ఖరీదైన క్రీములతో పనేలేదు, ఇవి పాటిస్తే మెరిసే అందం మీ సొంతం

నల్ల మచ్చలు, మెటిమలు లేని అందమైన, మెరిసే చర్మాన్ని అందరూ కోరుకుంటారు. అయితే, ఈ రోజుల్లో జీవనశైలి, తిండి అలవాట్లు, జీవనశైలి కారణంగా ఎన్నో సమస్యల్ని ఎదుర్కొంటున్నారు. మెరిసే చర్మం కోసం ఖరీదైన చర్మ సంరక్షణ ఉత్పత్తుల్ని వాడటం మాత్రమే సరిపోదు. దీని కోసం మీ చర్మాన్ని లోపలి నుంచి ఆరోగ్యంగా ఉంచుకోవాలి. వయసు పెరిగేకొద్దీ.. చర్మంపై ప్రత్యేక శ్రద్ధ తీసుకోవడం చాలా ముఖ్యం.

లేకపోతే వృద్ధాప్య ఛాయలు మీ ముఖంపై స్పష్టంగా కనిపిస్తాయి. ముడతలు, ఫైన్ లైన్స్, పిగ్మేంటేషన్, నల్లటి మచ్చలు వంటి అనేక సమస్యలు పెరుగుతాయి. సౌందర్య నిపుణురాలు శ్రీజ శ్రేష్ట తన మెరిసే చర్మ రహస్యాన్ని ఇన్‌స్టాగ్రామ్ పోస్ట్‌లో పంచుకున్నారు. 30 ఏళ్ల వయసులో కూడా ఆమె చర్మం చాలా మృదువుగా, మెరుస్తూ, మచ్చల్లేకుండా ఉంది. మెరిసే చర్మం కోసం ఆమె ఓ ఐదు చిట్కాల్ని షేర్ చేసుకున్నారు. ఆ పూర్తి వివరాలు ఇప్పుడు తెలుసుకుందాం.

మెంతుల నీరు తాగితే ఎన్నో లాభాలు

శ్రీజ శ్రేష్ట ప్రతి ఉదయం ముందుగా మెంతుల నీరు తాగుతానని చెబుతుంది. ఇందుకోసం మెంతుల్ని ఒక గ్లాసు నీటిలో రాత్రంతా నానబెట్టాలి. ఆ తర్వాత ఫిల్టర్ చేసి ఉదయం పూట మెంతుల నీరు తాగాలి. నానెబెట్టిన మెంతుల్ని కూడా నములుతానని ఆమె చెప్పారు.

ఇది చర్మానికి మాత్రమే కాకుండా జుట్టు పెరుగుదలకు కూడా సాయపడుతుంది. తల చర్మం ఆరోగ్యానికి, హార్మోన్ల సమతుల్యతకు కూడా ప్రయోజనకరంగా ఉంటుంది. మెంతుల్లో ఎన్నో పోషకాలు ఉంటాయి. ఫైబర్, ఐరన్, మెగ్నీషియం పుష్కలంగా ఉండే ఈ నీరు చర్మాన్ని లోపలి నుంచి పోషించడంలో సాయపడుతుంది.

నల్ల ఎండుద్రాక్ష, కుంకుమపువ్వు నీరు

శ్రీజ రోజూ నల్ల ఎండుద్రాక్ష, కుంకుమపువ్వు కలిపిన నీటిని తాగుతానని చెబుతుంది. ఇందుకోసం ఆమె వాటిని ప్రతి రాత్రి నీటిలో నానబెట్టి ఉదయం తాగుతుంది. ఈ నీరు హార్మోన్ల సమతుల్యత, ఐరన్ స్థాయిల్ని మెరుగుపర్చడంలో సాయపడుతుంది. ఇది చర్మానికి అద్భుతమైన పానీయం. ముఖ చర్మానికి రక్త ప్రసరణను మెరుగుపర్చి అద్భుతమైన మెరుపు, ప్రకాశాన్ని ఇస్తుంది. ఇది శరీరానికి చాలా సున్నితంగా ఉంటుంది. ఇది చర్మాన్ని మెరిసేలా చేస్తుంది.

ఎక్స్‌పర్ట్ చెప్పిన చిట్కాలేంటో తెలుసా?

కొల్లాజెన్ కూడా సాయపడుతుంది

కొల్లాజెన్ శరీరంలో సమృద్ధిగా ఉండే హార్మోన్. ఇది చర్మానికి సాగే గుణం, తేమను అందిస్తుంది. ముడతల్ని తగ్గించడంలో సాయపడుతుంది. కొల్లాజెన్ చర్మ స్థితిస్థాపకత, హైడ్రేషన్, గోళ్ల బలంపై సానుకూల ఫలితాలను చూపించిందని శ్రీజ చెబుతున్నారు.

కొల్లాజెన్ అనేది దీర్ఘకాలికంగా తీసుకుంటే, చర్మాన్ని నిజంగా మెరుగుపరుస్తుందని నిపుణులు చెబుతున్నారు. కొల్లాజెన్ సప్లిమెంట్ల రూపంలో తీసుకోవచ్చు. ప్రోటీన్ అధికంగా ఉండే చేపలు, చికెన్, గుడ్లు, పాల ఉత్పత్తులు, సోయా, విటమిన్ సి (నారింజ, బెర్రీలు), జింక్ వంటివి కొల్లాజెన్ ఉత్పత్తికి అవసరం.

హార్మోన్ల మద్దతు ఇచ్చే సప్లిమెంట్లతో అందానికి మెరుగులు

శ్రీజ ప్రతిరోజూ మూడ్, హార్మోన్ల మద్దతు ఇచ్చే సప్లిమెంట్‌ని కూడా తీసుకుంటుంది. ఈ సప్లిమెంట్‌లో అశ్వగంధ, శతావరి, మందార, లైకోరైస్ వంటి పదార్థాలు ఉంటాయి. ఇవి హార్మోన్లను నియంత్రించడంలో, ఒత్తిడిని తగ్గించడంలో సాయపడుతుంది. ఇది శారీరక, మానసిక ఆరోగ్యానికి మద్దతు ఇస్తుంది.

హార్మోనల్ బ్యాలెన్స్ కోసం టీ

శ్రీజ రోజు చివరిలో హార్మోన్లకు మద్ధతు ఇచ్చే హెర్బల్ టీని తాగుతారు.పిప్పర్‌మెంట్, అశ్వగంధ, లెమన్ గ్రాస్, అల్లం వంటి పదార్థాలను కలిగి ఉన్న హెర్బల్ టీని తాగాలి. ఇది హర్మోన్ల మద్దతుకు ప్రయోజనకరంగా ఉంటుంది. ఈ హార్మోన్ల టీ PMS లక్షణాలను నిర్వహించడానికి సాయపడుతుంది. రోజు చివరిలో తాగే ఈ టీ మెరిసే చర్మం ప్రోత్సహించడంలో మద్దతు ఇస్తుంది.