టీ20 ప్రపంచకప్ 2026 షెడ్యూల్ విడుదల,,,,,ఫిబ్రవరి 15న భారత్ వర్సెస్ పాకిస్థాన్ మ్యాచ్
sports | Suryaa Desk | Published : Tue, Nov 25, 2025, 10:40 PM
ఐసీసీ పురుషుల టీ20 ప్రపంచకప్ 2026 షెడ్యూల్ వచ్చేసింది. వచ్చే ఏడాది జరగనున్న ఈ టోర్నీకి సంబంధించిన షెడ్యూల్ను ఐసీసీ మంగళవారం సాయంత్రం విడుదల చేసింది. 2026 ఫిబ్రవరి 7 నుంచి మార్చి 8 వరకు టోర్నీ జరగనుంది. భారత్, శ్రీలంక సంయుక్త వేదికల్లో మ్యాచ్లు జరుగుతాయి. భారత్లోని ఐదు వేదికలు, శ్రీలంకలోని 3 వేదికల్లో ఈ మ్యాచ్లు జరుగుతాయి. ఇక లీగ్ దశలో మరోసారి భారత్ పాక్ తలపడనున్నాయి. ఈ రెండు జట్లూ ఒకే గ్రూప్లో ఉన్నాయి. ఫిబ్రవరి 15న కొలంబో వేదికగా భారత్, పాక్ మ్యాచ్ జరగనుంది.
భారత్, శ్రీలంక ఆతిథ్య దేశాలుగా ఫిబ్రవరి 7న ఈ మెగా ఈవెంట్ ప్రారంభం కానుంది. ఐసీసీ టీ20 ప్రపంచకప్కు రోహిత్ శర్మ అంబాసిడర్గా వ్యవహరించనున్నాడు. భారత్లోని 5 వేదికల్లో టోర్నీ జరగనుంది. అహ్మదాబాద్, ఢిల్లీ, కోల్కతా, చెన్నై, ముంబైలో ఈ మ్యాచ్లు జరుగుతాయి. శ్రీలంకలోని మూడు వేదికలు ఈ మ్యాచ్లకు ఆతిథ్యం ఇవ్వనున్నాయి.
క్రితం సారి మాదిరిగానే ఈసారి కూడా టోర్నీలో 20 జట్లు భాగం కానున్నాయి. ఇందులో భారత్, శ్రీలంక, బంగ్లాదేశ్, అఫ్ఘానిస్థాన్, యూఏఈ, ఒమన్, వెస్టిండీస్, యూఎస్ఏ, కెనడా, ఆస్ట్రేలియా, న్యూజిలాండ్, దక్షిణాఫ్రికా, నమీబియా, జింబాబ్వే, ఐర్లాండ్, ఇంగ్లాండ్, నెదర్లాండ్స్, ఇటలీ, నేపాల్, పాకిస్థాన్ ఉన్నాయి.
ముంబైలో జరిగిన షెడ్యూల్ విడుదల కార్యక్రమంలో భారత స్టార్ బ్యాటర్, మాజీ కెప్టెన్ రోహిత్ శర్మ, భారత టీ20 జట్టు సారథి సూర్యకుమార్ యాదవ్, భారత మహిళల జట్టు కెప్టెన్ హర్మన్ప్రీత్ సింగ్ పాల్గొన్నారు. భారత్కు 2024 ప్రపంచ కప్ సాధించిన పెట్టిన రోహిత్ శర్మను వచ్చే ఏడాది జరిగే టీ20 ప్రపంచకప్కు బ్రాండ్ అంబాసిడర్గా నియమించారు. ఇక గ్లోబల్ ట్రోఫీ టూర్ డిసెంబర్ 1 నుంచి ప్రారంభం కానుంది.
లీగ్ స్టేజ్లో భారత్ మ్యాచ్ల షెడ్యూల్..
*ఫిబ్రవరి 7 - యూఎస్ఏతో.. (వేదిక: ముంబై)
*ఫిబ్రవరి 12 - నమీబియాతో.. (వేదిక: దిల్లీ)
*ఫిబ్రవరి 15 - పాకిస్థాన్తో.. (వేదిక: ప్రేమదాస స్టేడియం, కొలంబో )
*ఫిబ్రవరి 18 - నెదర్లాండ్స్తో.. (వేదిక: అహ్మదాబాద్)
|
|