తక్కువ. దీనికి కారణం జొన్నల్లోని యాంటీ ఆక్సిడెంట్స్ కాన్సర్ కణాల ఏర్పాటుని ప్రోత్సహించే ఫ్రీరాడికల్స్‌ని తొలగిస్తాయి.

హిమోగ్లోబిన్ లెవల్స్

జొన్నలు ముఖ్యమైన ఖనిజాలతో ఐరన్, రాగితో నిండి ఉంటాయి. ఇవి శరీరంలో రక్తప్రసరణ, ప్రసరణని మెరుగుపరచడానికి కలిసి పనిచేస్తాయి. ఎర్ర రక్తకణాల అభివృద్ధికి ఐరన్ అవసరమైన ఖనిజం, రాగి శరీరంలో ఐరన్ శోషణనకి సాయపడుతుంది. తద్వారా కణాల పెరుగుదల, మరమ్మత్తుని ప్రోత్సహిస్తుంది. రక్తప్రసరణని పెంచుతుంది. రక్తహీనతని తగ్గిస్తుంది. వీటిని మీ డైట్‌లో యాడ్ చేస్తే కాపర్ అందుతుంది. జుట్టు పెరుగదలని ప్రేరేపిస్తుంది. జుట్టు రాలడాన్ని తగ్గిస్తుంది.

శక్తి పెరిగేందుకు

జొన్నల్లో నియాసిన్, విటమిన్ బి3లు ఉంటాయి. నియాసిన్ అనేది శరీరంలోని శక్తి జీవక్రియలో కీలకమైన భాగమైన ఓ ముఖ్యమైన పోషకం. ఆహారంలో జొన్నలను చేర్చుకోవడం వల్ల జీవక్రియ పెరుగుతుంది. రోజంతా ఎనర్జీగా ఉంటారు. రోజంతా శక్తిస్థాయిలు పెరుగుతాయి. జొన్నల్లో తగినంత మెగ్నీషియం కాల్షియం శోషణని పెంచడంలో సాయపడుతుంది. ఇది కాల్షియం స్థాయిలను కొనసాగేలా చేస్తుంది. ఎముకల ఆరోగ్యాన్ని పెంచి కాల్షియం, మెగ్నీషియం ఎముకల ఆరోగ్యానికి హెల్ప్ చేస్తుంది. వృద్దాప్యంలో వచ్చే ఎముకల సమస్యల్ని దూరం చేస్తుంది. వీటిని ఎక్కువగా తింటే ఆస్టియోపోరోసిస్, ఆర్థరైటిస్ ప్రమాదాన్ని తగ్గించొచ్చు.

ఎలా తీసుకోవాలి. 

వీటిని మనం పిండిలా చేసి రొట్టెల్లా చేసుకుని తినొచ్చు. అంబలి, గట్కాలా చేసుకుని తినొచ్చు. పెసరపప్పుతో కలిపి కిచిడీలా చేయొచ్చు. ​

దోశలా కూడా చేయొచ్చు. దీనికోసం 2 కప్పు జొన్న రవ్వ, అరకప్పు అటుకులుముందుగా అరకప్పు అటుకుల్ని నానబెట్టాలి. తర్వాత జొన్న రవ్వని నానబెట్టాలి. అటుకులు అరగంటనానితే చాలు. రవ్వ గంటపాటు నాననివ్వాలి. ఈ రెండింటిని మిక్సీ జార్‌లో వేయాలి. కొద్దిగా అల్లం, జీలకర్ర, ఉప్పు, ఓ పచ్చిమిర్చి వేసి మిక్సీ పట్టాలి. దోశపిండిలా మిక్సీ పట్టాలి. ఇప్పుడు నాన్‌స్టిక్ పాన్‌ వేడి చేసి కొద్దిగా నూనె వేసి పిండి వేయాలి. దీనిని మరీ నార్మల్ దోశల్లా రుద్దొద్దు. పాన్‌కేక్స్‌లా వదిలేయాలి. రెండు, మూడు నిమిషాల పాటు వదిలేస్తే ఓ వైపు కాలుతుంది. మరోవైపుకి కాల్చుకుని చక్కగా చట్నీతో ఇష్టంగా తినండి.

నార్మల్ దోశల్లా వేసుకోవాలనుకుంటే మినపప్పు కూడా యాడ్ చేయాలి.