Indelible Ink వెనుక ఉన్న కథ: ఎన్నికల ప్రత్యేకతలు తెలుసా?

బీహార్ ఎన్నికల నేపథ్యంలో చెరగని ‘సిరా’ ముద్ర మళ్లీ చర్చనీయాంశంగా మారింది. ఎన్నికల్లో ప్రతి ఓటరు వేలుపై వేయబడే ఈ గుర్తుకు వేరే దేశాలకూ ఆకర్షణ ఉంది – భారతదేశం నుంచి ఈ సిరాను 35 పైగా దేశాలు కొనుగోలు చేస్తున్నాయి. అయితే, ఈ సిరా ఎందుకు ప్రత్యేకం, ఎప్పటి నుండీ ఉపయోగిస్తున్నారు, మరియు దానికి ఉన్న ప్రత్యేకత ఏమిటి? ఆ కథ ఇప్పుడు చూద్దాం.స్వాతంత్ర్యం అనంతరం 1951-52లో మొదటి సార్వత్రిక ఎన్నికలు జరిగాయి. ఆ సమయంలో అనేక ఓటు చోరీ కేసులు వెలుగులోకి వచ్చాయి. సమస్య పరిష్కారం కోసం, ఎన్నికల కమిషన్ ఓటర్ల వేలుపై చెరిపి పోవని ఒక గుర్తును రూపొందించాలనే నిర్ణయం తీసుకుంది. దీని కోసం నేషనల్ ఫిజికల్ లాబొరేటరీ ఆఫ్ ఇండియా (NPL)ను సంప్రదించారు.NPL చివరికి ఒక ప్రత్యేక సిరాను అభివృద్ధి చేసింది, ఇది నీరు, సబ్బు, రసాయనాల ద్వారా తొలగించలేమని నిర్ధారించింది. ఆ తర్వాత మైసూర్ పెయింట్స్ అండ్ వార్నిషెస్ కంపెనీకి దీన్ని ఉత్పత్తి చేయడానికి ఆర్డర్ ఇచ్చారు. నాటి నుండీ ఈ కంపెనీ కర్ణాటకలో ఈ సిరాను తయారు చేస్తోంది, దాని ప్రత్యేక రహస్య సూత్రం నేటికీ గోప్యంగా ఉంది.ప్రారంభంలో, 1971 కు ముందు వేలిపై నేరుగా సిరా వేయబడేది. అయితే, కొన్ని సంఘటనల తరువాత, 1971లో ఎన్నికల కమిషన్ ఈ విధానాన్ని మార్చి, వేలుగోళ్లకు ప్రత్యేకంగా వర్తింపజేసే విధానం ప్రవేశపెట్టింది.సిరా ప్రధానంగా సిల్వర్ నైట్రేట్ నుంచి తయారవుతుంది. ఇది శరీరంలోని సోడియం తో కరిగి నీలిరంగు సిరా నల్లగా మారుస్తుంది. నీటితో తాకినా, సబ్బుతో రాసినా కూడా ఇది తొలగదు.ఈ ప్రత్యేక సిరా తీరుపు కారణంగా, మైసూర్ కంపెనీ తప్ప మరే ఇతర కంపెనీకి దీన్ని తయారు చేసే హక్కు లేదు. ఇప్పటివరకు, 35 దేశాలకు ఎగుమతి జరుగుతూ, ప్రపంచవ్యాప్తంగా ఒక్కటే చెరగని ‘సిరా’ ఉత్పత్తి కొనసాగుతోంది.