“Delhi Alert: గాలి నాణ్యత ‘హెల్త్ రిస్క్’ స్థాయికి పెరిగింది”
national | Suryaa Desk | Published : Sat, Nov 08, 2025, 11:22 PM
దేశ రాజధాని ఢిల్లీలో గాలి నాణ్యత సూచిక (AQI) తీవ్రమైన ఆందోళన కలిగిస్తోంది. శీతాకాలం ప్రారంభమవ్వటంతో ఈ పరిస్థితి మరింత తీవ్రంగా మారింది. కేంద్ర కాలుష్య నియంత్రణ బోర్డు (CPCB) తెలిపిన సమాచారం ప్రకారం, పలు ప్రాంతాల్లో గాలి కాలుష్యం అత్యధిక స్థాయికి చేరింది.24 గంటల్లో సగటు AQI ప్రకారం, ఢిల్లీలోని పలు ప్రాంతాల్లో గాలి నాణ్యత 400 ను దాటింది. దాంతో, దేశంలోని అత్యంత కాలుష్యమైన నగరాలలో ఒకటిగా ఢిల్లీని పేర్కొన్నారు. NCR పరిధిలోని గ్రేటర్ నొయిడాలో 354, గజియాబాద్లో 339 పాయింట్లుగా గాలి నాణ్యత నమోదయింది.CPCB శనివారం సాయంత్రం 4 గంటలకు AQI లెక్కింపు చేసినప్పుడు 361 పాయింట్లుగా గుర్తించింది. వజీపూర్లో 420, బెరారిలో 418, వివేక్ విహార్లో 406, నెహ్రూ నగర్లో 404, అలీపూర్లో 402 పాయింట్లు నమోదయ్యాయి. ఈ ప్రాంతాలన్నీ అత్యంత ప్రమాదకర స్థాయిలో ఉన్నాయని CPCB అధికారులు తెలిపారు.ఆఫీసుల పనివేళల్లో మార్పులు గాలి కాలుష్యం తీవ్రతను తగ్గించడానికి ముఖ్యమంత్రి రేఖా గుప్తా (Rekha Gupta) కొత్త నిర్ణయాలు తీసుకున్నారు. వాహన రద్దీని తగ్గించేందుకు ప్రభుత్వ ఆఫీసుల పనివేళలను మార్చి, ఉదయం 10:00 నుంచి సాయంత్రం 6:30 వరకు కొనసాగించే విధంగా చేశారు. మున్సిపల్ కార్యాలయాల పనివేళలు ఉదయం 8:30 నుంచి సాయంత్రం 5:00 వరకు నిర్ణయించబడ్డాయి.
|
|