ఢిల్లీ గాలి మతి పోయింది.. ప్రజలు ప్రాణాలు కాపాడుకోవడానికి నగరం వదిలేయాలని ఆలోచిస్తున్నారు!

ఢిల్లీలో గాలి కాలుష్యం ఇప్పుడు జీవితాన్నే మింగేస్తోంది. తాజా సర్వే ప్రకారం నగరంలో 80 శాతం పైగా ప్రజలు దగ్గు, అలసట, శ్వాస తీసుకోవడంలో ఇబ్బంది వంటి సమస్యలతో రోజూ పోరాడుతున్నారు. ఈ స్థితి గత ఏడాదితో పోలిస్తే మరింత దారుణంగా మారిందని నిపుణులు హెచ్చరిస్తున్నారు. పిల్లల నుంచి వృద్ధుల వరకు అందరూ ఈ విషవాయువుల బారిన పడుతూ ఆసుపత్రులకు పరుగులు తీస్తున్న దృశ్యం సాధారణమైపోయింది.
గత 12 నెలల్లోనే 68.3 శాతం మంది కాలుష్యం వల్ల వచ్చిన వ్యాధులకు చికిత్స తీసుకున్నట్లు సర్వే తేల్చింది. ఇది కేవలం ఆరోగ్య సమస్య మాత్రమే కాదు, ఆర్థిక భారం కూడా తెస్తోంది. ఎయిర్ ప్యూరిఫైయర్లు, మాస్కులు, ఔషధాలు, డాక్టర్ ఫీజులతో కలిపి 85.3 శాతం కుటుంబాల గృహ ఖర్చు గణంగా పెరిగింది. మధ్యతరగతి కుటుంబాలు ఈ అదనపు భారం మోయలేక 41.6 శాతం మంది తీవ్ర ఆర్థిక సంక్షోభంలో చిక్కుకున్నట్లు తేలింది.
ఇంతకంటే భయంకరమైన విషయం ఏమిటంటే, 79.8 శాతం మంది ఢిల్లీని శాశ్వతంగా వదిలేసి వేరే నగరాలకు వలస వెళ్లాలని ఆలోచిస్తున్నారు. ఉద్యోగం, పిల్లల చదువు, ఇళ్లు ఉన్నా సరే… “ప్రాణం కంటే ముఖ్యమైనది ఏమీ లేదు” అనే ఆలోచన బలపడుతోంది. ఒకప్పుడు దేశ రాజధానిగా గర్వించిన నగరం ఇప్పుడు “విషపూరిత బుల్లెట్ ట్రైన్”లా మారిపోయిందని ప్రజలు ఆవేదన వ్యక్తం చేస్తున్నారు.
ప్రభుత్వం పథకాలు ప్రకటిస్తోంది, కానీ ఫలితాలు కనిపించడం లేదు. పొగమంచు కింద ప్రజలు ఊపిరి ఆడక రోడ్లపై నడుస్తుంటే, ఢిల్లీ ఇక “జీవించే నగరం” కాకుండా “మనుగడ సాగించే శిబిరం”గా మారుతోంది. ఈ పరిస్థితి ఇలాగే కొనసాగితే మరో రెండేళ్లలో రాజధాని ఖాళీ అయ్యే ప్రమాదం కూడా కనిపిస్తోంది.