వచ్చే ఏడాదిలో ఉద్యోగ ప్రపంచంలో షాక్! 89% ఉద్యోగ affected – CNBC సర్వే రిపోర్ట్

ప్రపంచవ్యాప్తంగా కృత్రిమ మేధ (AI) ప్రభావం దశలవారీగా పెరుగుతోంది. ప్రతి కంపెనీ వీలైనంతగా AI వాడకం పెంచుతూ, ఉద్యోగుల పనితీరును సమర్థవంతంగా మార్చే మార్గాలను ప్లాన్ చేసుకుంటోంది.ఇలాంటి పరిస్థితుల్లో ఉద్యోగుల కోసం షాకింగ్‌ వార్తలు బయటకు వచ్చాయి. CNBC నిర్వహించిన తాజా సర్వే ప్రకారం, వచ్చే ఏడాదిలో 89 శాతం ఉద్యోగాలు AI ప్రభావానికి లోనవుతాయని తేలింది. ఈ ఫలితాలు దేశవ్యాప్తంగా చర్చనీయాంశంగా మారాయి.AI ప్రస్తుతం ఉద్యోగాల స్వరూపాన్ని మార్చుతోంది. ప్రభుత్వం, ప్రైవేట్ కంపెనీల హెచ్‌ఆర్ లీడర్స్‌తో కూడిన CNBC వర్క్‌ఫోర్స్ ఎగ్జిక్యూటివ్ కౌన్సిల్ సభ్యులు గత వారం ఫ్లాష్ సర్వే నిర్వహించారు. సర్వేలో, AI ప్రస్తుతం సంస్థల ఉద్యోగాలపై ప్రభావం చూపుతోందా అని అడిగినప్పుడు, 3 లో 2 మంది హెచ్‌ఆర్ లీడర్స్ ఇది ఉద్యోగుల సాధారణ పనులను ఆటోమేట్ చేయడం లేదా రోజువారీ విధానంలో పెద్ద మార్పులు తీసుకొస్తుందని గుర్తించారు.ఈ సర్వేలో 21 మంది సీనియర్ హెచ్‌ఆర్ లీడర్స్ పాల్గొన్నారు. వీరిలో సగం మంది తమ సంస్థలో సగం కంటే తక్కువ ఉద్యోగాలపై AI ప్రభావం చూపిందని చెప్పారు. దాదాపు 17 శాతం మంది సగం లేదా అంతకంటే ఎక్కువ ఉద్యోగాలు ప్రభావితమయ్యాయని, 11 శాతం మంది అనిశ్చితంగా ఉన్నారని పేర్కొన్నారు. 22 శాతం మంది మాత్రం ఏ విధమైన ప్రభావం లేదని తెలిపారు.అయితే, సర్వేలో పాల్గొన్న సీనియర్ హెచ్‌ఆర్ లీడర్స్ లో 89 శాతం మంది వచ్చే ఏడాదిలో AI ఉద్యోగాలపై ప్రభావం చూపుతుందని తెలిపారు. వీరిలో 45 శాతం మంది AI దాదాపు సగం లేదా అంతకంటే ఎక్కువ ఉద్యోగాలపై ప్రభావం చూపుతుందని, 44 శాతం మంది దాదాపు అన్ని ఉద్యోగాలపై సగం కంటే తక్కువ ప్రభావం ఉంటుందని చెప్పారు. మిగతా 11 శాతం మంది ఎటువంటి ప్రభావం ఉండదని పేర్కొన్నారు.ఎక్కువ ఉద్యోగులను తగ్గించుకోవాలని ఆలోచిస్తున్న హెచ్‌ఆర్ లీడర్స్.. ద్రవ్యోల్బణం, సుంకాలు, డిమాండ్ తగ్గడం కంటే, ఖర్చులను తగ్గించుకోవాల్సిన అవసరమే ప్రధాన కారణమని తెలిపారు. సర్వేలో ఐదుగురిలో ముగ్గురు AI ద్వారా తమ సంస్థ మరింత సమర్థవంతమైందని చెప్పినప్పటికీ, 39 శాతం మంది ఇప్పుడే ఇలా చెప్పడం తొందరపాటే అని అన్నారు.