సిఎస్ తో భేటీ అయిన తూర్పు నావికాదళం
Andhra Pradesh Telugu | Suryaa Desk | Published : Wed, Jun 26, 2019, 10:04 PM
విశాఖపట్నం తూర్పు నావికాదళం ఫ్లాగ్ ఆఫీసర్ కమాండింగ్ ఇన్ చీఫ్ వైస్ అడ్మిరల్ అతుల్ కుమార్ జైన్ బుధవారం అమరావతి సచివాలయంలో ప్రభుత్వ ప్రధాన కార్యదర్శి ఎల్వీ సుబ్రహ్మణ్యంను మర్యాద పూర్వకంగా కలిశారు.ఆయన తూర్పు నావికాదళం ప్లాగ్ ఆఫీసర్ కమాండింగ్ ఇన్ చీఫ్ గా గత నెల 31న బాధ్యతలు చేపట్టిన అనంతరం తొలిసారిగా అమరావతి వచ్చిన సందర్భంగా రాష్ట్ర ప్రభుత్వ ప్రధాన కార్యదర్శిని మర్యాద పూర్వకంగా కలిశారు.ఈసందర్బంగా తూర్పు నావికాదళానికి సంబంధించి వివిధ అంశాలపై వారు చర్చించారు.రాష్ట్ర ప్రభుత్వం నావికాదళం సంయుక్తంగా చేపట్టాల్సిన వివిధ అంశాలపైన ముఖ్యంగా తూర్పు నావికాదళం తరుపున ఏర్పాటు చేయబోయే సంస్థలకు అవసరమైన భూమిని కేటాయించాలని వైస్ అడ్మిరల్ ఎకె జైన్ సిఎస్ ఎల్వీ సుబ్రహ్మణ్యంకు విజ్ణప్తి చేశారు. ఈసమావేశంలో తూర్పు నావికాదళం కమ్మోడోర్లు సుధాకర్,ఎంఎం మోహన్ రాజు, కెప్టెన్ సాకెత్ ఖన్నా తదితరులు పాల్గొన్నారు.
|
|