ఆరెంజ్ తొక్క ఉంటే చాలు,,,,దాగున్న ఎలుకలు పారిపోతాయి

ఎలుకలు ఉంటే ఇల్లు ఇల్లులా ఉండదు. చూడ్డానికే చిన్నగానే ఉన్నప్పటికీ ఇవి తెచ్చే తంటాలు అన్నీ ఇన్నీ కావు. వీటిని తరిమేందుకు మందుపెట్టినా, బోను పెట్టినా ఇంట్లోనే చచ్చిపోతే వాటిని తీయడం కష్టంగా మారుతుంది. పైగా ఇల్లంతా వాసన. ఎలుకల మందులు కూడా అస్సలు మంచివి కాదు. దీని వల్ల ఇంట్లోని మనుషులకి, ముఖ్యంగా చిన్న సమస్యలకి వచ్చే అవకాశం ఉంటుంది. పైగా వాటికి ఓ సారి డౌట్ వచ్చిందంటే చాలు అవి త్వరగా వాటి జోలికి వెళ్లవు. అలా కాకుండా నేచురల్‌గా ఇంట్లోని కొన్ని పదార్థాలతోనే ఇంట్లోని ఎలుకల్ని బయటికి పంపొచ్చు. దీని కోసం ఆరెంజ్ పీల్‌ని కూడా వాడొచ్చు. అదెలా వాడాలో తెలుసుకోండి.

ఆరెంజ్ పీల్ ఎలా పనిచేస్తాయి

వీటిని వాడడం చాలా ఈజీ. పైగా వీటిని వాడడం వల్ల ఇల్లంతా మంచి అరోమా ఉంటుంది. ఈ వాసన మనకి ఎంత ఇష్టమో ఎలుకలకి అంత కష్టంగా ఉంటుంది. కాబట్టి, వీటితో ఎలుకల్ని ఈజీగా తరిమేయొచ్చు. నారింజలోని ఘాటైన స్మెల్ ఎలుకల్ని మళ్లీ మీ ఇంటివైపు చూడకుండా చేస్తాయి. పైగా ఇవి కెమికల్ ఫ్రీ. వాడడం చాలా ఈజీ. చక్కగా ఎవరైనా వాడొచ్చు. దీని వల్ల ఇంట్లోని వారికి కూడా ఎలాంటి సమస్యలు రావు.

ఏం చేయాలి?

ముందుగా ఓ తాజా నారింజ పండు సెలక్ట్ చేసుకుని దాని తొక్క తీయాలి. వాటిని మెల్లి స్క్వీజ్ చేయాలి. దీని వల్ల అందులోని సహజ నూనెలు విడుదలవుతాయి. వాసనలు ఎక్కువగా వస్తాయి. వీటిని మీ బీరువా, ఫర్నీచర్ సంధులలో వేయాలి. ఎక్కడైతే ఎలుకలు ఎక్కువగా తిరుగుతాయో అక్కడ కొన్ని వేయండి. చిన్న చిన్న రంధ్రాల్లో ఉంచండి. దీంతో అందులోకి వెళ్లిన ఎలుకలు ఆ వాసన చూసి పారిపోతాయి.

రెండు మూడు రోజులకి ఓ సారి

అయితే, ఈ తొక్కలు ఎప్పటికప్పుడు అంటే కనీసం రెండు, మూడు రోజులకి ఓ సారి మార్చాలి. ఎందుకంటే ఆ టైమ్ తర్వాత వాటి వాసన తగ్గుతుంది. కాబట్టి, ఎప్పటికప్పుడు వాటిని తీసి మళ్లీ తాజా నారింజ పళ్ళ తొక్కల్ని వేయండి. ఇలా ఎలుకలు పారిపోయేంత వరకూ ఇలానే రిపీట్ చేయండి. దీని వల్ల చాలా వరకూ మీరు ఎలుకల్ని నారింజ తొక్కల సాయంతో పంపొచ్చు.

స్ప్రే

నారింజ తొక్కల స్ప్రే కూడా చక్కగా ఎలుకల్ని పారిపోయేలా చేస్తుంది. దీనికోసం నారింజ తొక్కల్లో నీరు పోసి మరిగించాలి. దానిని స్ప్రే బాటిల్‌లో పోయాలి. దీనిని ఇంట్లో తలుపులు, కిటికీలు, ఎంట్రీ పాయింట్స్ చుట్టూ స్ప్రే చేయండి. దీని వల్ల రూమ్ ఫ్రెషనర్ వాడినట్లుగా మంచి స్మెల్ వస్తుంది. కాబట్టి, ఈ నీటిని స్ప్రే చేస్తే చాలా వరకూ మీకు ఎలుకల నుంచి రిలీఫ్ దొరుకుతుంది. అయితే, దీని వల్ల మీ గోడలపై పెయింటింగ్ పోతుందో ఓ సారి ప్యాచ్ టెస్ట్ చేయడం మంచిది.

పొడిలా

ఇలా చేయడం కష్టమనుకుంటే ఒక్కసారిగా నారింజ తొక్కల్ని చక్కగా ఆరబెట్టి వాటిని పొడిలా చేయండి. వీటిని చిన్న చిన్న క్లాత్‌ల్లో వేసి మూటలా కట్టండి. వీటిని మీరు ఇంట్లోని మూలమూలల్లో పెట్టండి. దీంతో ఎలుకలు మళ్లీ రావు. వాటి వాసన తగ్గిందో లేదో వారానికోసారి చెక్ చేసి మళ్లీ మళ్లీ మార్చండి. దీని వల్ల కూడా మంచి రిజల్ట్ ఉంటుంది.