US-Israel-Iran War: ఇరాక్‌లో అమెరికా స్థావరంపై ఇరాన్ దాడి.. టెహ్రాన్‌పై బాంబుల వర్షం

Tehran: అమెరికా–ఇజ్రాయెల్–ఇరాన్ మధ్య ఉద్రిక్తతలు రోజురోజుకూ మరింత తీవ్రతరం అవుతున్నాయి. గల్ఫ్ ప్రాంతంలో కొనసాగుతున్న సైనిక ఘర్షణలు ఇప్పటికే ఆరో రోజుకు చేరుకున్నాయి. గురువారం సాయంత్రం ఇరాన్, Erbilలో ఉన్న అమెరికా సైనిక స్థావరాన్ని లక్ష్యంగా చేసుకుని దాడులు జరిపింది.అదే సమయంలో Israel వైపునకు కూడా పలు క్షిపణులను ప్రయోగించినట్లు సమాచారం.ఇదిలా ఉండగా, ఇజ్రాయెల్ కూడా ప్రతిదాడులను తీవ్రతరం చేసింది. రాజధాని Tehranపై వైమానిక దాడులు నిర్వహించి బాంబులు కురిపించింది. ముఖ్యంగా Islamic Revolutionary Guard Corps మరియు బాసిజ్ యూనిట్లు సహా ఇరాన్ అంతర్గత భద్రతా దళాలకు చెందిన స్థావరాలను లక్ష్యంగా చేసుకుని దాడులు చేపట్టినట్లు తెలుస్తోంది.మరోవైపు మధ్యప్రాచ్యంలో కొనసాగుతున్న ఈ సైనిక ఉద్రిక్తతలపై World Health Organization తీవ్ర ఆందోళన వ్యక్తం చేసింది. మొత్తం 16 దేశాలు ఈ ఘర్షణల ప్రభావాన్ని ఎదుర్కొంటున్నాయని ఆ సంస్థ డైరెక్టర్ జనరల్ Tedros Adhanom Ghebreyesus తెలిపారు. ఇప్పటివరకు ఇరాన్‌లో వెయ్యికి పైగా మరణాలు నమోదైనట్లు, Lebanonలో 50 మంది, Israelలో 13 మంది, ఇతర గల్ఫ్ దేశాల్లో 11 మంది ప్రాణాలు కోల్పోయినట్లు ఆయన వెల్లడించారు.అదేవిధంగా ఇరాన్‌లోని 13 డబ్ల్యూహెచ్‌వో అనుబంధ ఆరోగ్య కేంద్రాలు కూడా దాడులకు గురయ్యాయని టెడ్రోస్ తెలిపారు. ఈ ఘటనల్లో నలుగురు ఆరోగ్య సిబ్బంది మరణించగా, మరో 25 మంది గాయపడ్డారని చెప్పారు. అంతర్జాతీయ మానవతా చట్టం ప్రకారం ఆసుపత్రులు, ఆరోగ్య సేవా కేంద్రాలను రక్షించాల్సిన బాధ్యత అందరిపై ఉందని, వాటిని లక్ష్యంగా చేసుకోవద్దని ఆయన విజ్ఞప్తి చేశారు.ఇక అమెరికా–ఇజ్రాయెల్ సంయుక్త వైమానిక దాడుల్లో మరణించినట్లు చెప్పబడుతున్న ఇరాన్ సుప్రీం లీడర్ Ali Khamenei అంత్యక్రియలకు సంబంధించిన ఏర్పాట్లు Tehranలో జరుగుతున్నట్లు సమాచారం.