టీ20 ప్రపంచకప్‌ 2026లో పాల్గొనే జట్లు, గ్రూప్‌లు ఇవే

టీ20 ప్రపంచకప్ 2026 షెడ్యూల్ విడుదలైంది. మొత్తంగా 20 జట్లు ఈ టోర్నీలో పాల్గొననున్నాయి. భారత్, శ్రీలంక సంయుక్త వేదికల్లో 2026 ఫిబ్రవరి 7 నుంచి మార్చి 8 వరకు టోర్నీ జరగనుంది. ఈ టోర్నీలో భారత్‌, శ్రీలంక, బంగ్లాదేశ్‌, అఫ్ఘానిస్థాన్‌, యూఏఈ, ఒమన్‌, వెస్టిండీస్‌, యూఎస్‌ఏ, కెనడా, ఆస్ట్రేలియా, న్యూజిలాండ్‌, దక్షిణాఫ్రికా, నమీబియా, జింబాబ్వే, ఐర్లాండ్‌, ఇంగ్లాండ్‌, నెదర్లాండ్స్‌, ఇటలీ, నేపాల్‌, పాకిస్థాన్‌ పాల్గొననున్నాయి.

ఈ 20 జట్లను మొత్తంగా నాలుగు గ్రూప్‌లుగా విభజించారు. ఒక్కో గ్రూప్‌లోని జట్టు మిగతా నాలుగు జట్లతో మ్యాచ్ ఆడుతుంది. లీగ్ స్టేజ్ ముగిసే సరికి టాప్-2లో నిలిచిన జట్లు సూపర్‌-8కి అర్హత సాధిస్తాయి. కాగా మొత్తంగా 20 జట్లను 4 గ్రూప్‌లుగా విభజించగా.. ఏ గ్రూప్‌లో ఏ జట్టు ఉందో ఇప్పుడు చూద్దాం..

గ్రూప్‌- ఏ

భారత్

పాకిస్థాన్

నమీబియా

నెదర్లాండ్స్‌

యూఎస్‌ఏ

గ్రూప్‌-బి

ఆస్ట్రేలియా

ఐర్లాండ్‌

ఒమన్

శ్రీలంక

జింబాబ్వే

గ్రూప్‌-సి

బంగ్లాదేశ్‌

ఇంగ్లాండ్‌

ఇటలీ

నేపాల్‌

వెస్టిండీస్‌

గ్రూప్‌-డి

అఫ్ఘానిస్థాన్‌

కెనడా

న్యూజిలాండ్

దక్షిణాఫ్రికా

యూఏఈ

టోర్నీ ఫార్మాట్ ఇదే..

ఈ టోర్నీ గత ప్రపంచకప్‌ ఫార్మాట్‌లోనే జరగనుంది. మొత్తంగా 20 జట్లను 4 గ్రూపులుగా విభజిస్తారు. ఇందులో ఒక్కో గ్రూపులో 5 జట్లు ఉంటాయి. రౌండ్ రాబిన్ పద్దతిలో ఒక్కో జట్టు మిగతా 4 జట్లతో మ్యాచులు ఆడాల్సి ఉంటుంది. లీగ్ స్టేజ్ ముగిసే సరికి టాప్-2లో ఉన్న జట్లు సూపర్-8కు అర్హత సాధిస్తాయి. అక్కడ కూడా ఈ 8 జట్లను 2 గ్రూపులుగా విభజిస్తారు. రౌండ్ రాబిన్ పద్దతిలో ఒక్కో జట్టు తమ గ్రూపులోని మిగతా 3 టీమ్స్‌తో ఆడుతుంది. సూపర్-8లో ఒక్కో గ్రూపులో టాప్-2లో నిలిచిన జట్లు సెమీ ఫైనల్‌కు అర్హత సాధిస్తాయి. అక్కడ గెలిచిన జట్లు ఫైనల్ చేరుకుంటాయి. ఇక ఈ షెడ్యూల్ విడుదల కార్యక్రమంలో ముంబైలో జరిగింది. ఇందులో రోహిత్ శర్మ, సూర్యకుమార్ యాదవ్, హర్మన్‌ప్రీత్ కౌర్ పాల్గొన్నారు. రోహిత్ శర్మను టీ20 ప్రపంచకప్‌ 2026కు బ్రాండ్ అంబాసిడర్‌గా నియమించారు.