Deepti Sharma సూపర్ ఫామ్: 22 వికెట్లు, ఫైనల్‌లో 58 రన్స్! జీతం తెలుసా?

భారత మహిళా క్రికెట్ జట్టు ప్రపంచకప్ 2025 విజయంలో ఆల్‌రౌండర్ దీప్తి శర్మ అత్యంత కీలక పాత్ర పోషించింది. బౌలింగ్‌లో అత్యధిక వికెట్లు తీసి, బ్యాటింగ్‌లో కీలక పరుగులు చేసి, ఫైనల్‌లో అద్భుత ప్రదర్శనతో జట్టును విజయానికి నడిపింది. దీప్తి శర్మ ఈ అద్భుత ప్రదర్శన కారణంగా ప్లేయర్ ఆఫ్ ది టోర్నమెంట్ అవార్డు గెలుచుకున్నారు.ఈ స్టార్ ప్లేయర్ కేవలం క్రికెటర్ మాత్రమే కాక, ఉత్తరప్రదేశ్ ప్రభుత్వంలో డిప్యూటీ సూపరింటెండెంట్ ఆఫ్ పోలీస్ (DSP) హోదాలో కూడా పని చేస్తున్నారు. ఇప్పుడంటే, ప్రపంచ కప్ విజేతగా ప్రఖ్యాతి పొందిన దీప్తి శర్మకు యూపీ ప్రభుత్వం నుంచి డీఎస్పీగా ఎంత జీతం లభిస్తుందో చూద్దాం.ప్రపంచకప్ 2025లో దీప్తి శర్మ బ్యాట్, బంతి రెండింటిలోనే సంచలన ప్రదర్శన చేయడం విశేషం. టోర్నమెంట్ మొత్తం 22 వికెట్లు తీసి, అత్యధిక వికెట్ల బౌలర్‌గా నిలిచారు. 9 మ్యాచుల్లో 7 ఇన్నింగ్స్‌లలో 30.71 సగటుతో 215 పరుగులు సాధించారు. ఫైనల్‌లో 58 బంతుల్లో 58 పరుగులు చేసి, సౌతాఫ్రికా జట్టును 5 వికెట్లతో పరాజయం పరుస్తూ తాను కీలక పాత్ర పోషించారు.దీప్తి శర్మ కేవలం క్రికెట్‌లో ప్రతిభ చూపడమే కాక, ఉత్తరప్రదేశ్ ఆగ్రా పట్టణానికి చెందిన గౌరవప్రదమైన అధికారిణీ. చిన్న వయసులోనే క్రికెట్ ఆడటం ప్రారంభించి, 12 ఏళ్లకే యూపీ అండర్-19 జట్టులో చోటు దక్కించుకున్నారు. 17 ఏళ్ల వయసులో 2016లో భారత మహిళా జట్టులో చేరారు. ఆమె క్రీడా ప్రతిభను గుర్తిస్తూ, 2024 జనవరిలో యూపీ ప్రభుత్వం డీఎస్పీగా నియమించింది.ఉత్తరప్రదేశ్ రాష్ట్రంలో డీఎస్పీగా ఉండే వేతన వివరాల ప్రకారం, 7వ వేతన సంఘం లెవెల్ 10 కింద దీప్తి శర్మకు రూ.56,100 మూల వేతనం లభిస్తుంది. వివిధ భత్యాలు (అలవెన్సులు) జోడిస్తే, డీఎస్పీగా మొత్తం నెలవారీ జీతం సుమారు రూ.70,000 నుంచి రూ.1,10,000 వరకు ఉండే అవకాశం ఉంది. అనుభవం మరియు ప్రమోషన్‌లతో ఈ జీతం మరింత పెరుగుతుంది.